Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರಾಹುಲ್ ಗಾಂಧಿಗೆ 60 ಲಕ್ಷದ ಬಂಗಾರಲೇಪಿತ ವಾಲ್ಮೀಕಿ ವಿಗ್ರಹ
ಬಳ್ಳಾರಿ, ಫೆಬ್ರವರಿ 10 : ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಅವರಿಗೆ ಭರ್ಜರಿ ಉಡುಗೊರೆ ನೀಡಲು ಕೂಡ್ಲಿಗಿ ಶಾಸಕ ನಾಗೇಂದ್ರ ತೀರ್ಮಾನಿಸಿದ್ದಾರೆ. ಅದೇನು ಅಂಥ ಭರ್ಜರಿ ಉಡುಗೊರೆ ಅಂತ ಕೇಳಿದರೆ, ಬಂಗಾರ ಲೇಪಿತ ಬೆಳ್ಳಿಯ ವಾಲ್ಮೀಕಿ ವಿಗ್ರಹವೊಂದನ್ನು ಉಡುಗೊರೆ ನೀಡಲು ಸಿದ್ಧರಾಗಿದ್ದಾರೆ. ಅದನ್ನು ರಾಹುಲ್ ಸ್ವೀಕರಿಸುತ್ತಾರಾ ಎಂಬುದು ಸದ್ಯಕ್ಕೆ ಪ್ರಶ್ನೆಯೇ.
ಏಕೆಂದರೆ, ಈ ವಿಗ್ರಹದ ಬೆಲೆ ಅರವತ್ತು ಲಕ್ಷ ರುಪಾಯಿ. ಹೌದು ನೀವು ಸರಿಯಾಗಿಯೇ ಓದುತ್ತಿದ್ದೀರಿ. ಬೆಳ್ಳಿಯ ಬಂಗಾರ ಲೇಪಿತ ಈ ವಾಲ್ಮೀಕಿ ವಿಗ್ರಹದ ಬೆಲೆ 60 ಲಕ್ಷ ರುಪಾಯಿ. ರಾಜ್ಯದಲ್ಲಿ ವಿಧಾನಸಭೆ ಚುನಾವಣೆ ಕಣ್ಣೆದುರು ಇಟ್ಟುಕೊಂಡು ಈ ರೀತಿಯ ದುಬಾರಿ ಉಡುಗೊರೆ ಪಡೆದು ವಿಪಕ್ಷಗಳ ಟೀಕೆಗೆ ಗುರಿಯಾಗುವ ಸಾಧ್ಯತೆ ಇದೆ.
ಇನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಉಬ್ಲೋ ವಾಚ್ ಪಡೆದು, ಪಟ್ಟ ಕಷ್ಟವೇ ಸಾಕಷ್ಟಿದೆ. ಅದು ಯಾವ ಪರಿ ಪರಿಣಾಮ ಬೀರಿದೆ ಅಂದರೆ, ಸಚಿವ ಎ.ಮಂಜು ಮುಖ್ಯಮಂತ್ರಿಗೆ ರೇಷ್ಮೆ ಪಂಚೆಯನ್ನು ಉಡುಗೊರೆ ನೀಡಲು ಮುಂದಾದರೂ ಬೇಡ ಎಂದು ನಿರಾಕರಿಸಿದ್ದರು ಸಿದ್ದರಾಮಯ್ಯ. ಆಮೇಲೆ ಯಾವುದೇ ಉಡುಗೊರೆಯನ್ನು ಅವರು ತೆಗೆದುಕೊಳ್ಳುತ್ತಿಲ್ಲ.
ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿಗೆ ಕೂಡ್ಲಿಗಿ ಶಾಸಕ ನಾಗೇಂದ್ರ ಅರವತ್ತು ಲಕ್ಷ ಮೌಲ್ಯದ ಒಂದೂವರೆ ಕೇಜಿ ಬಂಗಾರ ಲೇಪಿತ ಬೆಳ್ಳಿಯ ವಾಲ್ಮೀಕಿ ವಿಗ್ರಹವನ್ನು ಉಡುಗೊರೆ ನೀಡಿ, ಅಧಿಕೃತವಾಗಿ ಕಾಂಗ್ರೆಸ್ ಸೇರ್ಪಡೆಯಾಗಲಿದ್ದಾರೆ ಎಂಬ ಮಾತಿದೆ. ವಾಲ್ಮೀಕಿ ಸಮುದಾಯದ ನಾಯಕ ನಾಗೇಂದ್ರ ಅವರ ಈ ಉಡುಗೊರೆ ಸದ್ಯಕ್ಕಂತೂ ಸುದ್ದಿಯಲ್ಲಿದೆ.
