ಚಿತ್ರಗಳಲ್ಲಿ : ಧರ್ಮಸ್ಥಳ, ಮುಂಬೈ, ಚೆನ್ನೈ, ಕೇರಳದಲ್ಲಿ ಮಳೆ ಹಾಡು

By Mahesh

Updated: Thursday, June 13, 2013, 11:31 [IST]

ಮುಂಬೈ, ಜೂ.12: ಮುಂಬೈ ಸೇರಿದಂತೆ ಮಹಾರಾಷ್ಟ್ರದ ಬಹುತೇಕ ಭಾಗಗಳಲ್ಲಿ ನೈರುತ್ಯ ಮುಂಗಾರು ನಿರೀಕ್ಷೆಗೂ ಮುನ್ನ ಆಗಮಿಸಿ ಆರ್ಭಟಿಸುತ್ತಲೇ ಇದೆ. ಈಗ ಇದೇ ಮಾರುತಗಳು ದಕ್ಷಿಣ ಭಾಗದತ್ತ ತಿರುಗಿದೆ.

ಮಳೆ ಅರ್ಭಟದಿಂದ ಹಲವೆಡೆ ಜನ ಜೀವನ ಅಸ್ತವ್ಯಸ್ತಗೊಂಡಿದೆ. ದಕ್ಷಿಣ ಒಳನಾಡು ಹಾಗೂ ಮುಂಬೈನಲ್ಲಿ ಮುಂದಿನ 24 ಗಂಟೆಯೊಳಗೆ ಮುಂಬೈ ನಗರ ಮತ್ತು ಸುತ್ತಲಿನ ಪ್ರದೇಶಗಳಲ್ಲಿ ಭಾರೀ ಮಳೆಯಾಗಲಿದೆ ಎಂದೂ ಮುನ್ಸೂಚನೆ ನೀಡಿವೆ.

ಆದರೆ, ಕರ್ನಾಟಕದಲ್ಲಿ ಮುಂಗಾರು ಮಾರುತಗಳ ಪ್ರವೇಶ ಆರ್ಭಟ ಅಷ್ಟಾಗಿ ಕಂಡು ಬಂದಿಲ್ಲ. ಚೆನ್ನೈ, ಕೇರಳ, ಮುಂಬೈ ಸೇರಿದಂತೆ ಮಳೆಯ ಹಾಡು ಹಾಡುತ್ತಿರುವ ಜನತೆಯ ಚಿತ್ರಣ ಇಲ್ಲಿದೆ.

ಕರ್ನಾಟಕದಲ್ಲಿ ಚಿಕ್ಕಮಗಳೂರು, ದಕ್ಷಿಣ ಕನ್ನಡ, ಕೊಡಗು ಹಾಗೂ ಉಡುಪಿ ಜಿಲ್ಲೆಗಳಲ್ಲಿ ಮಳೆ ಆರ್ಭಟ ಜೋರಾಗಿದೆ. ಇದು ನಿರೀಕ್ಷಿತ ಕೂಡಾ ಆದರೆ, ಇತರೆಡೆಗಳಲ್ಲಿ ಮಳೆ ಅಷ್ಟಾಗಿ ಕಾಣಿಸಿಕೊಂಡಿಲ್ಲ. ಧರ್ಮಸ್ಥಳದಲ್ಲಿ ಮಂಗಳವಾರ ಕಂಡ ಮಳೆ ಚಿತ್ರಗಳು ಸಿಕ್ಕಿವೆ. ನಿಮ್ಮ ಊರಿನಲ್ಲೂ ಮಳೆ ಸುರಿಯುತ್ತಿದ್ದರೆ ತಪ್ಪದೆ ನಮಗೆ ಸಾಧ್ಯವಾದಷ್ಟು ಚಿತ್ರಗಳನ್ನು ನಿಮ್ಮ ವಿವರಗಳೊಂದಿಗೆ ಇ ಮೇಲ್ ಮಾಡಿ

ಹವಾಮಾನ ಮುನ್ಸೂಚನೆ ಪ್ರಕಾರ 48 ಗಂಟೆಗಳಲ್ಲಿ ಕರಾವಳಿ, ಮಲೆನಾಡು ಭಾಗಗಳಲ್ಲಿ ಜೋರಾಗಿ ಗಾಳಿ ಸಹಿತ ಮಳೆ ಸುರಿಯುವ ಸಾಧ್ಯತೆಗಳಿವೆ. ದಕ್ಷಿಣ- ನೈಋತ್ಯದಿಂದ ಗಂಟೆಗೆ 40-50 ಕಿ.ಮೀ. ವೇಗದಲ್ಲಿ ಗಾಳಿ ಬೀಸಲಿದ್ದು, ಕರಾವಳಿ ಪ್ರದೇಶದ ಜನರು ಮೀನುಗಾರಿಕೆಗೆ ಹೋಗದಂತೆ ಹವಾಮಾನ ಇಲಾಖೆ ಎಚ್ಚರಿಸಿದೆ.