Road Accidents: ಬೆಂಗಳೂರಿನಲ್ಲಿ ಹೆಚ್ಚುತ್ತಿದೆ ರಸ್ತೆ ಅಪಘಾತದ ಸಂಖ್ಯೆ: ಇಲ್ಲಿದೆ ಅಂಕಿ ಅಂಶ

ಪ್ರಸಕ್ತ ವರ್ಷದಲ್ಲಿ ಬೆಂಗಳೂರಿನಲ್ಲಿ ರಸ್ತೆ ಅಫಘಾತದಲ್ಲಿ ಮೃತಪಟ್ಟವರ ಸಂಖ್ಯೆಯನ್ನು ಟ್ರಾಫಿಕ್ ಪೊಲೀಸ್‌ ಬಿಡುಗಡೆ ಮಾಡಿದೆ. ಮಾಹಿತಿಯ ಪ್ರಕಾರ ಕಳೆದ ನಾಲ್ಕು ತಿಂಗಳಲ್ಲಿ ಬೆಂಗಳೂರಿನಲ್ಲಿ 300 ಜನ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ. ಕಳೆದ ನಾಲ್ಕು ತಿಂಗಳಿನಲ್ಲಿ ರಾಜ್ಯ ರಾಜಧಾನಿಯಲ್ಲಿ ಸಂಭವಿಸಿದ ಅಫಘಾತಗಳ ಸಂಖ್ಯೆಯನ್ನು ಟ್ರಾಫಿಕ್ ಪೊಲೀಸ್‌ ಬಹಿರಂಗ ಪಡಿಸಿದೆ.

ಒಟ್ಟಾರೆ ಬೆಂಗಳೂರಿನಲ್ಲಿ ಈ ವರ್ಷದಲ್ಲಿ ಒಟ್ಟು 1633 ಅಪಘಾತಗಳು ಸಂಭವಿಸಿದ್ದು, ಇದರಲ್ಲಿ 310 ಜನ ತಮ್ಮ ಜೀವವನ್ನು ಕಳೆದುಕೊಂಡಿದ್ದಾರೆ ಎಂದು ಮಾಹಿತಿಯಿಂದ ತಿಳಿದು ಬಂದಿದೆ. ಅಲ್ಲದೆ 1376 ಜನ ಅಫಘಾತದಲ್ಲಿ ಗಾಯಕ್ಕೆ ತುತ್ತಾಗಿದ್ದಾರೆ. ಈ ಅಂಕಿ ಸಂಖ್ಯೆಯು ನಗರದಲ್ಲಿ ಹೆಚ್ಚುತ್ತಿರುವ ಸಾವಿನ ಸಂಖ್ಯೆಯನ್ನು ಸೂಚಿಸುತ್ತದೆ.

ಯಾವ ಭಾಗದಲ್ಲಿ ಎಷ್ಟು ಅಪಘಾತ?

ಬೆಂಗಳೂರಿನಲ್ಲಿ ನಡೆದ ಅಪಘಾತಗಳನ್ನು ವಿಭಾಗವಾರು ನೋಡಿದಾರ ದಕ್ಷಿಣ, ಉತ್ತರ ಭಾಗದಲ್ಲಿ ಹೆಚ್ಚಿನ ಪ್ರಕರಣಗಳು ಕಂಡು ಬಂದಿವೆ. ಬೆಂಗಳೂರು ದಕ್ಷಿಣ ಭಾಗದಲ್ಲಿ ಒಟ್ಟು 400 ರಸ್ತೆ ಅಪಘಾತಗಳು ಬೆಳಕಿಗೆ ಬಂದಿದ್ದು, ಇದರಲ್ಲಿ 337 ಜನ ಗಾಯಕ್ಕೆ ತುತ್ತಾಗಿದ್ದಾರೆ. ಇನ್ನು 69 ಜನ ಸಾವನ್ನಪ್ಪಿದ್ದಾರೆ.

ಬೆಂಗಳೂರಿನ ಉತ್ತರ ಭಾಗದಲ್ಲೂ ರಸ್ತೆ ಅಫಘಾತದ ಪ್ರಮಾಣ ಹೆಚ್ಚೇ ಇದೆ. ಈ ಭಾಗದಲ್ಲಿ 495 ಪ್ರಕರಣಗಳು ದಾಖಲಾಗಿವೆ. ಇದರಲ್ಲಿ 119 ಜನರು ತಮ್ಮ ಜೀವವನ್ನು ಕಳೆದುಕೊಂಡಿದ್ದು, 420 ಜನರಿಗೆ ಗಾಯವಾಗಿದೆ. ಬೆಂಗಳೂರಿನ ಪಶ್ಚಿಮ ಭಾಗದಲ್ಲಿ 423 ಅಪಘಾತ ಪ್ರಕರಣಗಳು ನಡೆದಿದ್ದು, 57 ಜನ ಸಾವನ್ನಪ್ಪಿದ್ದು, 369 ಜನ ಗಾಯಕ್ಕೆ ತುತ್ತಾಗಿದ್ದಾರೆ. ಬೆಂಗಳೂರಿನ ಪೂರ್ವ ಭಾಗದಲ್ಲಿ ನಡೆದ ಅಫಘಾತದ ಸಂಖ್ಯೆ 315 ಆಗಿದ್ದು, 65 ಜನ ಸಾವನ್ನಪ್ಪಿದ್ದರೆ, 250 ಜನ ಗಂಭೀರ ಗಾಯಕ್ಕೆ ಒಳಗಾಗಿದ್ದಾರೆ.

