ಕೋವಿಡ್ ಪೂರ್ವ ಸ್ಥಿತಿಗೆ ಬಂದ ಬೆಂಗಳೂರು ವೈದ್ಯಕೀಯ ಪ್ರವಾಸೋದ್ಯಮ
ಆಸ್ಪತ್ರೆಯ ಅಂತಾರರಾಷ್ಟ್ರೀಯ ರೋಗಿಗಳ ಸಂಖ್ಯೆ ವರ್ಷದಿಂದ ವರ್ಷಕ್ಕೆ 10-15% ಹೆಚ್ಚಾಗಿದೆ. ಆದರೆ ಕೋವಿಡ್ -19 ಸಾಂಕ್ರಾಮಿಕ ರೋಗದಿಂದ ಇದು ಸಂಪೂರ್ಣ ಶೂನ್ಯವಾಗಿತ್ತು.
ಬೆಂಗಳೂರು, ಫೆಬ್ರವರಿ 14: ಪ್ರಮುಖ ಆಸ್ಪತ್ರೆಗಳ ಪ್ರಕಾರ ವಿದೇಶಗಳಿಂದ ಚಿಕಿತ್ಸೆಗಾಗಿ ಬೆಂಗಳೂರಿಗೆ ಬರುವ ರೋಗಿಗಳ ಸಂಖ್ಯೆ ಕೋವಿಡ್ ಪೂರ್ವದ ಮಟ್ಟಕ್ಕೆ ಮರಳಿದೆ ಎಂದು ತಿಳಿದು ಬಂದಿದೆ.
ಫೋರ್ಟಿಸ್ ಆಸ್ಪತ್ರೆಗಳ ವ್ಯವಹಾರ ಮುಖ್ಯಸ್ಥ ಅಕ್ಷಯ್ ಒಲೆಟಿ, ಕಳೆದ ದಶಕದಲ್ಲಿ ಸ್ಥಿರವಾಗಿ ಬೆಳೆಯುತ್ತಿದ್ದ ಉದ್ಯಮವು ಸಾಂಕ್ರಾಮಿಕ ಸಮಯದಲ್ಲಿ ವಿಮಾನ ಪ್ರಯಾಣದ ನಿರ್ಬಂಧಗಳಿಂದಾಗಿ ಸಂಪೂರ್ಣ ಬಂದ್ ಆಗಿತ್ತು. ಆಸ್ಪತ್ರೆಯ ಅಂತಾರರಾಷ್ಟ್ರೀಯ ರೋಗಿಗಳ ಸಂಖ್ಯೆ ವರ್ಷದಿಂದ ವರ್ಷಕ್ಕೆ 10-15% ಹೆಚ್ಚಾಗಿದೆ. ಆದರೆ ಕೋವಿಡ್ -19 ಸಾಂಕ್ರಾಮಿಕ ರೋಗದಿಂದ ಇದು ಸಂಪೂರ್ಣ ಶೂನ್ಯವಾಗಿತ್ತು ಎಂದು ಹೇಳಿದರು.
ಮಾರ್ಚ್ನಿಂದ ಏಪ್ರಿಲ್ 2022 ರವರೆಗೆ, ಕೋವಿಡ್ ಸಮಯದಲ್ಲಿ ಬರಲು ಸಾಧ್ಯವಾಗದವರ ಸಂಖ್ಯೆ ಹೆಚ್ಚಿರುವುದರಿಂದ ನಾವು ರೋಗಿಗಳ ದೊಡ್ಡ ಒಳಹರಿವನ್ನು ನೋಡಲಾರಂಭಿಸಿದ್ದೇವೆ. ಕಳೆದ ಮೂರು ತಿಂಗಳುಗಳಲ್ಲಿ ಈ ಪ್ರವೃತ್ತಿ ಸಾಮಾನ್ಯವಾಗಿದೆ. ರೋಗಿಗಳ ಸಂಖ್ಯೆಯು ಪೂರ್ವ ಕೋವಿಡ್ ಮಟ್ಟಕ್ಕೆ ಏರಿದೆ ಎಂದು ಅವರು ಹೇಳಿದರು.
