• search

ಹೆಂಡತಿ ಜೊತೆ ರಾತ್ರಿ ಕಳೆದಿದ್ದಕ್ಕೆ ಈ ಶಿಕ್ಷೆಯಾ?

By Prasad
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Kim Collins
    ಲಂಡನ್, ಆ. 6 : ಇಡೀ ಒಲಿಂಪಿಕ್ಸ್ ಕ್ರೀಡಾಕೂಟದ ಆಕರ್ಷಣೆಯ ಕೇಂದ್ರವಾಗಿದ್ದ ಪುರುಷರ 100 ಮೀ. ಓಟದಲ್ಲಿ ಚಿನ್ನದ ಪದಕ ಗೆದ್ದಿರುವ ಉಸೇನ್ ಬೋಲ್ಟ್‌ಗೆ ಜೋಲ್ಟ್ ನೀಡುವ ತಾಕತ್ತು ಈ ಆಟಗಾರನಿಗಿತ್ತು. ಆದರೆ, ಬೋಲ್ಟ್‌ನನ್ನು ಸೋಲಿಸುವುದಿರಲಿ, ಸ್ಪರ್ಧೆಯಲ್ಲಿ ಕೂಡ ಭಾಗವಹಿಸಲು ಸಾಧ್ಯವಾಗದೆ ನಿರಾಶೆ, ಅವಮಾನದಿಂದ ಮನೆಯೆಡೆಗೆ ಆತ ಮುಖ ಮಾಡಿದ್ದಾನೆ.

    ಧ್ವಜವನ್ನು ಹಿಡಿದು ಸೇಂಟ್ ಕಿಟ್ಸ್ ಮತ್ತು ನೆವಿಸ್ ದೇಶವನ್ನು ಪ್ರತಿನಿಧಿಸಿದ್ದ, ಸತತ ಐದು ಒಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಭಾಗವಹಿಸಿದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರವಾದ ಮಾಜಿ ವಿಶ್ವ ಚಾಂಪಿಯನ್ ಕಿಮ್ ಕಾಲಿನ್ಸ್‌ನನ್ನು, ಆತ ಪ್ರತಿನಿಧಿಸುತ್ತಿದ್ದ ತಂಡವೇ, ನಿನಗೆ ದೇಶವನ್ನು ಪ್ರತಿನಿಧಿಸುವ ಯಾವುದೇ ಹಕ್ಕಿಲ್ಲ ಎಂದು ಹೇಳಿ ಆತನನ್ನು ಮನೆಗೆ ಕಳಿಸಿದೆ. ಕಿಮ್ ಕಾಲಿನ್ಸ್ 2003ರಲ್ಲಿ ವಿಶ್ವ ಚಾಂಪಿಯನ್ ಆಗಿದ್ದರು.

    36 ವರ್ಷದ ಎರಡು ಮಕ್ಕಳ ಅಪ್ಪನಾಗಿರುವ ಆತ ಮಾಡಿದ ತಪ್ಪೆಂದರೆ, 100 ಮೀ. ಸ್ಪ್ರಿಂಟ್‌ನಲ್ಲಿ ಭಾಗವಹಿಸಬೇಕಾದ ಹಿಂದಿನ ದಿನ ಹೋಟೆಲಿನಲ್ಲಿ ತನ್ನ ಹೆಂಡತಿಯೊಡನೆ ಇಡೀ ರಾತ್ರಿಯನ್ನು ಕಳೆದಿದ್ದು! ಇದೆಂಥ ತಪ್ಪು ಅನ್ನಬೇಡಿ. ಆದರೆ, ಹೆಂಡತಿಯೊಡನೆ ಕಾಲ ಕಳೆಯುವ ಮುನ್ನ ತಂಡದ ಅಧಿಕಾರಿಗಳ ಅನುಮತಿ ಪಡೆಯದೆ ರಾತ್ರಿ ಕಳೆದಿದ್ದು ಕಿಮ್ ಮಾಡಿದ ತಪ್ಪು.

