ರಾಷ್ಟೀಯ ಪಕ್ಷಗಳ ಭದ್ರ ಕೋಟೆಯಲ್ಲಿ ಜೆಡಿಎಸ್ ದಾಪುಗಾಲು

Updated: Tuesday, March 12, 2013, 14:48 [IST]

ಬೆಂಗಳೂರು, ಮಾ 12: ಸ್ಥಳೀಯ ಸಂಸ್ಥೆ ಚುನಾವಣೆ ಪ್ರಕ್ರಿಯೆ ಮುಗಿದಿದೆ. ಆಡಳಿತ ವಿರೋಧಿ ಅಲೆಯ ಲಾಭವನ್ನು ಪಡೆಯುವಲ್ಲಿ ಕಾಂಗ್ರೆಸ್ ಹೆಚ್ಚುಕಮ್ಮಿ ಯಶಸ್ವಿಯಾಗಿದೆ.

ಕೆಲವೊಂದು ಭದ್ರ ಕೋಟೆಯಲ್ಲಿ ಕೋಟೆ ಕಟ್ಟಿ ಮೆರೆಯುತ್ತಿದ್ದ ಬಿಜೆಪಿಗೆ ತೀವ್ರ ಮುಖಭಂಗವಾಗಿದೆ. ತನ್ನದೇ ನೆಲದಲ್ಲಿ ರಾಜರಂತೆ ದರ್ಬಾರ್ ನಡೆಸುತ್ತಿದ್ದ ಸ್ವಾಭಿಮಾನಿಯ 'ಸ್ವಾಭಿಮಾನಕ್ಕೆ'ಮತದಾರರು ಜಸ್ಟ್ ಡೋಂಟ್ ಕ್ಯಾರ್ ಅಂದಿದ್ದಾರೆ. ಬಳ್ಳಾರಿಯಲ್ಲಿ ಅಕೌಂಟ್ ಓಪನ್ ಮಾಡಲಾಗದೇ BSR ಕಾಂಗ್ರೆಸ್ ಇನ್ನಿಲ್ಲದಂತೆ ನೆಲಕಚ್ಚಿದೆ.

ಈ ಚುನಾವಣೆಯಲ್ಲಿ ಕಾಂಗ್ರೆಸ್ ಮುನ್ನಡೆ ಸಾಧಿಸಿದಂತೆ ಜೆಡಿಎಸ್ ಕೂಡಾ ತನ್ನ ವ್ಯಾಪ್ತಿಯನ್ನು ವಿಸ್ತರಿಸಿಕೊಂಡಿದೆ. ಹಳೇ ಮೈಸೂರು ಮತ್ತು ಬೆಂಗಳೂರು ಗ್ರಾಮಾಂತರಕ್ಕೆ ಮೀಸಲಾಗಿದ್ದ ಜೆಡಿಎಸ್ ತನ್ನ ಶಕ್ತಿಯನ್ನು ಬೇರೆ ಕಡೆಗೂ ವಿಸ್ತರಿಸಿಕೊಂಡಿದೆ.

ಒಟ್ಟು 906 ಸ್ಥಾನಗಳಲ್ಲಿ ಜೆಡಿಎಸ್ ಗೆಲುವು ಸಾಧಿಸುವ ಮೂಲಕ ಮುಂಬರುವ ವಿಧಾನಸಭಾ ಚುನಾವಣೆಗೆ ತೀವ್ರ ಪೈಪೋಟಿ ಒಡ್ಡಲು ಸಜ್ಜಾಗಿದೆ. ಜೆಡಿಎಸ್ ಪ್ರಾಭಲ್ಯತೆ ಕುಗ್ಗಲಿದೆ ಎನ್ನುವ ಸಮೀಕ್ಷೆಗೆ ರಾಜ್ಯಾಧ್ಯಕ್ಷ ಕುಮಾರಸ್ವಾಮಿ ವ್ಯಂಗ್ಯ ನಗು ಬೀರಿದ್ದಾರೆ.

ಸತತ ಮೂರ್ನಾಲ್ಕು ತಿಂಗಳಿನಿಂದ ಸತತ ಪ್ರಚಾರದಲ್ಲಿ ನಿರತರಾಗಿರುವ ಕುಮಾರಸ್ವಾಮಿಗೆ ಕೆಲವೊಂದು ಜಿಲ್ಲೆಗಳಲ್ಲಿ ಮತದಾರರು ಬೆನ್ನುತಟ್ಟಿ ಆಶೀರ್ವದಿಸಿದ್ದಾರೆ. ತನ್ನ 20:20 ಅವಧಿಯಲ್ಲಿ ತೆಗೆದುಕೊಂಡ ಜನಪರ ಕೆಲಸಗಳು ಚುನಾವಣೆಯಲ್ಲಿ ವರ್ಕೌಟ್ ಆಗಲಿದೆ ಎನ್ನುವ ಕುಮಾರಸ್ವಾಮಿ ವಿಶ್ವಾಸಕ್ಕೆ ಜನ ಸಂಪೂರ್ಣ ತಣ್ಣೀರೆರೆಚಿಲ್ಲ.

ಮೈಸೂರು, ಮಂಡ್ಯ, ರಾಮನಗರ,ಹಾಸನ, ಬೆಂಗಳೂರು ಗ್ರಾಮಾಂತರ ಪ್ರದೇಶದಲ್ಲಿ ಸ್ಟ್ರಾಂಗ್ ಆಗಿದ್ದ ಜೆಡಿಎಸ್ ಇತರ ಜಿಲ್ಲೆಗಳಲ್ಲಿ ಅನಿರೀಕ್ಷಿತ ಫಲಿತಾಂಶ ತಂದು ಅಸೆಂಬ್ಲಿ ಚುನಾವಣೆಗೆ ಮುನ್ನ ಒಳ್ಳೆ ಫೌಂಡೇಶನ್ ಹಾಕಿಕೊಂಡಿದೆ.

ತನ್ನ ಭದ್ರ ಕೋಟೆ ಬಿಟ್ಟು ಮುಂಬರುವ ಚುನಾವಣೆಯಲ್ಲಿ ಜೆಡಿಎಸ್ ಪಾಲಿಗೆ ಆಶಾದಾಯಕವಾಗಿರುವ ಜಿಲ್ಲೆಗಳಾವುವು?

ಚಿತ್ರದುರ್ಗ

142 ಕ್ಷೇತ್ರದಲ್ಲಿ 30 ಕ್ಷೇತ್ರದಲ್ಲಿ ಗೆದ್ದು ಜೆಡಿಎಸ್ ನೀಡಿದ ಅಚ್ಚರಿಯ ಫಲಿತಾಂಶ ಕಾಂಗ್ರೆಸ್ ಮತ್ತು ಬಿಜೆಪಿಗೆ ತಲೆನೋವಾಗಿ ಪರಿಣಮಿಸಲಿದೆ. ಜೊತೆಗೆ ಜಿಲ್ಲೆಯಲ್ಲಿ ಕೆಜೆಪಿ ಎನ್ನುವ ಸಣ್ಣ ಗಾಳಿ ಕೂಡಾ ಬೀಸುತ್ತಿದೆ.