ಅಸ್ಸಾಂ ವಿದ್ಯಾರ್ಥಿನಿಯ ಮೇಲೆ ಸಾಮೂಹಿಕ ಅತ್ಯಾಚಾರ

ಸಿಲ್ಚಾರ್, ಆ.16: ಅಸ್ಸಾಂ ಮತ್ತೊಂದು ಸುದ್ದಿಗೆ ಗ್ರಾಸವಾಗಿದೆ. ಇಲ್ಲಿನ ಮಹಿಳಾ ಕಾಲೇಜಿನ ಪ್ರಥಮ ವರ್ಷದ ವಿದ್ಯಾರ್ಥಿನಿಯೊಬ್ಬಳ ಮೇಲೆ ಆಗಸ್ಟ್ 11ರ ರಾತ್ರಿ ಸಾಮೂಹಿಕ ಅತ್ಯಾಚಾರ ನಡೆದಿರುವ ಘಟನೆ ವರದಿಯಾಗಿದೆ.

ಸಿಲ್ಚಾರ್ ಮಹಿಳಾ ಕಾಲೇಜಿನ ಸದರಿ ವಿದ್ಯಾರ್ಥಿನಿ, ತನ್ನ ಹಾಸ್ಟೆಲ್‌ನಿಂದ ಟ್ಯೂಶನ್ನಿಗೆಂದು ಹೋಗುತ್ತಿದ್ದಾಗ ನಾಲ್ವರು ದುಷ್ಕರ್ಮಿಗಳು ಆಕೆಯನ್ನು ಕುಂಭೀರ್ ಗ್ರಾಮ ವಿಮಾನ ನಿಲ್ದಾಣ ರಸ್ತೆಗೆ ಕೊಂಡೊಯ್ದು ಸಾಮೂಹಿಕ ಅತ್ಯಾಚಾರ ನಡೆಸಿದ್ದಾರೆ ಎನ್ನಲಾಗಿದೆ.

ಸದರಿ ವಿದ್ಯಾರ್ಥಿನಿ ಮೂಲತಃ ಗುವಾಹಟಿಯ ಉಜಾನ್ ಬಜಾರ್ ಪ್ರದೇಶದ ನಿವಾಸಿ. ಘಟನೆಯ ಸಂಬಂಧ ಸಿಲ್ಚಾರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ. ತನ್ನ ತಾಯಿ ಹಾಗೂ ಸಹೋದರಿಯರ ಬೆಂಬಲದೊಂದಿಗೆ ಬಾಧಿತ ವಿದ್ಯಾರ್ಥಿನಿ ಗುವಾಹಟಿಗೆ ತೆರಳಿ ದೂರು ದಾಖಲಿಸಿದ್ದಾಳೆ.

ದಿವ್ಯೇಂದು ಜ್ಯೋತಿ ಕೊನ್ವರ್ ಎಂಬ ವಕೀಲ ಸೇರದಿಂತೆ ನಾಲ್ವರನ್ನು ಆಕೆ ಆರೋಪಿಗಳನ್ನಾಗಿ ಹೆಸರಿಸಿದ್ದಾಳೆ. ಪೊಲೀಸರು ಆರೋಪಿಗಳಿಗಾಗಿ ವ್ಯಾಪಕ ಶೋಧ ಕೈಗೊಂಡಿದ್ದಾರೆ.

English summary

Silchar Women's College student gang molested in Assam. The first year degree student of Silchar Women's College was going for private tuitions from her hostel when she was forcibly picked up by four persons in a car on the night of August 11. They took her to the remote Kumbhirgram Airport road and allegedly molested her.