ಚಾಲಕ ಪ್ರಯಾಣಿಕರೆಲ್ಲ ಪ್ರಜ್ಞೆ ತಪ್ಪಿದ್ದರೂ ಬಸ್ ಸೇಫ್

ಲಖ್ನೋ, ಜುಲೈ 3: ಆ ಬಸ್ಸಿನಲ್ಲಿ ಬರೋಬ್ಬರಿ 55 ಮಂದಿ ಪ್ರಯಾಣಿಸುತ್ತಿದ್ದರು. ಬಸ್ ಚಾಲಕ ಮತ್ತು ಕಂಡಕ್ಟರ್ ಸಹ ಇದ್ದರು ಅನ್ನಿ. ಆದರೆ ಅದೇನಾಯಿತೋ ದಾರಿ ಮಧ್ಯೆ ಅವರೆಲ್ಲ ಸಾಮೂಹಿಕವಾಗಿ ಪ್ರಜ್ಞೆ ತಪ್ಪಿದ್ದಾರೆ. ಸದ್ಯ ಚಾಲಕನೇ ಪ್ರಜ್ಞೆ ತಪ್ಪಿದ್ದರೂ ಅವಘಡವೇನೂ ಆಗಿಲ್ಲ ಅನ್ನಿ.

ಆದರೆ ಪ್ರಜ್ಞೆ ತಪ್ಪಿದವರ ಪೈಕಿ 35 ಮಂದಿಯ ಸ್ಥಿತಿ ಗಂಭೀರವಾಗಿದೆ. ಎಲ್ಲ ಪ್ರಯಾಣಿಕರನ್ನು ತಕ್ಷಣ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮಂಗಳವಾರ ಬೆಳಗ್ಗೆ ಈ ವಿಚಿತ್ರ ಘಟನೆ ನಡೆದಿದೆ.

ಬಿಜ್ನೂರಿನಿಂದ ಗಂಗೋಹ್ ನತ್ತ ಬಸ್ ಸಂಚರಿಸುತ್ತಿತ್ತು. ಬಸ್ ಶಹರಾನಪುರ ಚೆಕ್ ಪೋಸ್ಟ್ ಬಳಿ ಬಂದಿದ್ದಾಗ ದಾರಿಹೋಕರೊಬ್ಬರು ಬಸ್ಸಿನಲ್ಲಿದ್ದವರ ಅವಸ್ಥೆಯನ್ನು ಕಂಡು ದಂಗಾಗಿದ್ದಾರೆ. ತಕ್ಷಣ ಆತ ಪೊಲೀಸರಿಗೆ ಮಾಹಿತಿ ನೀಡಿದ್ದಾನೆ.

ವ್ಯಕ್ತಿಯೊಬ್ಬ ಮಾದಕ ಔಷಧ ಬೆರೆತ ತಿಂಡಿಯನ್ನು ನೀಡಿ ಎಲ್ಲರನ್ನೂ ಪ್ರಜ್ಞೆ ತಪ್ಪಿಸಿರಬಹುದು ಎಂದು ಶಂಕಿಸಲಾಗಿದೆ. ಮತ್ತು ಈ ಸಂಬಂಧ ವ್ಯಕ್ತಿಯೊಬ್ಬನನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ. ತನಿಖೆ ನಡೆಯುತ್ತಿದೆ.

English summary

Uttar Pradesh - Driver passengers found unconscious but bus safe. Fifty-five people travelling in a chartered bus, including the driver and conductor, were found unconscious in a Uttar Pradesh town early Tuesday. A passerby raised an alarm after spotting the bus with unconscious passengers near a check post in Saharanpur. The bus was coming from Bijnor and headed to Gangoh.