ಫೋರ್ಟಿಸ್ ಈಗ ಬೆಂಗಳೂರಿನಲ್ಲಿ ತಿಂಗಳಿಗೆ 200 ರಿಂದ 250 ಹೊಸ ಅಂತಾರಾಷ್ಟ್ರೀಯ ರೋಗಿಗಳನ್ನು ಬರಮಾಡಿಕೊಳ್ಳುತ್ತಿದೆ. ಹಾಗೆಯೇ ಮಣಿಪಾಲ್ ಆಸ್ಪತ್ರೆಗಳ ಗ್ರೂಪ್ ಸಿಒಒ ಕಾರ್ತಿಕ್ ರಾಜಗೋಪಾಲ್, ಬೆಂಗಳೂರಿನಲ್ಲಿರುವ 10 ಕೇಂದ್ರಗಳು ಒಟ್ಟಾಗಿ ಈಗ ಮಾಸಿಕ 700ರಿಂದ 800 ವಿದೇಶಿ ರೋಗಿಗಳು ಬರುತ್ತಿದ್ದಾರೆ. ಇದು ಪೂರ್ವ ಕೋವಿಡ್ ಸಂಖ್ಯೆಗಳಿಗೆ ಹತ್ತಿರದಲ್ಲಿದೆ ಎಂದರು.
ನಾರಾಯಣ ಮತ್ತು ಆಸ್ಟರ್ನಂತಹ ಇತರ ಪ್ರಮುಖ ಆಸ್ಪತ್ರೆಗಳು ಸಹ ಇದೇ ಪ್ರವೃತ್ತಿಯನ್ನು ಪಡೆದಿವೆ. ಅಂತಾರಾಷ್ಟ್ರೀಯ ರೋಗಿಗಳು ಹೆಚ್ಚಾಗಿ ಕೀನ್ಯಾ ಮತ್ತು ಉಗಾಂಡಾದಂತಹ ಆಫ್ರಿಕನ್ ದೇಶಗಳಿಂದ ಬರುತ್ತಾರೆ. ಏಕೆಂದರೆ ಅಲ್ಲಿ ಕಡಿಮೆ ವೈದ್ಯಕೀಯ ಮೂಲಸೌಕರ್ಯ ಮತ್ತು ತಜ್ಞ ವೈದ್ಯರನ್ನು ಹೊಂದಿದೆ. ಬಾಂಗ್ಲಾದೇಶ ಮತ್ತು ಕಾಂಬೋಡಿಯಾದಂತಹ ಕೆಲವು ಏಷ್ಯಾದ ದೇಶಗಳೊಂದಿಗೆ ಓಮನ್ ಮತ್ತು ಇರಾಕ್ನಂತಹ ಪಶ್ಚಿಮ ಏಷ್ಯಾದ ದೇಶಗಳಿಂದಲೂ ರೋಗಿಗಳು ಬರುತ್ತಾರೆ.
ಹೆಚ್ಚು ಸುಲಭವಾಗಿ ಮತ್ತು ಅಗ್ಗ
ಬೆಂಗಳೂರು ವೈದ್ಯಕೀಯವಾಗಿ ಆದ್ಯತೆಯ ಸ್ಥಳವಾಗಿದೆ. ಏಕೆಂದರೆ ಇದು ದೆಹಲಿ ಮತ್ತು ಮುಂಬೈಗೆ ಹೋಲಿಸಿದರೆ ಹೆಚ್ಚು ಸುಲಭವಾಗಿ ಮತ್ತು ಅಗ್ಗವಾಗಿದೆ. ರೋಗಿಗಳು ಮುಖ್ಯವಾಗಿ ಮೆದುಳು, ಹೃದಯ, ಕ್ಯಾನ್ಸರ್, ಅಂಗಾಂಗ ಕಸಿ, ಕೀಲು ಬದಲಿ ಇತ್ಯಾದಿಗಳಿಗೆ ಸಂಕೀರ್ಣ ಶಸ್ತ್ರಚಿಕಿತ್ಸೆಗಳಿಗಾಗಿ ನಗರಕ್ಕೆ ಬರುತ್ತಾರೆ. ಸಣ್ಣ ಪ್ರಮಾಣದಲ್ಲಿ ಫಲವತ್ತತೆ ಚಿಕಿತ್ಸೆಗಳು ಮತ್ತು ಸೌಂದರ್ಯವರ್ಧಕ ಶಸ್ತ್ರಚಿಕಿತ್ಸೆಗಳನ್ನು ಸಹ ಹುಡುಕುತ್ತಾರೆ ಎಂದು ಫೆಡರೇಶನ್ ಆಫ್ ಪ್ರೈವೇಟ್ ಹಾಸ್ಪಿಟಲ್ಸ್ ಅಂಡ್ ನರ್ಸಿಂಗ್ ಹೋಮ್ಸ್ ಅಸೋಸಿಯೇಶನ್-ಇಂಡಿಯಾ ಅಧ್ಯಕ್ಷ ಡಾ ಪ್ರಸನ್ನ ಹೆಚ್ ಎಂ ಹೇಳಿದರು.
