Passport: ಅತೀ ಹೆಚ್ಚು ಪಾಸ್ಪೋರ್ಟ್ ಪಡೆದ ಜಿಲ್ಲೆಗಳಲ್ಲಿ ಬೆಂಗಳೂರಿಗೆ ಅಗ್ರಸ್ಥಾನ
ಬೆಂಗಳೂರು ಮೇ 1: ಬೆಂಗಳೂರಿನಲ್ಲಿ ಪಾಸ್ಪೋರ್ಟ್ ಸೇವಾ ಕೇಂದ್ರಗಳು (ಪಿಎಸ್ಕೆ) ಮಾರ್ಚ್ ತಿಂಗಳಲ್ಲಿ ಅತಿ ಹೆಚ್ಚು ಪಾಸ್ಪೋರ್ಟ್ಗಳನ್ನು ನೀಡಿವೆ.
ಕಳೆದ 2-3 ವರ್ಷಗಳಿಂದ ಕೊರೊನಾ ಹಾವಳಿಗೆ ವಿದೇಶಕ್ಕೆ ಪ್ರಯಾಣ ರದ್ದಾಗಿತ್ತು. ಕೊರೊನಾ ಹರಡುವ ಭೀತಿಯಿಂದಾಗಿ ವಿದೇಶಕ್ಕೆ ಪ್ರಯಾಣಿಸುವ ಪ್ರಯಾಣಿಕರ ಸಂಖ್ಯೆ ಕೂಡ ಕಡಿಮೆಯಾಗಿತ್ತು. ಇತ್ತೀಚೆಗೆ ಕೊರೊನಾ ಪ್ರಕರಣಗಳು ಕಡಿಮೆಯಾಗಿವೆ. ಜೊತೆಗೆ ಬೇಸಿಗೆ ಕಾಲದ ರಜೆ ಕೂಡ ಶಾಲೆಗಳು ನೀಡಿವೆ. ಹೀಗಾಗಿ ವಿದೇಶಕ್ಕೆ ಪ್ರಯಾಣಿಸುವವರ ಸಂಖ್ಯೆ ಹೆಚ್ಚಾಗಿದೆ. ಇದಕ್ಕೆ ಸಾಕ್ಷಿ ಒಂದು ತಿಂಗಳಲ್ಲಿ ಅತೀ ಹೆಚ್ಚು ಪಾಸ್ಪೋರ್ಟ್ಗಳನ್ನು ವಿತರಿಸಿರುವುದು.
ಪ್ರಾದೇಶಿಕ ಪಾಸ್ಪೋರ್ಟ್ ಕಚೇರಿ (ಆರ್ಪಿಒ) ಬಿಡುಗಡೆ ಮಾಡಿದ ಮಾಹಿತಿ ಪ್ರಕಾರ ಬೆಂಗಳೂರು ಒಂದರಲ್ಲೇ ಮಾರ್ಚ್ನಲ್ಲಿ 79,027 ಪಾಸ್ಪೋರ್ಟ್ಗಳನ್ನು ವಿತರಿಸಲಾಗಿದೆ. ಇದು ಮಾರ್ಚ್ ತಿಂಗಳಲ್ಲಿ ವಿತರಿಸಲಾದ ಅತಿ ಹೆಚ್ಚು ಪಾಸ್ಪೋರ್ಟ್ಗಳ ಸಂಖ್ಯೆ ಇದು ಎಂದು ಹೇಳಿದೆ. ಹೊಸ ಪಾಸ್ಪೋರ್ಟ್ಗಳ ಮುದ್ರಿತ ಮತ್ತು ಹೊಸ ಅರ್ಜಿದಾರರಿಗೆ ವಿತರಣೆ ಹಾಗೂ ನವೀಕರಣಗಳು ಇದರಲ್ಲಿ ಸೇರಿವೆ.
ಬೆಂಗಳೂರಿನಲ್ಲಿ ಪಾಸ್ಪೋರ್ಟ್ ಸೇವಾ ಕೇಂದ್ರಗಳು (ಪಿಎಸ್ಕೆ) ಅತಿ ಹೆಚ್ಚು ಪಾಸ್ಪೋರ್ಟ್ಗಳನ್ನು ಬೆಂಗಳೂರಿನಲ್ಲಿ ನೀಡಿದೆ. ನಂತರದ ಸ್ಥಾನದಲ್ಲಿ ಮಂಗಳೂರು, ಹುಬ್ಬಳ್ಳಿ, ಕಲಬುರಗಿ ಮತ್ತು ಮೈಸೂರು ಸೇರಿವೆ.
