ಕೇಂದ್ರ ಸಚಿವರ ಮೆಚ್ಚುಗೆ ಗಳಿಸಿದ ಬೆಳಗಾವಿಯ ಪರಿಸರ ಸ್ನೇಹಿ ಬೈಕ್
ನವದೆಹಲಿ, ಜುಲೈ 25: ಬೆಳಗಾವಿಯ ನಿಪ್ಪಾಣಿಯ ಮಹೇಶ್ ಮಹಾಜನ್ ಅವರು ನಿರ್ಮಿಸಿರುವ ಪರಿಸರ ಸ್ನೇಹಿ ಚಾರ್ಜರ್ ಬೈಕ್ ಕೇಂದ್ರ ಸಚಿವರ ಮೆಚ್ಚುಗೆಗೆ ಪಾತ್ರವಾಗಿದೆ.
ನಿಪ್ಪಾಣಿಯ ಮಹೇಶ್ ಅವರು ಮೇಕ್ ಇನ್ ಇಂಡಿಯಾದಿಂದ ಸ್ಪೂರ್ತಿಗೊಂಡು ಪರಿಸರ ಸ್ನೇಹಿ ಎಲೆಕ್ಟ್ರಿಕ್ ಬೈಕ್ ಅನ್ನು ನಿರ್ಮಿಸಿ ದೆಹಲಿಗೆ ಕೊಂಡೊಯ್ದಿದ್ದಾರೆ.
ದೆಹಲಿಯಲ್ಲಿ ತಮ್ಮ ಬೈಕ್ ಅನ್ನು ಸಚಿವ ನಿತಿನ್ ಗಡ್ಕರಿ ಸೇರಿದಂತೆ ಹಲವು ಸಚಿವರಿಗೆ ತೋರಿಸಿರುವ ಮಹೇಶ್ ಅವರು ಅವರಿಂದ ಮೆಚ್ಚುಗೆ ಗಳಿಸಿಕೊಂಡಿದ್ದಾರೆ. ಬೆಳಗಾವಿ ಸಂಸದ ಸುರೇಶ್ ಅಂಗಡಿ ಅವರು ಮಹೇಶ್ ಅವರ ಬೆನ್ನು ತಟ್ಟಿದ್ದಾರೆ.
ಎಂಬಿಎ ಪದವೀಧರರಾಗಿರುವ ಮಹೇಶ್ ಅವರಿಗೆ ಎಲೆಕ್ಟ್ರಾನಿಕ್ ಉಪಕರಣಗಳ ಮೇಲೆ ಎಲ್ಲಿಲ್ಲದ ಪ್ರೇಮ. ಜನವರಿಯಲ್ಲಿ ಇವರೇ ಒಂದು ಹಾರುವ ಕಾರಿನ ಮಾದರಿ ನಿರ್ಮಿಸಿ ಗಮನ ಸೆಳೆದಿದ್ದರು. ಈಗ ಎಲೆಕ್ಟ್ರಿಕ್ ಬೈಕ್ ನಿರ್ಮಿಸಿದ್ದಾರೆ.
Click it and Unblock the Notifications
Sign in with Google