ಟಿಕ್ಟಾಕ್ಗೆ ಬೆಂಗಳೂರು ನಗರ ಪೊಲೀಸರ ಸೇರ್ಪಡೆ
ಬೆಂಗಳೂರು ಫೆಬ್ರವರಿ 7: ಕಾನೂನು ಅರಿವಿಗಾಗಿ ಸಾಮಾಜಿಕ ಜಾಲತಾಣಗಳನ್ನು ಅತ್ಯಂತ ಹೆಚ್ಚು ಬಳಸಿಕೊಳ್ಳುವ ಬೆಂಗಳೂರು ನಗರ ಪೊಲೀಸ್ ವಿಭಾಗವು, ಜನಪ್ರಿಯ ಸಣ್ಣ ವಿಡಿಯೋ ಹಂಚಿಕೆಯ ಸೋಶಿಯಲ್ ನೆಟ್ವರ್ಕ್ ವೇದಿಕೆಯಾಗಿರುವ ಟಿಕ್ಟಾಕ್ಗೂ ಪ್ರವೇಶ ಪಡೆದಿದೆ.
ಉತ್ತಮ ಸಮಾಜ ನಿರ್ಮಾಣಕ್ಕಾಗಿ ಸಾರ್ವಜನಿಕ ಜಾಗೃತಿ ಮೂಡಿಸುವ ಉದ್ದೇಶದಿಂದ ಪ್ರೇರಕ ವಿಡಿಯೋಗಳನ್ನು ಟಿಕ್ಟಾಕ್ ಮೂಲಕ ಹಂಚುವ ಗುರಿಯನ್ನು ಬೆಂಗಳೂರು ಪೊಲೀಸ್ ವಿಭಾಗವು ಹೊಂದಿದೆ. ಅದಕ್ಕೆ ಪೂರಕವಾಗಿ ಇತ್ತೀಚಿನ ದಿನಗಳಲ್ಲಿ ವಿಭಾಗದ ವತಿಯಿಂದ ನಗರದಲ್ಲಿ ಆಯೋಜಿಸಲಾಗಿರುವ ಹಲವಾರು ಕಾರ್ಯಕ್ರಮಗಳ ಸಣ್ಣ ವಿಡಿಯೋಗಳನ್ನು ಟಿಕ್ಟಾಕ್ನಲ್ಲಿ ಅಪ್ಲೋಡ್ ಮಾಡಿ ಸಾರ್ವಜನಿಕರ ವೀಕ್ಷಣೆಗೆ ಅವಕಾಶ ಕಲ್ಪಿಸಲಾಗಿದೆ. ನಾಗರಿಕ ಕೇಂದ್ರಿತ ಹೊಸ ಯುಗದ ವಿಷಯಗಳನ್ನು ಬೆಂಗಳೂರು ಪೊಲೀಸರು ಇನ್ನು ಟಿಕ್ಟಾಕ್ನಲ್ಲಿ ಶೇರ್ ಮಾಡಲಿದ್ದಾರೆ.
ಬೆಂಗಳೂರು ಪೊಲೀಸರು ಟಿಕ್ಟಾಕ್ಗೆ ಸೇರುವ ಮೊದಲೇ ದೇಶದ ಹಲವು ರಾಜ್ಯಗಳ ಪೊಲೀಸ್ ವಿಭಾಗಗಳು ಟಿಕ್ಟಾಕ್ ವೇದಿಕೆಯನ್ನು ಉತ್ತಮ ಕಾರ್ಯಕ್ಕಾಗಿ ಬಳಸಿಕೊಳ್ಳುತ್ತಿವೆ. ಕೇರಳ ಪೊಲೀಸ್, ಉತ್ತರಾಖಂಡ ಪೊಲೀಸ್ ಹಾಗೂ ದುರ್ಗ್ ಪೊಲೀಸ್ ಇವುಗಳಲ್ಲಿ ಪ್ರಮುಖವಾದ ಪೊಲೀಸ್ ವಿಭಾಗಗಳಾಗಿವೆ.