ಬೆಂಗಳೂರಿನ ಉಪ ವಿಭಾಗಗಳಲ್ಲೂ ಅಪಘಾತದ ಸಂಖ್ಯೆ ಹೆಚ್ಚಿಗೆ ಆಗುತ್ತಿದೆ. ಈಶಾನ್ಯ ಉಪ ವಿಭಾಗದಲ್ಲಿ 312 ರಸ್ತೆ ಅಪಘಾತದ ಪ್ರಕರಣಗಳು ದಾಖಲಾಗಿವೆ. ವೆಟ್‌ಫಿಲ್ಡ್‌ ಉಪ ವಿಭಾಗದಲ್ಲಿ 198, ಪಶ್ಚಿಮ ಉಪ ವಿಭಾಗದಲ್ಲಿ 185, ನೈರುತ್ಯ ಭಾಗದಲ್ಲಿ 105 ಪ್ರಕರಣಗಳು ದಾಖಲಾಗಿವೆ. ಇನ್ನು ಕೆಲವು ಭಾಗದಲ್ಲಿ ರಸ್ತೆ ಅಪಘಾತದ ಸಂಖ್ಯೆ ಹೆಚ್ಚಿದೆ.

ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ರಸ್ತೆಯಲ್ಲಿ ಅತಿ ಹೆಚ್ಚು ಅಪಘಾತಗಳು ಸಂಭವಿಸಿವೆ. ಈ ರಸ್ತೆಯಲ್ಲಿ 81 ರಸ್ತೆ ಅಪಘಾತ ಪ್ರಕರಣಗಳು ದಾಖಲಾಗಿವೆ. ಯಲಹಂಕ ಭಾಗದಲ್ಲಿ 77, ಎಲೆಕ್ಟ್ರಾನಿಕ್ ಸಿಟಿ 70, ಕೆಂಗೇರಿ 69, ಬ್ಯಾಟರಾಯನಪುರ್ ವ್ಯಾಪ್ತಿಯಲ್ಲಿ 65 ರಸ್ತೆ ಅಫಘಾತಗಳು ಸಂಭವಿಸಿದೆ. ವೈಟ್‌ಫೀಲ್ಡ್‌ ಭಾಗದಲ್ಲಿ ರಸ್ತೆ ಅಫಘಾತದಿಂದ 20 ಜನ ಸಾವನ್ನಪ್ಪಿದರೆ, ಕೆಂಗೇರಿಯಲ್ಲಿ 17, ಯಲಂಹಕದಲ್ಲಿ 18, ಏರ್‌ಪೋರ್ಟ್‌ ಏರಿಯಾದಲ್ಲಿ 26, ಎಲೆಕ್ಟ್ರಾನಿಕ್ ಸಿಟಿ ವಿಭಾಗದಲ್ಲಿ 18 ಜನರು ಸಾವನ್ನಪ್ಪಿದ್ದಾರೆ.

ಕಳೆದ ವರ್ಷ ಎಷ್ಟಿತ್ತು?

ಬೆಂಗಳೂರಿನಲ್ಲಿ ಕಳೆದ ವರ್ಷ ರಸ್ತೆ ಅಪಘಾತದ ಸಂಖ್ಯೆ 4974 ಇತ್ತು ಎಂದು ತಿಳಿದು ಬಂದಿದೆ. ಅಲ್ಲದೆ ಈ ವರ್ಷ 910 ಜನರು ತಮ್ಮ ಜೀವವನ್ನು ಕಳೆದುಕೊಂಡಿದ್ದಾರೆ. 2016ರಲ್ಲಿ ಬೆಂಗಳೂರಿನಲ್ಲಿ ಅತಿ ಹೆಚ್ಚು ರಸ್ತೆ ಅಪಘಾತಗಳು ಸಂಭವಿಸಿದ್ದವು ಎಂದು ತಿಳಿದು ಬಂದಿದೆ. 2106ರಲ್ಲಿ ಒಟ್ಟು 7506 ರಸ್ತೆ ಅಪಘಾತ ಪ್ರಕರಣಗಳು ದಾಖಲಾಗಿದ್ದು, 793 ಜನ ಸಾವನ್ನಪ್ಪಿದ್ದರು.

English summary

Bengaluru Records 300+ Fatalities on Roads in Four-Month Span ;