ರೊನಾಲ್ಡೊ vs ಸ್ಪೇನ್ ಗೂಳಿಗಳ ಕಾಳಗ ಕುತೂಹಲ
ಎರಡನೆ ಬಾರಿ ಪ್ರಶಸ್ತಿ ಗೆಲ್ಲುವ ಫೇವಟ್ ಎನಿಸಿರುವ ಸ್ಪೇನ್ ತಂಡಕ್ಕೆ ಪೋರ್ಚುಗಲ್ನ ನಾಯಕ ಕ್ರಿಶ್ಟಿಯಾನೊ ರೊನಾಲ್ಡೊ ದಾಳಿ ಎದುರಿಸಬೇಕಿದೆ. ಎರಡು ತಂಡಗಳು ಸತತ ಮೂರು ಗೆಲುವಿನ ಮೂಲಕ ಸೆಮಿಫೈನಲ್ ತಲುಪಿದೆ.
ಯುರೋ ಕಪ್ನಲ್ಲಿ ಸ್ಪೇನ್ ತಂಡ 1964 ಮತ್ತು 2008ರಲ್ಲಿ ಪ್ರಶಸ್ತಿ ಜಯಿಸಿದೆ. 1984ರಲ್ಲಿ ನಡೆದ ಯುರೋ ಕಪ್ನ ಫೈನಲ್ನಲ್ಲಿ ಫ್ರಾನ್ಸ್ ವಿರುದ್ಧ 0-2 ಅಂತರದಿಂದ ಸೋತು ನಿರ್ಗಮಿಸಿತ್ತು. ಪೋರ್ಚುಗಲ್ ತಂಡ 2004ರಲ್ಲಿ ಗ್ರೀಸ್ ವಿರುದ್ಧ ಫೈನಲ್ನಲ್ಲಿ 0-4 ಅಂತರದಿಂದ ಸೋತು ಪ್ರಶಸ್ತಿ ಎತ್ತುವ ಅವಕಾಶವನ್ನು ಕಳೆದುಕೊಂಡಿತ್ತು.
1970ರ ಬಳಿಕ ಜರ್ಮನಿಯನ್ನು ಹೊರತುಪಡಿಸಿದರೆ ಯುರೋಪಿನ ಯಾವುದೇ ತಂಡ ಸತತ ಫೈನಲ್ ಪ್ರವೇಶಿಸಿದ ಸಾಧನೆ ಮಾಡಿಲ್ಲ. ಸ್ಪೇನ್ ತಂಡ 2008ರಲ್ಲಿ ಯುರೋ ಕಪ್ ಜಯಿಸಿತು. 2010ರಲ್ಲಿ ವಿಶ್ವಚಾಂಪಿಯನ್ ಎನಿಸಿಕೊಂಡಿತು. ಇದೀಗ ಯುರೋ ಕಪ್ನಲ್ಲಿ ಮತ್ತೊಮ್ಮೆ ಪ್ರಶಸ್ತಿ ಎತ್ತುವ ಕನಸು ಕಾಣುತ್ತಿದೆ. ಸೆಮಿಫೈನಲ್ ಹಂತ ತಲುಪಿದ ಮೇಲೆ ಸ್ಪೇನ್ ಸೋತಿದ್ದಿಲ್ಲ.
ಪೋರ್ಚುಗಲ್ ಗೆ ಸುವರ್ಣ ಅವಕಾಶ: 2010ರ ವಿಶ್ವಕಪ್ನಲ್ಲಿ 16ರ ಘಟ್ಟದಲ್ಲಿ ಸ್ಪೇನ್ ವಿರುದ್ಧ ಸೋತು ನಿರ್ಗಮಿಸಿದ್ದ ಪೋರ್ಚುಗಲ್ ತಂಡಕ್ಕೆ ಸೇಡು ತೀರಿಸಿಕೊಳ್ಳಲು ಉತ್ತಮ ಅವಕಾಶ ಒದಗಿ ಬಂದಿದೆ.ಸ್ಪೇನ್ ತಂಡ ಪೋರ್ಚುಗಲ್ನ್ನು 1-0 ಅಂತರದಲ್ಲಿ ಸೋಲಿಸಿತ್ತು. ಸ್ಪೇನ್ನ ಗೆಲುವಿಗೆ ಗೋಲು ದಾಖಲಿಸಿದ್ದ ಸ್ಟಾರ್ ಆಟಗಾರ ಡೇವಿಡ್ ವಿಲ್ಲಾ ಗಾಯದಿಂದ ಚೇತರಿಸಿಕೊಳ್ಳುತ್ತಿರುವ ಹಿನ್ನೆಲೆಯಲ್ಲಿ ಯುರೋ ಕಪ್ ತಂಡದಲ್ಲಿ ಇಲ್ಲ.