ಹಲವೆಡೆ ವೈದ್ಯಕೀಯ ಮಾಹಿತಿ ಕೇಂದ್ರಗಳು
ದೊಡ್ಡ ಆಸ್ಪತ್ರೆಗಳು ಸಾಮಾನ್ಯವಾಗಿ ದೇಶದಾದ್ಯಂತ ಕೇಂದ್ರಗಳನ್ನು ಹೊಂದಿವೆ. ಆಸ್ಟರ್ ಆರ್ವಿ ಆಸ್ಪತ್ರೆಯ ಬೆಂಗಳೂರಿನ ಇಂಟರ್ನ್ಯಾಶನಲ್ ಪೇಷಂಟ್ ಸರ್ವೀಸ್ ಹೆಡ್ ಶೆರಿನ್ ಜಾರ್ಜ್, "ಆ ದೇಶಗಳಲ್ಲಿರುವ ನಮ್ಮ ವೈದ್ಯಕೀಯ ಮಾಹಿತಿ ಕೇಂದ್ರಗಳು ಅವರ ಸಂಪರ್ಕ ಸಂಖ್ಯೆಗಳನ್ನು ಅಗತ್ಯವಿದ್ದವರಿಗೆ ನೀಡುತ್ತವೆ. ಒಬ್ಬ ವ್ಯಕ್ತಿಯು ಅಲ್ಲಿಗೆ ತಲುಪಿದರೆ ನಾವು ಅವರಿಗೆ ನಮ್ಮ ವೈದ್ಯರೊಂದಿಗೆ ದೂರಸಂಪರ್ಕವನ್ನು ಏರ್ಪಡಿಸುತ್ತೇವೆ ಮತ್ತು ಚಿಕಿತ್ಸಾ ಯೋಜನೆಯನ್ನು ರಚಿಸುತ್ತೇವೆ ಎಂದರು.
ತಿಂಗಳಿಗೆ 1,500-2,000 ವಿದೇಶಿ ರೋಗಿಗಳು
ಆಸ್ಟರ್ ತಿಂಗಳಿಗೆ 1,500-2,000 ವಿದೇಶಿ ರೋಗಿಗಳನ್ನು ಪಡೆಯುತ್ತಿದೆ. ಇದು ಕೋವಿಡ್ ಪೂರ್ವದ ಸಮಯಕ್ಕೆ ಸಮಾನವಾಗಿರುತ್ತದೆ. ಫೋರ್ಟಿಸ್ ತನ್ನದೇ ಆದ ಕೇಂದ್ರಗಳನ್ನು ಕೇವಲ ಒಂದೆರಡು ದೇಶಗಳಲ್ಲಿ ಹೊಂದಿದೆ. ಆದರೆ ವೈದ್ಯಕೀಯ ಶಿಬಿರಗಳನ್ನು ನಡೆಸಲು ಬೆಂಗಳೂರಿನ ವೈದ್ಯರು ಪ್ರಯಾಣಿಸುವ ಇತರ ದೇಶಗಳಲ್ಲಿನ ಕ್ಲಿನಿಕ್ಗಳೊಂದಿಗೆ ಟೈ-ಅಪ್ಗಳನ್ನು ಹೊಂದಿದೆ. ಸಂಕೀರ್ಣ ಕಾರ್ಯವಿಧಾನಗಳ ಅಗತ್ಯವಿರುವ ರೋಗಿಗಳು ಬೆಂಗಳೂರಿಗೆ ಬರುತ್ತಾರೆ.
