ಕಚ್‌ನಲ್ಲಿ ಪಾಕ್‌ ರಹಸ್ಯ ಡ್ರೋಣ್ ಹೊಡೆದುರುಳಿಸಿದ ಭಾರತ ಸೇನೆ

ಅಹಮದಾಬಾದ್, ಫೆಬ್ರವರಿ 26: ಪಾಕಿಸ್ತಾನಿ ಸ್ಪೈ ಡ್ರೋನ್‌ ಒಂದನ್ನು ಭಾರತೀಯ ಸೇನೆ ಗುಜರಾತ್‌ನ ಕಚ್ ಭಾಗದಲ್ಲಿ ಹೊಡೆದುರುಳಿಸಿದ್ದಾರೆ.

ಒಂದೆಡೆ ಗಡಿ ನಿಯಂತ್ರಣ ರೇಖೆ ದಾಟಿ ಪಾಕ್ ಆಕ್ರಮಿತ ಪ್ರದೇಶದ ಮೇಲೆ ಮಿಂಚಿನ ಸರ್ಜಿಕಲ್ ಸ್ಟ್ರೈಕ್ ನಡೆಸಿದರೆ ಇನ್ನೊಂದೆಡೆ ನಮ್ಮ ದೇಶದ ಮೇಲೆ ನಿಗಾ ಇಡಲು ಪಾಕಿಸ್ತಾನ ಬಳಸಿದ್ದ ರಹಸ್ಯ ಡ್ರೋಣ್ ಒಂದನ್ನು ಭಾರತೀಯ ಸೇನೆಯು ಹೊಡೆದುರುಳಿಸಿದೆ.

ಪುಲ್ವಾಮಾ ಉಗ್ರರ ದಾಳಿಗೆ ಪ್ರತೀಕಾರವಾಗಿ ಫೆಬ್ರವರಿ 26 ಮಂಗಳವಾರ ಮುಂಜಾನೆ ಪಾಕ್ ಅಕ್ರಮಿತ ಕಾಶ್ಮೀರದಲ್ಲಿರುವ ಉಗ್ರರ ನೆಲೆಗಳಿಗೆ ಭಾರತೀಯ ವಾಯುಪಡೆಯು ದಾಳಿಯನ್ನು ನಡೆಸಿತ್ತು. ಇದರಲ್ಲಿ 200ರಿಂದ 300ರಷ್ಟು ಉಗ್ರರನ್ನು ಹತ್ಯೆಗೈಯಲಾಗಿದೆಯೆಂದು ಅಂದಾಜಿಸಲಾಗಿದೆ.

Indian Army shot down a Pakistani drone last night in Kutch area of Gujarat, bordering Pakistan
Read @ANI story | https://t.co/Ybk6ROaI1I pic.twitter.com/S8bgZ5rCRo

— ANI Digital (@ani_digital) February 26, 2019

ಕಳೆದ ಕೆಲವು ದಿನಗಳಿಂದ ಉಗ್ರರ 13 ಅಡಗುತಾಣಗಳ ಮೇಲೆ ಭಾರತೀಯ ಗುಪ್ತಚರ ಇಲಾಖೆ ಮಾಹಿತಿ ಸಂಗ್ರಹಿಸುತ್ತಿತ್ತು. ಇದರಲ್ಲಿ ಬಾಲಾಕೋಟ್ ನಲ್ಲಿರುವ ಅಡಗುತಾಣವನ್ನೂ ಭಾರತೀಯ ಸೇನೆ ಹೊಡೆದುರುಳಿಸಿದೆ.

ಗುಜರಾತ್‌ನ ಕಚ್ ನ ಅಬಾಸಾ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಈಗಾಗಲೇ ತನಿಖೆ ಆರಂಭವಾಗಿದೆ. ಅದ ಪಾಕಿಸ್ತಾನಿ ಸ್ಪೈ ಡ್ರೋಣ್ ಹೌದು ಎಂದು ಅಧಿಕಾರಿಗಳು ಖಚಿತಪಡಿಸಿದ್ದಾರೆ. ಬೆಳಗ್ಗೆ ಸುಮಾರು 6.30ರ ವೇಳೆ ಹೊಡೆದುರುಳಿಸಲಾಗಿದೆ.

English summary

The Indian Army shot down a Pakistani drone Tuesday morning in Kutch area of Gujarat, bordering Pakistan.