ಹೊಸ ಸಾಮಾಜಿಕ ಜಾಲತಾಣದ ಪ್ರವೇಶದ ಕುರಿತು ಮಾತನಾಡಿದ ಬೆಂಗಳೂರು ನಗರ ಪೊಲೀಸ್ ಆಯುಕ್ತರಾದ ಭಾಸ್ಕರ್ ರಾವ್ ಐಪಿಎಸ್ "ಸಾಮಾಜಿಕ ಜಾಲತಾಣಗಳ ವೇದಿಕೆಯನ್ನು ಬಳಸಿಕೊಂಡು ಸಾರ್ವಜನಿಕ ಅರಿವು ಮೂಡಿಸಬಹುದು ಎಂಬುದರ ಬಗ್ಗೆ ಬೆಂಗಳೂರು ಪೊಲೀಸರಿಗೆ ಹೆಚ್ಚು ವಿಶ್ವಾಸವಿದೆ. ಅದೇ ರೀತಿ ಸೋಷಿಯಲ್ ಮೀಡಿಯಾದಲ್ಲಿ ಮಾಹಿತಿ ಹಾಗೂ ವಿನೋದಕ್ಕೆ ಸಂಬಂಧಿಸಿದ ವಿಡಿಯೋಗಳನ್ನು ಹಂಚಿಕೊಳ್ಳುವ ಮೂಲಕ ಸಾರ್ವಜನಿಕರ ಜತೆ ಸಂವಹನ ಮಾಡುವಲ್ಲಿ ಬೆಂಗಳೂರು ಪೊಲೀಸ್ ಕಮಿಷನರೇಟ್ ಉಳಿದೆಲ್ಲ ನಗರಗಳ ಪೊಲೀಸ್ ವಿಭಾಗಕ್ಕಿಂತ ಒಂದು ಹೆಜ್ಜೆ ಮುಂದಿದೆ. ಟಿಕ್ಟಾಕ್ಗೂ ಬೆಂಗಳೂರು ಪೊಲೀಸರು ಎಂಟ್ರಿ ಪಡೆದಿರುವುದು ಈ ಸಾಲಿಗೆ ಇತ್ತೀಚಿನ ಸೇರ್ಪಡೆಯಾಗಿದೆ. ಸಾರ್ವಜನಿಕರಲ್ಲಿ ಅರಿವು ಮೂಡಿಸುವ ಉದ್ದೇಶದಿಂದ ಪ್ರೇರಕವಾದ ವಿಡಿಯೋಗಳನ್ನು ಟಿಕ್ಟಾಕ್ನಲ್ಲಿ ಹಂಚುವ ಮೂಲಕ ಹೆಚ್ಚಿನ ಜಾಗೃತಿ ಮೂಡಿಸಲು ಸಾಧ್ಯವಿದೆ,'' ಎಂದು ಹೇಳಿದರು.
@blrcitypolice Talent hits a target no one else can hit! Our intention to be with city and citizens! This melody interprets the same... Jotheyali Jothe Jotheyali...
