• search

ಸೈಫ್ ಅಲಿ ಮದ್ವೆಗೆ ಮುನ್ನ ಮಾವನ ಮನೆಗೆ?

By Mahesh
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Ahead of his marriage with Kareena, Saif Ali Khan grilled
    ಮುಂಬೈ, ಸೆ.9: ಲೋಕವೆಲ್ಲ ಸೈಫ್ ಅಲಿ ಖಾನ್ ಮದುವೆ ಬಗ್ಗೆ ಚರ್ಚೆ ನಡೆಸುತ್ತಿರುವಾಗ, ಸೈಫ್ ಅಲಿ ಖಾನ್ ಅವರ ಕೊರಳಿಗೆ ಎಂಟು ವರ್ಷ ಹಳೆ ಕೇಸು ಜೋತು ಬಿದ್ದಿದೆ. ಈಗ ಮದ್ವೆಗೆ ಮುನ್ನ ಮಾವನ ಮನೆಗೆ ಹೋಗ್ತಾನೆ ಛೋಟಾ ನವಾಬ್ ಎಂದು ಜನರು ಆಡಿಕೊಳ್ಳುತ್ತಿದ್ದಾರೆ.

    ಜಾರಿ ನಿರ್ದೇಶನಾಲಯ(ED) ಅಧಿಕಾರಿಗಳಿಗೆ ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಅವರ ಹಳೆ ಕೇಸಿನ ಕಡತ ಸಿಕ್ಕಿದೆ. ದುಬೈನಿಂದ ಐಷಾರಾಮಿ ಕಾರು ಖರೀದಿಸಿದ ಸೈಫ್ ಅಲಿ ಖಾನ್ ಅವರು ಆಮದು ವ್ಯವಹಾರದಲ್ಲಿ ಹಣ ಪಾವತಿ, ತೆರಿಗೆ ಜಮೆ, ಅಸಲಿ ಮಾಲೀಕರು ಯಾರು? ಇತ್ಯಾದಿ ವಿಷಯಗಳ ಮೇಲೆ ಜಾರಿ ನಿರ್ದೇಶನಾಲಯ ಬೆಳಕು ಚೆಲ್ಲಿದೆ.

    2004ರ ಕಾರು ಆಮದು ಪ್ರಕರಣಕ್ಕೆ ಸಂಬಂಧಿಸಿದಂತೆ ಶನಿವಾರ ಮೂರ್ನಾಲ್ಕು ಗಂಟೆಗಳ ಕಾಲ 'ಇಡಿ' ಕಚೇರಿಯಲ್ಲಿ ಸೈಫ್ ಅಲಿ ಖಾನ್ ವಿಚಾರಣೆಗೆ ಒಳಪಟ್ಟಿದ್ದಾರೆ. ಮತ್ತೆ ಕರೆದಾಗ ವಿಚಾರಣೆಗೆ ತಪ್ಪದೇ ಹಾಜರಾಗಬೇಕು ಎಂದು ನಿರ್ದೇಶನ ನೀಡಿ ಅವರನ್ನು ಕಳಿಸಲಾಗಿದೆ.

    ಏನಿದು ಪ್ರಕರಣ?: 2004 ರಲಿ ದುಬೈನಿಂದ ಟೊಯೋಟಾ ಲ್ಯಾಂಡ್ ಕ್ರೂಸರ್ ವಾಹನವನ್ನು ಖರೀದಿಸಿ ಭಾರತಕ್ಕೆ ಆಮದು ಮಾಡಿಕೊಳ್ಳಲಾಗಿತ್ತು. ಆದರೆ, ವಾಹನ ಆಮದು ಆಗಿದ್ದು ಮಾತ್ರ ಕೇರಳದ ನಿವಾಸಿ ಕೊಲಾಂಗರ ಮಹಮ್ಮದ್ ಹೆಸರಿನಲ್ಲಿ ಎಂಬುದು ವಿಶೇಷ.

    ಕೆ ಮಹಮ್ಮದ್ ಹಿನ್ನೆಲೆ ಪರೀಕ್ಷಿಸಿದ ಕಸ್ಟಮ್ಸ್ ಅಧಿಕಾರಿಗಳು ಈತ ಈ ಐಷಾರಾಮಿ ವಾಹನ ಖರೀದಿಸಲು ಸಾಧ್ಯವೇ ಸಾಧ್ಯವಿಲ್ಲ ಎಂದು ಷರಾ ಹಾಕಿಬಿಟ್ಟಿತು. ಕಸ್ಟಮ್ಸ್ ಅಧಿಕಾರಿಗಳಿ ಹಾಗೂ ಗುಪ್ತಚರ ವಿಭಾಗ ತನಿಖೆ ನಡೆಸಿ, ಆಮದು ವ್ಯವಹಾರ ಕಾನೂನು ಬದ್ಧವಾಗಿಲ್ಲ ಎಂದು ವರದಿ ನೀಡಿತ್ತು.

    2006 ರಲ್ಲಿ ಕಸ್ಟಮ್ಸ್ ಅಧಿಕಾರಿಗಳಿಂದ ಮಾಹಿತಿ ಪಡೆದ ಜಾರಿ ನಿರ್ದೇಶನಾಲಯ ಪ್ರಕರಣವನ್ನು ಕೈಗೆತ್ತಿಕೊಂಡಿತು. ಮುಂಬೈನ ಬ್ಯಾಂಕ್ ನಲ್ಲಿ ಭಾರಿ ಮೊತ್ತದ ನಗದು ಪಡೆದ ಖಾತೆಗಳನ್ನು ಪರಿಶೀಲಿಸತೊಡಗಿತು. ಆಗ ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಖಾತೆ ಕೂಡಾ ಕಂಡು ಬಂದಿತ್ತು.


    ಈ ಸಂಬಂಧ Foreign Exchange Management Act (FEMA) ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದ್ದು, ಸೈಫ್ ಅಲಿ ಖಾನ್ ಅವರನ್ನು ಒಂದು ಸುತ್ತಿನ ವಿಚಾರಣೆ ಮುಗಿಸಲಾಗಿದ್ದು, ಈ ಪ್ರಕರಣದಲ್ಲಿ ಹವಾಲಾ ಹಣ ಬಳಕೆ ಬಗ್ಗೆ ನಟನನ್ನು ಪ್ರಶ್ನಿಸಿದೆ. ಸದ್ಯದಲ್ಲೇ ಪ್ರಕರಣದ ಬಗ್ಗೆ ಸ್ಪಷ್ಟ ಚಿತ್ರಣ ನೀಡಿ, ತನಿಖೆ ಮುಕ್ತಾಯಗೊಳಿಸುವುದಾಗಿ ಇಡಿ ಅಧಿಕಾರಿಗಳು ಹೇಳಿದ್ದಾರೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Bollywood actor Saif Ali Khan has been grilled over an alleged "hawala" transaction case at the time when the entire nation is looking forward his much hyped marriage with heroine Kareena Kapoor.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more