ವಿಮಾನ ದರವನ್ನು ಒಳಗೊಂಡ ಪ್ಯಾಕೇಜ್
ಚಿಕಿತ್ಸಾ ಯೋಜನೆಯು ಅಂತಿಮಗೊಂಡ ನಂತರ, ಆಸ್ಪತ್ರೆಗಳು ರೋಗಿಗೆ ವಿಮಾನ ದರವನ್ನು ಒಳಗೊಂಡಿರುವ ಪ್ಯಾಕೇಜ್ ಅನ್ನು ನೀಡುತ್ತವೆ ಮತ್ತು ಕೆಲವೊಮ್ಮೆ ಪ್ರವಾಸ ಯೋಜನೆಯನ್ನು ಸಹ ನೀಡುತ್ತವೆ. ಸಣ್ಣ ಆಸ್ಪತ್ರೆಗಳು, ಏತನ್ಮಧ್ಯೆ, ಸ್ಥಳೀಯರನ್ನು ತಲುಪಲು ವೈಯಕ್ತಿಕ ಪ್ರತಿನಿಧಿಗಳನ್ನು ಹೊಂದಿವೆ. ಪ್ರಿಸ್ಟಿನ್ ಆಸ್ಪತ್ರೆಯ ಅಧ್ಯಕ್ಷರೂ ಆಗಿರುವ ಡಾ ಪ್ರಸನ್ನ ಅವರು ಬೆಂಗಳೂರಿಗೆ ಬರುವ ಅಂತಾರಾಷ್ಟ್ರೀಯ ರೋಗಿಗಳಲ್ಲಿ ಕೇವಲ 10% ಮಾತ್ರ ಮಧ್ಯಮ ಗಾತ್ರದ, ಸ್ವತಂತ್ರ ಆಸ್ಪತ್ರೆಗಳನ್ನು ಆಯ್ಕೆ ಮಾಡುತ್ತಾರೆ. ಆಸ್ಪತ್ರೆಗೆ ತಿಂಗಳಿಗೆ ಏಳರಿಂದ ಎಂಟು ವಿದೇಶಿ ರೋಗಿಗಳು ಬರುತ್ತಾರೆ ಎಂದು ಅಂದಾಜಿಸಿದ್ದಾರೆ.
ವರ್ಷಕ್ಕೆ ಸುಮಾರು 36,000 ವಿದೇಶಿ ರೋಗಿಗಳು
ನಾರಾಯಣ ಹೆಲ್ತ್ ಗ್ರೂಪ್ನ ಮುಖ್ಯ ಮಾರುಕಟ್ಟೆ ಅಧಿಕಾರಿ ಆಶಿಶ್ ಬಜಾಜ್, ಆಸ್ಪತ್ರೆಯು ವರ್ಷಕ್ಕೆ ಸುಮಾರು 36,000 ತನ್ನ ವಿದೇಶಿ ರೋಗಿಗಳಿಗೆ ದೇಶೀಯ ಸುಂಕದಲ್ಲಿ ಚಿಕಿತ್ಸೆ ನೀಡುತ್ತದೆ. ಇತರ ಕೆಲವು ಆಸ್ಪತ್ರೆಗಳು ಭಾಷಾ ಅನುವಾದದ ವೆಚ್ಚ, ರೋಗಿಗಳಿಗೆ ಆಸ್ಪತ್ರೆ ಪಿಕ್ ಅಪ್ ಮತ್ತು ಡ್ರಾಪ್ ಇತ್ಯಾದಿಗಳನ್ನು ಪರಿಗಣಿಸಿ ಹೆಚ್ಚಿನ ಸುಂಕವನ್ನು ನಿಗದಿಪಡಿಸುತ್ತವೆ ಎಂದು ತಿಳಿಸಿದ್ದಾರೆ.
Click it and Unblock the Notifications
Sign in with Google