ಬೈಕ್ ಚಕ್ರಕ್ಕೆ ಸೀರೆ ಸುತ್ತಿಕೊಂಡು ಮಹಿಳೆ ಸಾವು
ಮೃತ ಮಹಿಳೆಯನ್ನು ಮಂಗಳೂರಿನ ಕೊಡಿಕಲ್ ನಿವಾಸಿ, 45 ವರ್ಷದ ವಿಜಯಾ ಎಂದು ಗುರುತಿಸಲಾಗಿದೆ. ಎಜೆ ಆಸ್ಪತ್ರೆಗೆ ದಾಖಲಾಗಿದ್ದ ತಮ್ಮ ತಾಯಿಯನ್ನು ವಿಚಾರಿಸಿಕೊಳ್ಳಲು ವಿಜಯಾ ಬೈಕೇರಿ ಆಸ್ಪತ್ರೆಗೆ ತೆರಳುತ್ತಿದ್ದಾಗ ಈ ದುರ್ಘಟನೆ ನಡೆದಿದೆ.
ವಿಜಯಾ ಮೊದಲು ಬಸ್ಸಿನಲ್ಲೇ ಆಸ್ಪತ್ರೆಗೆ ಹೋಗಲು ನಿಕರ್ಧರಿಸಿದ್ದರು. ಆದರೆ ಕೊನೆ ಘಳಿಗೆಯಲ್ಲಿ ಸಂಬಂಧಿಕರೊಬ್ಬರು ಬಂದು ಅವಸರ ಮಾಡಿದರು. ಹಾಗಾಗಿ, ಸಂಬಂಧಿಯ ಬೈಕ್ ಹಿಂದೆ ಕುಳಿತು ಆಸ್ಪತ್ರೆಯತ್ತ ಹೊರಟರು.
ಆದರೆ ಮಾರ್ಗ ಮಧ್ಯೆ ವಿಜಯಾರ ಜೀವಕ್ಕಾಗಿ ಹೊಂಚುಹಾಕಿ ಕುಳಿತಿದ್ದ ಯಮರಾಯ ಯಾರೂ ಊಹಿಸದ ಹಾಗೆ ತನ್ನ ಕೆಲಸವನ್ನು ಸಾಧಿಸಿಯೇ ಬಿಟ್ಟ. ಶುಕ್ರವಾರ (ನ. 9) ಏನಾಯಿತೆಂದರೆ ವಿಜಯಾ ಅವರು ತೊಟ್ಟಿದ್ದ ಸೀರೆ ಹಿಂದಿನ ಚಕ್ರಕ್ಕೆ ಕ್ಷಣಾರ್ಧದಲ್ಲಿ ಸುತ್ತಿಕೊಂಡಿದೆ. ಅಷ್ಟೆ, ಅದು ಆಕೆಯ ಕುತ್ತಿಗೆಗೆ ಉರುಳಾಗಿ ಪರಿಣಮಿಸಿ, ಅರೆ ಜೀವವಾಗಿದ್ದಾರೆ.
ತಕ್ಷಣ ಆಕೆಯನ್ನು ಅವರು ತೆರಳಬೇಕಿದ್ದ ಆಸ್ಪತ್ರೆಗೆ ದಾಖಲಿಸಲಾಯಿತು. ಆದರೆ ಭಾನುವಾರ ಅವರು ಅಂತಿಮ ಉಸಿರೆಳೆದರು. ಅಪಘಾತ ಪ್ರಕರಣವನ್ನು ದಾಖಲಿಸಿಕೊಂಡ ಪೊಲೀಸರು ತೀರಾ ನಿರ್ಲಕ್ಷ್ಯವಾಗಿ ವಾಹನಗಳಲ್ಲಿ ಓಡಾಡುವ ಮಹಿಳೆಯರಿಗೆ ಇದು ಎಚ್ಚರಿಕೆಯ ಪಾಠವಾಗಲಿ ಎಂದು ಆಶಿಸಿದ್ದಾರೆ.
Click it and Unblock the Notifications
Sign in with Google