ಏರೋ ಇಂಡಿಯಾ 2021; ತೇಜಸ್ ವಿಮಾನದಲ್ಲಿ ತೇಜಸ್ವಿ ಸೂರ್ಯ...
ಬೆಂಗಳೂರು, ಫೆಬ್ರುವರಿ 04; ಏರೋ ಇಂಡಿಯಾ ವೈಮಾನಿಕ ಪ್ರದರ್ಶನದ 13ನೇ ಆವೃತ್ತಿಗೆ ಬೆಂಗಳೂರು ಹೊರವಲಯದಲ್ಲಿರುವ ಯಲಹಂತ ವಾಯುನೆಲೆಯಲ್ಲಿ ಫೆಬ್ರುವರಿ 3ರಂದು ಚಾಲನೆ ದೊರೆತಿದ್ದು, ಎರಡನೇ ದಿನವಾದ ಇಂದು ಬಿಜೆಪಿ ಸಂಸದ ತೇಜಸ್ವಿ ಸೂರ್ಯ ಏರೋ ಇಂಡಿಯಾದಲ್ಲಿ ಪಾಲ್ಗೊಂಡಿದ್ದಾರೆ.
ತೇಜಸ್ವಿ ಸೂರ್ಯ ಫೈಟರ್ ಜೆಟ್ ತೇಜಸ್ ವಿಮಾನದಲ್ಲಿ ಮೂವತ್ತು ನಿಮಿಷ ಹಾರಾಟ ನಡೆಸಿದ್ದಾರೆ. ತೇಜಸ್ ಲಘು ವಿಮಾನ ಯುದ್ಧವಾಗಿದ್ದು, ಇದನ್ನು ಎಚ್ ಎ ಎಲ್ ಅಭಿವೃದ್ಧಿಗೊಳಿಸಿದೆ.
ಎರಡನೇ ದಿನವಾದ ಇಂದು ಪ್ರದರ್ಶನಕ್ಕೆ ಸಾರ್ವಜನಿಕರಿಗೆ ಪ್ರವೇಶ ನಿರ್ಬಂಧಿಸಲಾಗಿದೆ. ಕೇವಲ ಉದ್ಯಮಿಗಳಿಗೆ, ಗಣ್ಯರಿಗೆ ಮಾತ್ರ ಅವಕಾಶ ಕಲ್ಪಿಸಲಾಗಿದೆ.
ಏಷ್ಯಾದ ಅತಿದೊಡ್ಡ ವೈಮಾನಿಕ ಪ್ರದರ್ಶನಕ್ಕೆ ಕೇಂದ್ರ ಸಚಿವ ರಾಜನಾಥ್ ಸಿಂಗ್ ಬುಧವಾರ ಚಾಲನೆ ನೀಡಿದ್ದಾರೆ. ಏರೋ ಇಂಡಿಯಾ 2021ರ ಪ್ರದರ್ಶನವನ್ನು ಫೆಬ್ರವರಿ. 3 ರಿಂದ 5 ರವರೆಗೆ ನಿಗದಿಗೊಳಿಸಲಾಗಿದೆ. ಈ ಬಾರಿ ಏರೋ ಇಂಡಿಯಾ ಪ್ರದರ್ಶನವು ಭಾರತ ಮತ್ತು ಅಮೆರಿಕಾದ ನಡುವಿನ ಕಾರ್ಯತಂತ್ರ ಹಾಗೂ ಎರಡು ರಾಷ್ಟ್ರಗಳ ನಡುವಿನ ಸಹಭಾಗಿತ್ವದ ಸಂಕೇತ ಎನ್ನಲಾಗಿದೆ.
Click it and Unblock the Notifications
Sign in with Google