ಮತ್ತೆ ಡೆಂಗ್ಯೂ ಮಹಾಮಾರಿ: 5 ಹಸುಳೆಗಳ ಸಾವು

ಮೈಸೂರು, ಮೇ 24: ರಾಜ್ಯದಲ್ಲಿ ಮತ್ತೆ ಡೆಂಗ್ಯೂ ಮಹಾಮಾರಿ ಕಾಣಿಸಿಕೊಂಡಿದೆ. ಕಳೆದೊಂದು ವಾರದಲ್ಲಿ ಐದು ಹಸುಳೆಗಳು ಈ ಭೀಕರ ಜ್ವರಕ್ಕೆ ತುತ್ತಾಗಿವೆ.

ಮೈಸೂರಿನ ಸಾಲುಂಡಿಯಲ್ಲಿ ಈ ಸಾವುಗಳು ನಡೆದಿದ್ದು, ಮೃತ ಮಕ್ಕಳನ್ನು ರವಿಚಂದ್ರ (5), ಪ್ರೀತಂ (6), ಯಶಸ್ವಿನಿ (6), ಯಶೋಧ (6) ಹಾಗೂ ಸುಷ್ಮಿತಾ (2) ಶಂಕಿತ ಡೆಂಗ್ಯೂ ಜ್ವರಕ್ಕೆ ಬಲಿಯಾಗಿದ್ದಾರೆ.

ಇನ್ನೂ 10 ಮಕ್ಕಳು ಮೈಸೂರಿನ ವಿವಿಧ ಆಸ್ಪತ್ರೆಗಳಲ್ಲಿ ದಾಖಲಾಗಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ. ಡೆಂಗ್ಯೂ ಜ್ವರದಿಂದ ಬಳಲುತ್ತಿರುವವರು 5 ರಿಂದ 8 ವರ್ಷದ ಮಕ್ಕಳು. ಜಿಲ್ಲಾ ಆರೋಗ್ಯಾಧಿಕಾರಿಗಳು ಹಾಗೂ ವೈದ್ಯರುಗಳ ತಂಡ ಮಕ್ಕಳ ಆರೋಗ್ಯದ ಬಗ್ಗೆ ಮಾಹಿತಿ ಕಲೆ ಹಾಕುತ್ತಿದ್ದಾರೆ. ಮೃತ ಮಕ್ಕಳ ಮನೆಗೆ ತೆರಳಿದ ಸ್ಥಳೀಯ ಶಾಸಕರು ಕುಟುಂಬ ವರ್ಗದವರಿಗೆ ಸಾಂತ್ವನ ಹೇಳಿದ್ದಾರೆ.

ಸಾಲುಂಡಿ ಗ್ರಾಮದಲ್ಲಿ ಡೆಂಗ್ಯೂ ಜ್ವರಕ್ಕೆ ಮಕ್ಕಳು ಬಲಿಯಾದ ಪ್ರಕರಣಕ್ಕೆ ಸಂಬಂಧಿಸಿ ಗ್ರಾಮದಲ್ಲಿನ ಪರಿಸ್ಥಿತಿ ಬಗ್ಗೆ ಪರಿಶೀಲಿಸುತ್ತೇನೆ. ಸರಕಾರಿ ಆಸ್ಪತ್ರೆಗಳಲ್ಲಿ ಸರಿಯಾದ ಚಿಕಿತ್ಸೆ ನೀಡದಿದ್ದರೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಆರೋಗ್ಯ ಸಚಿವ ಯುಟಿ ಖಾದರ್‌ ಬೆಂಗಳೂರಿನಲ್ಲಿ ಹೇಳಿದ್ದಾರೆ.

English summary

Dengue fever claims 5 children in Mysore district in Karnataka in the past one week. The dead chilfren are Ravichandra (5), Preetham (6), Yashaswini (6), Yashodha (6) and Sushmitha (2).