ಬೆಂಗಳೂರಿನ ಟ್ರಾಫಿಕ್ ಸಿಗ್ನಲ್ಗಳು ಇನ್ನು ಸ್ಮಾರ್ಟ್, ಸವಾರರು ಹೆಚ್ಚು ಕಾಯುವಂತಿಲ್ಲ?
ಬೆಂಗಳೂರು, ಜೂನ್ 17: ಬೆಂಗಳೂರು ನಗರದ ಪ್ರಮುಖ ಸಮಸ್ಯೆ ಟ್ರಾಫಿಕ್ ಆಗಿರುವುದರಿಂದ ಸವಾರರಿಗೆ ತ್ರಾಸದಾಯಕ ಮುಕ್ತ ಪ್ರಯಾಣ ವ್ಯವಸ್ಥೆ ಕಲ್ಪಿಸಲು ನಗರ ಭೂ ಸಾರಿಗೆ ನಿರ್ದೇಶನಾಲಯ (DULT) ಸೆಪ್ಟೆಂಬರ್ 2023 ರ ವೇಳೆಗೆ 28 ಜಂಕ್ಷನ್ಗಳಲ್ಲಿ ಸ್ಮಾರ್ಟ್ ಸಿಗ್ನಲ್ಗಳನ್ನು ಅಳವಡಿಸುವ ಮೂಲಕ ನಗರದ ಟ್ರಾಫಿಕ್ ತೊಂದರೆಗಳನ್ನು ಪರಿಹರಿಸಲು ಯೋಜಿಸಿದೆ.
ಸುಧಾರಿತ ಸಂಚಾರ ಮಾಹಿತಿ ಮತ್ತು ನಿರ್ವಹಣಾ ವ್ಯವಸ್ಥೆ (ATIMS) ಯೋಜನೆಯ ಭಾಗವಾಗಿ ಈ ಸಿಗ್ನಲ್ಗಳು ಪ್ರತಿ ಜಂಕ್ಷನ್ನಲ್ಲಿ ನೈಜ ಸಮಯದ ಟ್ರಾಫಿಕ್ ಅನ್ನು ಮೇಲ್ವಿಚಾರಣೆ ಮಾಡುತ್ತದೆ. ಅಲ್ಲದೆ ಮುಖ್ಯವಾಗಿ ವಾಹನ ಸವಾರರಿಗೆ ಕಾಯುವ ಸಮಯವನ್ನು ಕಡಿಮೆ ಮಾಡಲು ಸಿಗ್ನಲ್ ಸಮಯವನ್ನು ಸರಿಹೊಂದಿಸುತ್ತದೆ ಎಂದು ಡಿಎಚ್ ವರದಿ ಮಾಡಿದೆ.
ಜಂಕ್ಷನ್ಗಳ ಆಯ್ದ ಭಾಗಗಳು ಕ್ಯೂ ಉದ್ದದ ಮಾಪನ (QMS) ಸಾಧನಗಳನ್ನು ಹೊಂದಿರುತ್ತದೆ. ಈ ಸಾಧನಗಳು ಆಪ್ಟಿಮೈಸ್ಡ್ ಸಿಗ್ನಲ್ ಯೋಜನೆಗಳನ್ನು ಅಭಿವೃದ್ಧಿಪಡಿಸಲು ಮತ್ತು ಟ್ರಾಫಿಕ್ ವಿಳಂಬಗಳನ್ನು ಕಡಿಮೆ ಮಾಡಲು ನೈಜ-ಸಮಯದ ಡೇಟಾವನ್ನು ಒದಗಿಸುತ್ತದೆ. ಸ್ಮಾರ್ಟ್ ಸಿಗ್ನಲ್ಗಳ ಅನುಷ್ಠಾನದ ನಂತರ ಸರಾಸರಿ ಕ್ಯೂ ಉದ್ದವು ಸರಿಸುಮಾರು 30% ರಷ್ಟು ಕಡಿಮೆಯಾಗುತ್ತದೆ ಎಂದು DULT ಅಂದಾಜಿಸಿದೆ.