♬ original sound - BENGALURUCITYPOLICE
ಈ ಕುರಿತು ಮಾತನಾಡಿದ ಟಿಕ್ಟಾಕ್ ವಕ್ತಾರರು "ಬೆಂಗಳೂರು ಪೊಲೀಸರು ಟಿಕ್ಟಾಕ್ಗೆ ಪ್ರವೇಶ ಪಡೆದಿರುವ ಬಗ್ಗೆ ನಮಗೆ ಅತೀವ ಸಂತಸವಿದೆ. ಸ್ಥಳೀಯ ವಿಚಾರಗಳನ್ನು ಅತ್ಯಂತ ಪರಿಣಾಮಕಾರಿಯಾಗಿ ಜನರಿಗೆ ತಲುಪಿಸುವ ವಿಚಾರದಲ್ಲಿ ಟಿಕ್ಟಾಕ್ ಹೆಚ್ಚು ಕಾಳಜಿ ವಹಿಸುತ್ತಿದ್ದು, ಅದೇ ರೀತಿಯಲ್ಲಿ ಬೆಂಗಳೂರು ಪೊಲೀಸರಿಗೆ ಕಾನೂನು ಹಾಗೂ ಅದರ ಜಾರಿಯ ಕುರಿತು ಸಾರ್ವಜನಿಕರಲ್ಲಿ ಅರಿವು ಮೂಡಿಸಲು ಟಿಕ್ಟಾಕ್ ನೆರವು ನೀಡಲಿದೆ. ಮುಂದಿನ ದಿನಗಳಲ್ಲಿ ಬೆಂಗಳೂರು ಪೊಲೀಸ್ ವಿಭಾಗದ ಮಾದರಿಯಲ್ಲೇ ಇನ್ನಷ್ಟು ಸಂಸ್ಥೆಗಳನ್ನು ಟಿಕ್ಟಾಕ್ನ ಭಾಗವಾಗಿಸುವುದರೊಂದಿಗೆ ಸಾಮಾಜಿಕ ಬದಲಾವಣೆಗೆ ಆದ್ಯತೆ ನೀಡಲಾಗುವುದು,'' ಎಂದು ನುಡಿದರು.
ಬೆಂಗಳೂರು ಪೊಲೀಸರನ್ನು ಟಿಕ್ಟಾಕ್ನಲ್ಲಿ ಫಾಲೋ ಮಾಡಲು ಇಲ್ಲಿಗೆ ಕ್ಲಿಕ್ ಮಾಡಿ: @blrcitypolice
ಐಒಎಸ್ ಹಾಗೂ ಗೂಗಲ್ ಪ್ಲೇನಿಂದ ಟಿಕ್ಟಾಕ್ ಅನ್ನು ಡೌನ್ಲೋಡ್ ಮಾಡಿಕೊಳ್ಳಿ. ಹೆಚ್ಚಿನ ಮಾಹಿತಿಗಾಗಿ ಟಿಕ್ಟಾಕ್ನಲ್ಲಿ ಟಿಕ್ಟಾಕ್ ಇಂಡಿಯಾವನ್ನು ಫಾಲೋ ಮಾಡಿ.
ಟಿಕ್ಟಾಕ್ ಬಗ್ಗೆ:
ಮೊಬೈಲ್ನಲ್ಲಿ ಚಿತ್ರೀಕರಿಸಿರುವ ಸಣ್ಣ ವಿಡಿಯೋಗಳನ್ನು ಪ್ರಸರಣ ಮಾಡಲು ಇರುವ ಅತ್ಯಂತ ಪ್ರಶಸ್ತ ವೇದಿಕೆ ಟಿಕ್ಟಾಕ್. ಲಾಸ್ ಏಂಜಲೀಸ್, ನ್ಯೂಯಾರ್ಕ್, ಲಂಡನ್, ಪ್ಯಾರೀಸ್, ಬರ್ಲಿನ್, ದುಬೈ, ಮುಂಬಯಿ, ಸಿಂಗಾಪುರ, ಜಕಾರ್ತ, ಸಿಯೋಲ್ ಮತ್ತು ಟೋಕಿಯೋದಲ್ಲಿ ಟಿಕ್ಟಾಕ್ ಜಾಗತಿಕ ಕಚೇರಿಗಳನ್ನು ಹೊಂದಿದೆ.
