ಬೆಂಗಳೂರಿನ 38 ವಾರ್ಡ್‌ಗಳು ಕೊರೊನಾ ಹಾಟ್‌ಸ್ಪಾಟ್‌

ಬೆಂಗಳೂರು, ಏಪ್ರಿಲ್ 15: ಬೆಂಗಳೂರಿನ ಒಟ್ಟು 198 ವಾರ್ಡ್‌ಗಳ ಪೈಕಿ 38 ವಾರ್ಡ್‌ಗಳನ್ನು ಕೊರೊನಾ ಹಾಟ್‌ಸ್ಪಾಟ್‌ ಎಂದು ಗುರುತಿಸಲಾಗಿದೆ ಎಂದು ಬಿಬಿಎಂಪಿ ಆಯುಕ್ತ ಬಿ.ಎಚ್. ಅನಿಲ್ ಕುಮಾರ್ ಹೇಳಿದ್ದಾರೆ.

ಕೊರೊನಾ ಸೋಂಕು ಕಾಣಿಸಿಕೊಂಡ 3 ಕಿ.ಮೀ ಪ್ರದೇಶವನ್ನು ಬಫರ್ ಜೋನ್ ಎಂದು ಗುತಿಸಲಾಗಿದೆ. ಸೋಂಕು ಪ್ರಕರಣ ದಾಖಲಾದ ಪ್ರದೇಶಗಳನ್ನು ಕೆಲವು ನಿರ್ದಿಷ್ಟ ಮಾರ್ಗಸೂಚಿಗಳ ಆಧಾರದ ಹಾಟ್‌ಸ್ಪಾಟ್ ಎಂದು ಗುರುತಿಸಲಾಗಿದೆ.

ಬಾಪೂಜಿನಗರ ಹಾಗೂ ಪಾದರಾಯನಪುರ ವಾರ್ಡ್‌ಗಳನ್ನು ಸದ್ಯ ಸೀಲ್‌ಡೌನ್ ಮಾಡಲಾಗಿದೆ. ಬೇರೆ ಯಾವುದೇ ಪ್ರದೇಶವನ್ನು ಸೀಲ್ ಮಾಡಿಲ್ಲ. ಇಲ್ಲಿ ಯಾರೂ ಅನವಶ್ಯಕವಾಗಿ ಹೊರಗೆ ಬರದಂತೆ ಹಾಗೂ ಒಳಗೆ ಹೋಗದಂತೆ ಕಟ್ಟೆಚ್ಚರವಹಿಸಲಾಗಿದೆ.

ಸದ್ಯಕ್ಕೆ ನಗರದ ಬೇರೆ ಪ್ರದೇಶಗಳನ್ನು ಸೀಲ್‌ಡೌನ್ ಮಾಡುವ ಯಾವುದೇ ಪ್ರಸ್ತಾವನೆ ಇಲ್ಲ ಎಂದು ಬಿಬಿಎಂಪಿ ಆಯುಕ್ತರು ತಿಳಿಸಿದ್ದಾರೆ.

ಕಳೆದ 28 ದಿನಗಳಲ್ಲಿ ಯಾರಿಗಾದರೂ ಕೊರೊನಾ ಸೋಂಕು ದೃಢಪಟ್ಟಿದ್ದರೆ ಹಾಗೂ ಕೊರೊನಾ ಸೋಂಕು ದೃಢಪಟ್ಟ ವ್ಯಕ್ತಿಯೊಂದಿಗೆ 50 ಜನ ಸಂಪರ್ಕ ಹೊಂದಿದ್ದರೆ ಪ್ರದೇಶವನ್ನು ಹಾಟ್‌ಸ್ಪಾಟ್ ಎಂದು ಪರಿಗಣಿಸಲಾಗುತ್ತದೆ. ಆ ಮಾನದಂಡದ ಮೇಲೆ 38 ಪ್ರದೇಶಗಳನ್ನು ಹಾಟ್‌ಸ್ಪಾಟ್ ಎಂದು ಗುರುತಿಸಲಾಗಿದೆ.

ವಾರ್ಡ್ ಸಂಖ್ಯೆ ವಾರ್ಡ್ ಹೆಸರು
6 ಥಣಿಸಂದ್ರ
18 ರಾಧಾಕೃಷ್ಣ ದೇವಸ್ಥಾನ
25 ಹೊರಮಾವು
35 ಅರಮನೆ ನಗರ
54 ಹೂಡಿ
59 ಮಾರುತಿಸೇವಾ ನಗರ
67 ನಾಗಾಪುರ
84 ಹಗದೂರು
93 ವಸಂತನಗರ
118 ಸುಧಾಮನಗರ
128 ನಾಗರಬಾವಿ
134 ಬಾಪೂಜಿನಗರ
141 ಆಜಾದ್ ನಗರ
149 ವರ್ತೂರು
162 ಗಿರಿನಗರ
171 ಗುರಪ್ಪನಪಾಳ್ಯ
177 ಜೆಪಿನಗರ
191 ಸಿಂಗಸಂದ್ರ
7 ಬ್ಯಾಟರಾಯನಪುರ
20 ಗಂಗಾನಗರ
26 ರಾಮಮೂರ್ತಿನಗರ
49 ಲಿಂಗರಾಜಪುರ
57 ಸಿವಿರಾಮನ್‌ನಗರ
62 ರಾಮಸ್ವಾಮಿ ಪಾಳ್ಯ
82 ಗರುಡಾಚಾರ್‌ಪಾಳ್ಯ
88 ಜೀವನ್‌ಭಿಮಾ ನಗರ
107 ಶಿವನಗರ
124 ಹೊಸಹಳ್ಳಿ
132 ಅತ್ತಿಗುಪ್ಪೆ
136 ಜಗಜೀವನ್‌ರಾಮ್‌ನಗರ
147 ಆಡುಗೋಡಿ
152 ಸದ್ದುಗುಂಟೆಪಾಳ್ಯ
166 ಕರಿಸಂದ್ರ
172 ಮಡಿವಾಳ
179 ಶಾಕಾಂಬರಿನಗರ 192 ಬೇಗೂರು

English summary

The Bruhat Bengaluru Mahanagara Palike has so far declared 38 wards in Bengaluru as hotspots for novel coronavirus. “We have identified 38 wards that are hotspots so far.