ಟ್ರಾಫಿಕ್ ಕೌಂಟರ್ಗಳು ವೀಡಿಯೊ ಪತ್ತೆ ವ್ಯವಸ್ಥೆಯನ್ನೂ ಸಹ ಒಳಗೊಂಡಿರುತ್ತವೆ ಎಂದು DULT ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ. ಈ ವ್ಯವಸ್ಥೆಗಳಿಂದ ರೆಕಾರ್ಡ್ ಮಾಡಲಾದ ದೃಶ್ಯಗಳನ್ನು ಜಾರಿ ಉದ್ದೇಶಗಳಿಗಾಗಿ ಸಂಗ್ರಹಿಸಲಾಗುವುದಿಲ್ಲ ಅಥವಾ ರವಾನಿಸಲಾಗುವುದಿಲ್ಲ ಎಂದು ತಿಳಿಸಲಾಗಿದೆ. ನಗರ ಸಂಚಾರ ಪೊಲೀಸರು ಈ ವ್ಯವಸ್ಥೆಗಳನ್ನು ಸಂಚಾರ ನಿರ್ವಹಣಾ ಕೇಂದ್ರದಲ್ಲಿ (TMC) ದೂರದಿಂದಲೇ ನಿರ್ವಹಿಸುತ್ತಾರೆ. ಟ್ರಾಫಿಕ್ ಕಾರಿಡಾರ್ಗಳ ರಚನೆಯ ಅಗತ್ಯವಿರುವ ತುರ್ತು ಅಥವಾ ವಿವಿಐಪಿ ಚಲನೆಗಳ ಸಂದರ್ಭದಲ್ಲಿ ಸುಗಮ ಸಂಚಾರದ ಹರಿವನ್ನು ಖಚಿತಪಡಿಸಿಕೊಳ್ಳಲು ಪೊಲೀಸರು ಸಿಗ್ನಲ್ಗಳನ್ನು ಹಸ್ತಚಾಲಿತವಾಗಿ ಮಾರ್ಪಡಿಸಬಹುದು.
ಇದು ಭಾರತದಲ್ಲಿ ಮೊದಲನೆಯದು:
ಈ ತಂತ್ರಜ್ಞಾನವನ್ನು ಭಾರತದಲ್ಲಿ ಮೊದಲ ಬಾರಿಗೆ ಪರಿಚಯಿಸಲಾಗುತ್ತಿದೆ ಎಂದು DULT ಅಧಿಕಾರಿಗಳು ತಿಳಿಸಿದ್ದಾರೆ. ಯೋಜನೆಯು ಜಪಾನ್ ಸರ್ಕಾರದ ಅನುದಾನದ ಮೂಲಕ ಹಣವನ್ನು ಪಡೆಯುತ್ತದೆ. ಜೂನ್ 30, 2021 ರಂದು ಅನುಷ್ಠಾನ ಒಪ್ಪಂದಕ್ಕೆ ಸಹಿ ಹಾಕಲಾಗಿತ್ತು ಎಂದು ತಿಳಿಸಿದ್ದಾರೆ. ಸಾಂಕ್ರಾಮಿಕ ರೋಗ ಮತ್ತು ವಿವಿಧ ಇಲಾಖೆಗಳಿಂದ ಅನುಮತಿಗಳನ್ನು ಪಡೆಯುವಲ್ಲಿ ವಿಳಂಬದಿಂದಾಗಿ ನಿರ್ಮಾಣ ಕಾರ್ಯವು ಒಂದು ವರ್ಷದ ನಂತರ ಅಕ್ಟೋಬರ್ 2022 ರಲ್ಲಿ ಪ್ರಾರಂಭವಾಯಿತು.
ಇದೀಗ DULT ಆರಂಭಿಕ ಹಂತದಲ್ಲಿ 28 ಸ್ಥಳಗಳಲ್ಲಿ ನೂತನ ವ್ಯವಸ್ಥೆಯನ್ನು ಅಳವಡಿಸಲು ಮುಂದಾಗಿದೆ. ಈ ಸಿಗ್ನಲ್ಗಳನ್ನು ಅಳವಡಿಸಿದ ನಂತರ ಅವುಗಳ ಕಾರ್ಯಕ್ಷಮತೆಯನ್ನು ವಿಸ್ತರಿಸುವ ನಿರ್ಧಾರವು ಅವಲಂಬಿತವಾಗಿರುತ್ತದೆ. IISc ಸಿವಿಲ್ ಇಂಜಿನಿಯರಿಂಗ್ನ ಸಸ್ಟೈನಬಲ್ ಟ್ರಾನ್ಸ್ಪೋರ್ಟೇಶನ್ ಲ್ಯಾಬ್ನ ಸಂಚಾಲಕ ಪ್ರೊ.ಆಶಿಶ್ ವರ್ಮಾ, ಸ್ಮಾರ್ಟ್ ಸಿಗ್ನಲ್ಗಳ ಅನುಷ್ಠಾನದ ಮೊದಲು ಸಮಯಲ್ಲಿ ಮತ್ತು ನಂತರ ವ್ಯವಸ್ಥೆಯ ಪ್ರಭಾವವನ್ನು ಅಧ್ಯಯನ ಮಾಡಲು ದೃಢವಾದ ಕಾರ್ಯವಿಧಾನದ ಅಗತ್ಯವಿದೆ ಎಂದು ತಿಳಿಸಿದರು.
