ಬಿಇಎಂಎಲ್‌ನಿಂದ 400 ಕೋಟಿ ವೆಚ್ಚದಲ್ಲಿ 42 ಮೆಟ್ರೋ ಬೋಗಿಗಳ ಪೂರೈಕೆ

ಬೆಂಗಳೂರು, ಮಾರ್ಚ್ 01: ನಮ್ಮ ಮೆಟ್ರೋ ಎರಡನೇ ಹಂತಕ್ಕೆ ಬಿಇಎಂಎಲ್ 400 ಕೋಟಿ ರೂ ವೆಚ್ಚದಲ್ಲಿ ಒಟ್ಟು 42 ಬೋಗಿಗಳ ಪೂರೈಕೆ ಮಾಡಲಿದೆ.

ನಮ್ಮ ಮೆಟ್ರೋ 1 ನೇ ಹಂತದಲ್ಲಿ 150 ಬೋಗಿಗಳನ್ನು ಪೂರೈಸುತ್ತಿರುವ ಬಿಇಎಂಎಲ್ ಎರಡನೇ ಹಂತದ ಯೋಜನೆಗೆ 42 ಬೋಗಿಗಳನ್ನು ಪೂರೈಸುವ ಭರವಸೆ ನೀಡಿದೆ.

ಎರಡನೇ ಹಂತದಲ್ಲಿ ಮೈಸೂರು ರಸ್ತೆ-ಕೆಂಗೇರಿ ಹಾಗೂ ಕನಕಪುರ ರಸ್ತೆಯ ಯಲಚೇನಹಳ್ಳಿ- ಅಂಜನಾಪುರ ಟೌನ್‌ಶಿಪ್ ಮಾರ್ಗಗಳು ಮೊದಲು ಸಂಚಾರಕ್ಕೆ ಮುಕ್ತವಾಗಲಿದೆ.

ಮೈಸೂರು ರಸ್ತೆಯ ಮೆಟ್ರೋ ಕಾಮಗಾರಿ ಶೇ.81ರಷ್ಟು ಮುಗಿದಿದೆ. ಕನಕಪುರ ರಸ್ತೆಯ ಮೆಟ್ರೋ ಕಾಮಗಾರಿ ಶೇ.75 ರಷ್ಟು ಪೂರ್ಣಗೊಂಡಿದೆ.

2020-21ರಲ್ಲಿ ಈ ಮಾರ್ಗಗಳಲ್ಲಿ ರೈಲು ಸಂಚಾರ ಆರಂಭವಾಗಲಿದೆ. ಒಟ್ಟು 42 ಬೋಗಿಗಳನ್ನು ಖರೀದಿಸಲಾಗುತ್ತಿದೆ. ಇದಕ್ಕೆ 400 ಕೋಟಿ ರೂ ಖರ್ಚಾಗಲಿದೆ. ಎರಡನೇ ಹಂತದ ಯೋಜನೆಯಲ್ಲೂ ಬಿಇಎಂಎಲ್‌ಗೆ ಗುತ್ತಿಗೆಯ ಅವಕಾಶ ಲಭ್ಯವಾಗಿದೆ.

1 ನೇ ಹಂತದಲ್ಲಿ 1421 ಕೋಟಿ ರೂ ವೆಚ್ಚದಲ್ಲಿ ಬೋಗಿಗಳ ಖರೀದಿಯಾಗುತ್ತಿದೆ. ಬೈಯಪ್ಪನಹಳ್ಳಿ-ಮೈಸೂರು ರಸ್ತೆ ನೇರಳೆ ಮಾರ್ಗಕ್ಕೆ 12 ಹಾಗೂ ಯಲಚೇನಹಳ್ಳಿ-ನಾಗಸಂದ್ರ ಹಸಿರು ಮಾರ್ಗಕ್ಕೆ 3 ಬೋಗಿ ಹಸ್ತಾಂತರಿಸಲಾಗಿದೆ.

English summary

BEML LIMITED, a PSU under the defence ministry and a manufacturer of metro cars has bagged a Rs 400 crore order for supply of 42 metro coaches from Bangalore Metro Corporation Limited (BMCL).