    ತನಗೆ ಆಗಿರುವ ಅವಮಾನದಿಂದ ಬೇಸತ್ತಿರುವ ಕಿಮ್ ಕಾಲಿನ್ಸ್, "ಅವರ ಅನುಮತಿ ಪಡೆಯಲು ನಾನೇನು ಸಣ್ಣಮಗುವಲ್ಲ. ಹೆಂಡತಿ ಜೊತೆ ಕಾಲ ಕಳೆಯಲು ತಂಡದ ಅನುಮತಿ ಪಡೆಯುವ ಅಗತ್ಯವೂ ಇಲ್ಲ. ಇದು ಅಂತಹ ದೊಡ್ಡ ತಪ್ಪು ಎಂದು ನನಗೇನೂ ಅನಿಸುವುದಿಲ್ಲ. ಸ್ಪ್ರಿಂಟ್‌ನಲ್ಲಿ ಭಾಗವಹಿಸಲು ನನಗೆ ಅನುಮತಿ ನೀಡಬೇಕಿತ್ತು" ಎಂದು ಪ್ರತಿಕ್ರಿಯೆ ನೀಡಿದ್ದಾರೆ. ಹಾಗೆಯೆ, ತಮ್ಮ ವೃತ್ತಿ ಜೀವನದಿಂದ ನಿವೃತ್ತರಾಗಲು ಅವರು ನಿರ್ಧಾರ ತೆಗೆದುಕೊಂಡಿದ್ದಾರೆ.

    "ಒಲಿಂಪಿಕ್ಸ್ ಪಂದ್ಯಗಳನ್ನು ಟಿವಿಯಲ್ಲಿ ನೋಡಲೆಂದು ನಾನು ಲಂಡನ್ನಿಗೆ ಬಂದಿರಲಿಲ್ಲ. ನನ್ನ ವೃತ್ತಿ ಜೀವನ ಈ ರೀತಿ ಕೊನೆಗೊಂಡಿರುವುದು ನಿಜಕ್ಕೂ ದುಃಖದ ಸಂಗತಿ. ನಾನೀಗ ವಾಪಸ್ ಹೋಗುತ್ತಿದ್ದೇನೆ, ಮಕ್ಕಳನ್ನು ಭೇಟಿಯಾಗುತ್ತೇನೆ. ನನ್ನ ಮಕ್ಕಳಿಂದ ದೂರವಿದ್ದು ತುಂಬಾ ದಿನವಾಯಿತು" ಎಂದು ವಿಶ್ವ ಅಥ್ಲೆಟಿಕ್ ಚಾಂಪಿಯನ್‌ಶಿಪ್ ಮತ್ತು ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ ಚಿನ್ನದ ಪದಕ ಗೆದ್ದಿದ್ದ ಕಿಮ್ ಕಾಲಿನ್ಸ್ ಅತ್ಯಂತ ಭಾವುಕರಾಗಿ ನುಡಿದಿದ್ದಾರೆ.

    ತಂಡದ ಅಧಿಕಾರಿಗಳು ಹೇಳುವುದೇನೆಂದರೆ, ಒಂದಕ್ಕಿಂತ ಹೆಚ್ಚು ಬಾರಿ ಅನುಮತಿಯಿಲ್ಲದೆ ಕ್ರೀಡಾಗ್ರಾಮವನ್ನು ತೊರೆದು ಕಿಮ್ ಕಾಲಿನ್ಸ್ ನಿಯಮಗಳನ್ನು ಗಾಳಿಗೆ ತೂರಿದ್ದಾರೆ. ಕಾರಣಗಳೇನೆ ಇರಲಿ ಕಿಮ್ ಕಾಲಿನ್ಸ್‌ಗೆ ಕ್ರೀಡಾಭಿಮಾನಿಗಳಿಂದ ಭಾರೀ ಬೆಂಬಲ ವ್ಯಕ್ತವಾಗಿದೆ. ಕೋಚ್ ಕೂಡ ಆಗಿರುವ ಹೆಂಡತಿಯನ್ನು ಭೇಟಿ ಮಾಡಿದ್ದರಲ್ಲಿ ತಪ್ಪೇನಿದೆ ಎಂದು ಕೋಪೋದ್ರಿಕ್ತರಾಗಿ ಅಭಿಮಾನಿಗಳು ಕೇಳುತ್ತಿದ್ದಾರೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Former world champion in 100 meters sprint Kim Collins of Saint Kitts and Nevis has been sent home by his own team for spending one night with his wife. The 36 year old Kim Collins has announced his retirement. Kim Collins was dreaming of beating new world champion Usain Bolt.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more