ಟ್ರಾಫಿಕ್ ದಟ್ಟಣೆಯನ್ನು ಕಡಿಮೆ ಮಾಡಲು ದೀರ್ಘಾವಧಿಯ ಕ್ರಮಗಳು ಮೂರು ಅಂಶಗಳ ಮೇಲೆ ಕೇಂದ್ರೀಕರಿಸಬೇಕು. 1. ಮೋಟಾರು ವಾಹನಗಳ ಸಂಖ್ಯೆಯನ್ನು ಕಡಿಮೆ ಮಾಡುವುದು, 2. ಪ್ರತಿ ವಾಹನವು ಪ್ರಯಾಣಿಸುವ ದೂರವನ್ನು ಕಡಿಮೆ ಮಾಡುವುದು ಮತ್ತು 3. ಇಂಧನ ಮಿಶ್ರಣವನ್ನು ಸರಿಪಡಿಸಲು ನವೀಕರಿಸಬಹುದಾದ ಇಂಧನ ಮೂಲಗಳಿಗೆ ಬದಲಾಯಿಸುವುದು ಎಂದು ತಿಳಿಸಿದ್ದಾರೆ.
ಸ್ಮಾರ್ಟ್ ಸಿಗ್ನಲ್ಗಳನ್ನು ಅಳವಡಿಸುವ ಕೆಲವು ಜಂಕ್ಷನ್ಗಳು:
1. ಕ್ವೀನ್ಸ್ ವೃತ್ತ (ಕ್ವೀನ್ಸ್ ರಸ್ತೆ-ಕಸ್ತೂರ್ಬಾ ರಸ್ತೆ-ಎಂಜಿ ರಸ್ತೆ ಜೆಎನ್)
2. ಅನಿಲ್ ಕುಂಬ್ಳೆ ವೃತ್ತ (ಎಂಜಿ ರಸ್ತೆ-ಸೇಂಟ್ ಮಾರ್ಕ್ಸ್ ರಸ್ತೆ)
3. ಮೇಯೊ ಹಾಲ್ ಜಂಕ್ಷನ್ (ಎಂಜಿ ರಸ್ತೆ-ರೆಸಿಡೆನ್ಸಿ ರಸ್ತೆ ಜೆಎನ್)
4. ಟ್ರಿನಿಟಿ ಸರ್ಕಲ್ (MG Rd-ಟ್ರಿನಿಟಿ ಚರ್ಚ್ Rd Jn)
5. ಮಣಿಪಾಲ್ ಸೆಂಟರ್ ಜಂಕ್ಷನ್ (ಕಬ್ಬನ್ ರಸ್ತೆ-ಡಿಕನ್ಸನ್ ರಸ್ತೆ ಜೆಎನ್)
6. ಕಾಮರಾಜ್ ರಸ್ತೆ ಜಂಕ್ಷನ್ (ಕಬ್ಬನ್ ರಸ್ತೆ-ಕಾಮರಾಜ್ ರಸ್ತೆ ಜೆಎನ್)
7. ಒಪೇರಾ ಹೌಸ್ ಜಂಕ್ಷನ್ (ರೆಸಿಡೆನ್ಸಿ ರಸ್ತೆ-ಬ್ರಿಗೇಡ್ ರಸ್ತೆ ಜೆಎನ್)
8. ಶೂಲೆ ಸರ್ಕಲ್ (ಜನರಲ್ ಕೆಎಸ್ ತಿಮಯ್ಯ ರಸ್ತೆ-ಹೊಸೂರು ರಸ್ತೆ ಜೆಎನ್)
9. ಹಳೆಯ ಮದ್ರಾಸ್ ರಸ್ತೆ ಮತ್ತು ಇಂದಿರಾನಗರ 100 ಅಡಿ ಜಂಕ್ಷನ್ (ಸ್ವಾಮಿ ವಿವೇಕಾನಂದ ರಸ್ತೆ-ಇಂದಿರಾನಗರ 100 ಅಡಿ ರಸ್ತೆ ಜೆಎನ್)
10. ಹೊಸ್ಮಾಟ್ ಆಸ್ಪತ್ರೆ ಜಂಕ್ಷನ್ (ಜನರಲ್ ಕೆ ಎಸ್ ತಿಮಯ್ಯ ರಸ್ತೆ-ಮಗ್ರತ್ ರಸ್ತೆ)
Click it and Unblock the Notifications
Sign in with Google