ತಿಂಗಳೊಳಗೆ ವಾರ್ಡ್ ಸಮಿತಿ ರಚಿಸಲು ಬಿಬಿಎಂಪಿಗೆ ಕೋರ್ಟ್ ಸೂಚನೆ
ಬೆಂಗಳೂರು, ಮೇ 4: ನ್ಯಾ. ಅಶೋಕ್ ಹಿಂಚಿಗೇರಿ ಮತ್ತು ನ್ಯಾ. ಕೆ.ಎಸ್.ಮುದ್ಗಲ್ ವಾರ್ಡ್ ಸಮಿತಿ ರಚನೆಗೆ ಗರಿಷ್ಠ ಒಂದು ತಿಂಗಳ ಸಮಯಾವಕಾಶ ನೀಡಿ, ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಗೆ ನಿರ್ದೇಶಿಸಿದ್ದಾರೆ. ಈ ಆದೇಶವನ್ನು ತಪ್ಪದೆ ಪಾಲಿಸಬೇಕು ಎಂದು ಕೂಡ ಹೇಳಿದ್ದಾರೆ.
ಈ ಹಿಂದೆ ನೀಡಿದ ಹಲವು ಆದೇಶವನ್ನು ಪಾಲಿಸದೆ ವಾರ್ಡ್ ಸಮಿತಿ ರಚಿಸದಿರುವ ಕ್ರಮಕ್ಕೆ ಕೋರ್ಟ್ ಅಸಮಾಧಾನ ವ್ಯಕ್ತಪಡಿಸಿದೆ. ಸಂವಿಧಾನದ 74ನೇ ತಿದ್ದುಪಡಿ (ನಗರಪಾಲಿಕೆ) ಕಾಯ್ದೆ 1992ರ ಪ್ರಕಾರ ಸಾಂವಿಧಾನಿಕವಾಗಿ ಕಡ್ಡಾಯವಾದ ವಾರ್ಡ್ ಸಮಿತಿ ರಚನೆಗೆ ನಡೆಯುತ್ತಿದ್ದ ಹೋರಾಟಕ್ಕೆ ಫಲ ಸಿಕ್ಕಿದೆ.
ಈ ಸೂಚನೆಯು ರಾಜ್ಯದಾದ್ಯಂತ ಇರುವ ಸ್ಥಳಿಯ ಸಂಸ್ಥೆಗಳ ಮೇಲೆ ಕೂಡ ಪರಿಣಾಮ ಬೀರಲಿದೆ. ಹೌದು, ವಾರ್ಡ್ ಸಮಿತಿ ರಚನೆಯಿಂದ ಏನು ಪ್ರಯೋಜನ ಅನ್ನೋದಾದರೆ, ಸಾರ್ವಜನಿಕರು ವಾರ್ಡ್ ಕಚೇರಿಗೆ ಹಾಗೂ ಕಾರ್ಪೋರೇಟರ್ ವರೆಗೆ ದೂರು ಒಯ್ಯುವ ಮುನ್ನ ತಮ್ಮ ಅಹವಾಲನ್ನು ಈ ಸಮಿತಿಗೆ ನೀಡಬಹುದು.
ಬಿಬಿಎಂಪಿಯಿಂದ ಪದೇಪದೇ ಕರ್ನಾಟಕ ಹೈಕೋರ್ಟ್ ನ ಸೂಚನೆಯು ಉಲ್ಲಂಘನೆಯಾಗುತ್ತಿದೆ ಎಂಬ ಅರ್ಜಿ ಸಲ್ಲಿಸಲಾಗಿತ್ತು. ಅದರ ಆಧಾರದ ಮೇಲೆ ಈ ಆದೇಶ ಬಂದಿದೆ.
Click it and Unblock the Notifications
Sign in with Google