ರಷ್ಯಾಗೆ ಇಂಟರ್ನೆಟ್ ಭಯ: ಟೈಪ್ ರೈಟರಿಗೇ ಶರಣು!

ಮಾಸ್ಕೊ, ಜುಲೈ 13: ವಿಕಿಲೀಕ್ಸ್‌ ಜೂಲಿಯನ್‌ ಅಸಾಂಜ್‌ ಆನಂತರ ಎಡ್ವರ್ಡ್ ಸ್ನೋಡನ್ ಅಂತರ್ಜಾಲದ ಮೂಲಕ ಸ್ಫೋಟಕ ಮಾಹಿತಿಗಳನ್ನು ಬಹಿರಂಗಪಡಿಸುತ್ತಿರುವ ಹಿನ್ನೆಲೆಯಲ್ಲಿ ರಷ್ಯಾ ಆಡಳಿತ ಆತಂಕಗೊಂಡಿದೆ.

ಈ ಹಿನ್ನೆಲೆಯಲ್ಲಿ ರಷ್ಯಾ ಯಾವ ಪರಿ ಭೀತಿಗೊಂಡಿದೆ ಅಂದರೆ ಪುರಾತನ ಟೈಪ್ ರೈಟರ್ ಗಳಿಗೇ ಮೊರೆ ಹೋಗಲು ನಿರ್ಧರಿಸಿದೆ. ಇಂಟರ್ ನೆಟ್ ಬಳಸುವುದರಿಂದ ಸರಕಾರದ ಗೌಪ್ಯ ಮಾಹಿತಿ ಸೋರಿಕೆಯಾಗುತ್ತಿದೆ. ಆದ್ದರಿಂದ ಸರಕಾರದ ರಹಸ್ಯವನ್ನು ಕಾಯ್ದುಕೊಳ್ಳಲು ಹಳೆಯ ಟೈಪ್ ರೈಟರುಗಳೇ ವಾಸಿ ಎಂದು ತೀರ್ಮಾನಿಸಿದೆ.

ಇದೇ ವೇಳೆ, ಅಂತರ್ಜಾಲದ ಬಳಕೆ ಮತ್ತು ಸುರಕ್ಷತೆ ಕಾಪಾಡುವ ವಿಧಾನಗಳನ್ನು ಬಿಗಿಗೊಳಿಸಿದೆ.

ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿರುವ ರಷ್ಯಾ ಆಡಳಿತವು 20 ಟೈಪ್ ರೈಟರ್ ಗಳನ್ನು ಈಗಾಗಲೇ ಖರೀದಿಸಿದೆ. ರಷ್ಯಾದ ಸರ್ವೋಚ್ಛ ನಾಯಕರ ಭದ್ರತೆಯಲ್ಲಿ ತೊಡಗಿರುವ Federal Guards Service FSO ಈ ಖರೀದಿ ಮಾಡಿದೆ. ಇನ್ನು ಮುಂದೆ ಉನ್ನತಮಟ್ಟದ ರಹಸ್ಯ ದಾಖಲೆಗಳನ್ನು ಈ ಟೈಪ್ ರೈಟರುಗಳಿಂದಲೇ ಸಿದ್ಧಪಡಿಸುವುದಾಗಿ FSO ತಿಳಿಸಿದೆ.

ಕುತೂಹಲಕಾರಿ ಸಂಗತಿಯೆಂದರೆ ರಷ್ಯಾದ ಅನೇಕ ಸಚಿವರು ಮತ್ತು ಉನ್ನತ ಸಂಸ್ಥೆಗಳು ಸೂಕ್ಷ್ಮ ಮಾಹಿತಿಗಳ ಗೌಪ್ಯತೆಯನ್ನು ಕಾಪಾಡಲು ಹಿಂದಿನಿಂದಲೂ ಟೈಪ್ ರೈಟರ್ ಗಳನ್ನೇ ಬಳಸುತ್ತಿದ್ದಾರೆ.

ಭದ್ರತಾ ಪಡೆಗಳು, ರಹಸ್ಯ ಸೇವಾ ಸಂಸ್ಥೆಗಳು ಮತ್ತು ತುರ್ತು ಪರಿಸ್ಥಿತಿಗಳ ಸಚಿವಾಲಯ ಎಂದಿಗೂ ಕಂಪ್ಯೂಟರ್ ಮೊರೆ ಹೋಗಿಲ್ಲ. ಈ ಸಂಸ್ಥೆಗಳು ಸದಾ ಟೈಪ್ ರೈಟರ್ ಗಳನ್ನೇ ಬಳಸುತ್ತಾ ಬಂದಿವೆ.

English summary

Russia to shun computers and make use of typewriters. Alerted by the recent Edward Snowden incident, Russian government has decided to switch the age-old tradition of using typewriters to prevent leak of any confidential information. An order for 20 typewriters has already been made by the Federal Guards Service FSO in charge of protesting Russia's top leadership.