Big Breaking: ರಾಜ್ಯದಲ್ಲಿಂದು 196 ಕೊರೊನಾ ಪ್ರಕರಣ ಪತ್ತೆ

ಬೆಂಗಳೂರು, ಮೇ 23: ಕರ್ನಾಟಕ ರಾಜ್ಯದಲ್ಲಿಂದು ಹೊಸದಾಗಿ 196 ಕೊರೊನಾ ವೈರಸ್‌ ಕೇಸ್‌ಗಳು ಪತ್ತೆಯಾಗಿದೆ. ಈ ಮೂಲಕ ರಾಜ್ಯದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 1939ಕ್ಕೆ ಏರಿಕೆಯಾಗಿದೆ.
ಯಾದಗಿರಿಯಲ್ಲಿ 72 ಮಂದಿಗೆ, ಮಂಡ್ಯದಲ್ಲಿ 28 ಜನರಿಗೆ, ರಾಯಚೂರಿನಲ್ಲಿ 38 ಜನರಿಗೆ, ಚಿಕ್ಕಬಳ್ಳಾಪುರದಲ್ಲಿ 20 ಮಂದಿ ಸೇರಿದಂತೆ 196 ಜನರಿಗೆ ಕೊರೊನಾ ವೈರಸ್ ವಕ್ಕರಿಸಿದೆ.

ಇಂದು ವರದಿಯಾದ 196 ಪ್ರಕರಣಗಳ 184 ಕೇಸ್‌ಗಳಿಗೆ ಮಹಾರಾಷ್ಟ್ರ ರಾಜ್ಯದ ನಂಟು ಹೊಂದಿದೆ. ಇಂದಿನ ಒಟ್ಟು ಪ್ರಕರಣಗಳಲ್ಲಿ 37 ಮಕ್ಕಳು ಒಳಗೊಂಡಿದ್ದಾರೆ. ನಾಲ್ಕು ತಿಂಗಳ ಮಗುವಿಗೆ ಕೊರೊನಾ ಸೋಂಕು ತಗುಲಿದೆ.

ನಿನ್ನೆ ಸಂಜೆ 5 ಗಂಟೆಯಿಂದ ಇಂದು ಮಧ್ಯಾಹ್ನ 12 ಗಂಟೆಯವರೆಗಿನ ವರದಿಯಾಗಿದ್ದು, ಬೆಂಗಳೂರು ನಗರ 4, ಚಿಕ್ಕಬಳ್ಳಾಪುರ 20, ಯಾದಗಿರಿ 72, ಮಂಡ್ಯ 20, ಗದಗ 15, ದಾವಣೆಗೆರೆ 2, ರಾಯಚೂರು 39, ಹಾಸನ 4, ದಕ್ಷಿಣ ಕನ್ನಡ 3, ಕಲಬುರಗಿ 1, ಉತ್ತರ ಕನ್ನಡ 2, ಉಡುಪಿ 1, ಕೋಲಾರ 2, ಧಾರವಾಡ 1, ಬೆಳಗಾವಿಯಲ್ಲಿ 1 ಕೇಸ್ ದಾಖಲಾಗಿದೆ.

ರಾಜ್ಯದಲ್ಲಿ ಇದುವರೆಗೂ 598 ಜನರು ಸೋಂಕಿನಿಂದ ಗುಣಮುಖರಾಗಿದ್ದು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. 1297 ಪ್ರಕರಣಗಳು ಸಕ್ರಿಯವಾಗಿದೆ. ಒಟ್ಟು 41 ಜನರು ಕೊರೊನಾ ವೈರಸ್‌ಗೆ ಬಲಿಯಾಗಿದ್ದಾರೆ.

English summary

196 new COVID19 positive cases have been reported in Karnataka from 5 pm yesterday till 12 noon today. taking the total number of positive cases to 1939.