ಕೋವಿಡ್ -19 ಸಾಂಕ್ರಾಮಿಕ ಸಮಯದಲ್ಲಿ ಅಂತರರಾಷ್ಟ್ರೀಯ ಪ್ರಯಾಣ ನಿಷೇಧದಿಂದಾಗಿ ಪಾಸ್ಪೋರ್ಟ್ ಅರ್ಜಿದಾರರ ಸಂಖ್ಯೆ ಹೆಚ್ಚು ಕುಸಿದಿತ್ತು. ಕೊರೊನಾ ನಂತರ ಹೊಸ ಅರ್ಜಿಗಳು ಮತ್ತು ಪಾಸ್ಪೋರ್ಟ್ಗಳ ನವೀಕರಣಕ್ಕಾಗಿ PSK ಗಳಲ್ಲಿ ಅಪಾಯಿಂಟ್ಮೆಂಟ್ಗಳಲ್ಲಿ 2021 ರಲ್ಲಿ ಪಡೆಯುವುದು ಕಷ್ಟಕರವಾಗಿದೆ. ಆದರೀಗ ಪರಿಸ್ಥಿತಿಯು ಸರಾಗವಾಗಿದೆ. ಹೊಸ ಪಾಸ್ಪೋರ್ಟ್ಗಳು ಮತ್ತು ಪೋಲಿಸ್-ಕ್ಲಿಯರೆನ್ಸ್ ಪ್ರಮಾಣಪತ್ರಗಳ ಅಪಾಯಿಂಟ್ಮೆಂಟ್ಗಳು ಈಗ ಒಂದು ವಾರ ಅಥವಾ ಅದಕ್ಕಿಂತ ಹೆಚ್ಚಿನ ಅವಧಿಯಲ್ಲಿ ಲಭ್ಯವಿವೆ.
"2022ರ ಆರಂಭದಿಂದ ಪಾಸ್ಪೋರ್ಟ್ ಅರ್ಜಿಗಳಲ್ಲಿ ಸ್ಥಿರವಾದ ಹೆಚ್ಚಳ ಕಂಡುಬಂದಿದೆ. ಈ ವರ್ಷ ಪ್ರವಾಸೋದ್ಯಮ ಮತ್ತು ಉದ್ಯೋಗ ಎರಡಕ್ಕೂ ಹೆಚ್ಚಿನ ಜನರು ವಿದೇಶಕ್ಕೆ ಪ್ರಯಾಣಿಸುತ್ತಿದ್ದಾರೆ. ಸರಾಸರಿ, ಲಾಲ್ಬಾಗ್ನಲ್ಲಿರುವ PSK ದಿನಕ್ಕೆ 1,700 ಕ್ಕೂ ಹೆಚ್ಚು ಅರ್ಜಿಗಳನ್ನು ಸ್ವೀಕರಿಸುತ್ತದೆ. ಈವರೆಗೂ 1,500 ಕ್ಕೂ ಹೆಚ್ಚು ಪೂರ್ಣಗೊಂಡು ವಿತರಿಸಲಾಗಿದೆ. ಮಾರತ್ತಹಳ್ಳಿ ಪಿಎಸ್ಕೆಯು ಪ್ರತಿದಿನ 850 ಕ್ಕೂ ಹೆಚ್ಚು ಅರ್ಜಿಗಳನ್ನು ಪಡೆಯುತ್ತದೆ. ಈ ಪೈಕಿ ಸುಮಾರು 800 ಪ್ರಕ್ರಿಯೆಗೊಳಿಸಲಾಗಿದೆ ಮತ್ತು ಪಾಸ್ಪೋರ್ಟ್ಗಳನ್ನು ನೀಡಲಾಗುತ್ತಿದೆ, "ಎಂದು IFS, RPO ಕೃಷ್ಣ ಕೆ ಹೇಳಿದರು.
ಮಾರ್ಚ್ 2022 ರಲ್ಲಿ ಕೋವಿಡ್ ಬಿಕ್ಕಟ್ಟಿನ ನಂತರ ಕರ್ನಾಟಕವು ಸುಮಾರು 55,000 ಪಾಸ್ಪೋರ್ಟ್ಗಳನ್ನು ಪ್ರಕ್ರಿಯೆಗೊಳಿಸುತ್ತಿದೆ. ಅಕ್ಟೋಬರ್-ಡಿಸೆಂಬರ್ ಅವಧಿಯಲ್ಲಿ 1,97,018 ಬ್ಲೂ ಬುಕ್ ವಿತರಣೆಯೊಂದಿಗೆ ಈ ಸಂಖ್ಯೆಯು ವರ್ಷಪೂರ್ತಿ ಹೆಚ್ಚಾಯಿತು. ಜನವರಿ-ಮಾರ್ಚ್ನಲ್ಲಿ ದಾಖಲೆಯ 2,14,788 ಪಾಸ್ಪೋರ್ಟ್ಗಳನ್ನು ನೀಡಲಾಗಿದೆ ಎಂದು ಮೂಲಗಳು ತಿಳಿಸಿವೆ. 2023ರಲ್ಲೂ ಪಾಸ್ಪೋರ್ಟ್ ಅರ್ಜಿಗಳ ಉಲ್ಬಣ ಮುಂದುವರಿಯುವ ನಿರೀಕ್ಷೆಯಿದೆ.
Click it and Unblock the Notifications
Sign in with Google