-
Karnataka Rains: ರಾಜ್ಯಾದ್ಯಂತ ಏಪ್ರಿಲ್ 20ರ ತನಕ ಮಳೆ, 6 ಜಿಲ್ಲೆಗಳಿಗೆ ಉಷ್ಣ ಅಲೆ ಮುನ್ಸೂಚನೆ -
ಬೆಂಗಳೂರು ಸೇರಿ 11 ಜಿಲ್ಲೆಗಳಲ್ಲಿ ಕೈಗಾರಿಕಾ ಅಭಿವೃದ್ಧಿ: 18,430 ರೂ ಹೂಡಿಕೆಗೆ ಅಸ್ತು, 15000 ಉದ್ಯೋಗ ಸೃಷ್ಟಿ -
PUC ವಿದ್ಯಾರ್ಥಿಗಳಿಗೆ ಗುಡ್ನ್ಯೂಸ್: ಇದೇ ವರ್ಷದಿಂದಲೇ ಸಿಗಲಿವೆ ಉಚಿತ ಪಠ್ಯ ಪುಸ್ತಕ -
Railway Food: ರೈಲು ಪ್ರಯಾಣಿಕರ ಬಳಿ ಬರುತ್ತೆ ಆಹಾರ: ರೈಲ್ವೆ ಇಲಾಖೆಗೆ ಕಂಪನಿಗಳ ಸಾಥ್ -
ಸೌದಿ ಅರೇಬಿಯಾದಲ್ಲಿ ಪಾಕಿಸ್ತಾನಿ ಸೇನಾಪಡೆ ನಿಯೋಜನೆ: ಮಿತ್ರ ರಾಷ್ಟ್ರಕ್ಕೆ 13,000 ಸೈನಿಕರು, ಯುದ್ಧ ವಿಮಾನಗಳ ರವಾನೆ -
Weekly Horoscope: ನಾಲ್ಕು ರಾಶಿಯವರಿಗೆ ಅದೃಷ್ಟ ಹೊತ್ತು ತರುವ ವಾರ ಇದು: ಹೇಗಿದೆ ನೋಡಿ ನಿಮ್ಮ ವಾರ ಭವಿಷ್ಯ -
Bengaluru Property: ಬೆಂಗಳೂರು ಮೆಟ್ರೋದ ಈ ಮಾರ್ಗಗಳಲ್ಲಿ ಭೂಮಿ, ಪ್ರಾಪರ್ಟಿ ಬೆಲೆ ಶೇ 20% ರಿಂದ ಶೇ 30% ಹೆಚ್ಚಳ -
Gold Price Drop: ವಾರದ ಮೊದಲ ದಿನವೇ ಚಿನ್ನ-ಬೆಳ್ಳಿ ದರ ಭರ್ಜರಿ ಕುಸಿತ, ಇಂದಿನ ದರಪಟ್ಟಿ -
Career Break: ಅಲಾರಂ ಇಲ್ಲದ ಜೀವನ ಬೇಕು ಎಂದು ಗೂಗಲ್ ಕೆಲಸ ಬಿಟ್ಟ ಯುವ ಟೆಕ್ಕಿ, ನೆಟ್ಟಿಗರ ಮೆಚ್ಚುಗೆ -
E-Khata: ಜನ ಸೇವಕ ಯೋಜನೆ: ಮನೆಯಲ್ಲೇ ಕುಳಿತು ಇ - ಖಾತಾ ಪಡೆಯಿರಿ, ಈ 5 ದಾಖಲೆಗಳಿದ್ದರೆ ಸಾಕು -
Gold Rings: ಅಕ್ಷಯ ತೃತೀಯಕ್ಕೆ ಖರೀದಿಸಬಹುದಾದ ಆಕರ್ಷಕ ವಿನ್ಯಾಸದ 5 ಚಿನ್ನದ ಉಂಗುರಗಳು -
ಮಂಡ್ಯದಲ್ಲಿ 500 ಎಕರೆ ಆಟೋ ಕೈಗಾರಿಕಾ ಹಬ್: ಎಂಬಿ ಪಾಟೀಲ, ಎಚ್ಡಿ ಕುಮಾರಸ್ವಾಮಿ ಮಹತ್ವದ ಚರ್ಚೆ
Click it and Unblock the Notifications
Sign in with Google