ಪೋರ್ಚುಗಲ್ ತಂಡದ ನಾಯಕ ಕ್ರಿಶ್ಟಿಯಾನೊ ರೊನಾಲ್ಡೊ ಈ ಬಾರಿ ಯುರೋ ಕಪ್ ಗೆಲ್ಲುವ ನಿಟ್ಟಿನಲ್ಲಿ ಪಣ ತೊಟ್ಟಿದ್ದಾರೆ. ಯುರೋ ಚಾಂಪಿಯನ್ ಮತ್ತು ವಿಶ್ವ ಚಾಂಪಿಯನ್ ಸ್ಪೇನ್ ರಣತಂತ್ರವನ್ನು ಬಲ್ಲ ರೊನಾಲ್ಡೊ ಉತ್ತಮ ಪ್ರತಿತಂತ್ರದೊಂದಿಗೆ ಕಣಕ್ಕಿಲಿಯಲಿದ್ದಾರೆ.ಲಾ ಲೀಗಾದಲ್ಲಿ ರಿಯಲ್ ಮ್ಯಾಡ್ರಿಡ್ ಪರ ಆಡಿರುವ ರೊನಾಲ್ಡೊ ಗೋಲಿನ ಮಳೆಗೆರೆದಿದ್ದರು.
ಕೋಚ್ ಡೆಲ್ ಬಾಸ್ಕ್ಯೂ ತಂಡದ ಗುಟ್ಟನ್ನು ಬಿಟ್ಟು ಕೊಡುತ್ತಿಲ್ಲ. ನಾಯಕ ಐಕರ್ ಕ್ಯಾಸಿಲಾಸ್ ತಂಡದ ಗೋಲ್ ಕೀಪರ್ ಆಗಿದ್ದಾರೆ. ಅವರು ವಿಶ್ವದ ನಂ.1 ಗೋಲಿ ಆಗಿದ್ದಾರೆ.
ಬಲಾಬಲ: ಎರಡು ತಂಡಗಳು 34 ಬಾರಿ ಪರಸ್ಪರ ಎದುರಿಸಿದೆ. ಸ್ಪೇನ್ 15ರಲ್ಲಿ, ಪೋರ್ಚುಗಲ್ 7ರಲ್ಲಿ ಗೆಲುವು ಸಾಧಿಸಿದೆ. 12 ಪಂದ್ಯ ಡ್ರಾನಲ್ಲಿ ಮುಕ್ತಾಯಗೊಂಡಿದೆ.
ಸ್ಪೇನ್ 1934ರ ವಿಶ್ವಕಪ್ನ ಅರ್ಹತಾ ಸುತ್ತಿನ ಪಂದ್ಯದಲ್ಲಿ ಮ್ಯಾಡ್ರಿಡ್ನಲ್ಲಿ ಪೋರ್ಚುಗಲ್ ವಿರುದ್ಧ 9-0 ಅಂತರದಿಂದ ಜಯ ಗಳಿಸಿರುವುದು, ಸ್ಪೇನ್ ಸಾಧಿಸಿದ ದೊಡ್ಡ ಗೆಲುವು. ಇದು ಪೋರ್ಚುಗಲ್ಗೆ ಎರಡನೆ ಹೀನಾಯ ಸೋಲು. ಸ್ಪೇನ್ ಯುರೋಪಿಯನ್ ಚಾಂಪಿಯನ್ಶಿಪ್ನಲ್ಲಿ ತಾನು ಆಡಿರುವ ಕಳೆದ 47 ಪಂದ್ಯಗಳಲ್ಲಿ 3ರಲ್ಲಿ ಸೋತಿದೆ.
ರಣತಂತ್ರ: ಎರಡು ತಂಡಗಳು ಅದೇ ಕಾರ್ಯತಂತ್ರ ಅದೇ ತಂಡದೊಂದಿಗೆ ಕಣಕ್ಕಿಳಿಯುವ ಸಾಧ್ಯತೆಯಿದೆ. ಪೋರ್ಚುಗೀಸರ ಪರ ಅಲ್ಮೆಡ ಅಥವಾ ನೆಲ್ಸನ್ ಒಲಿವೆರಾ ಮೊದಲಿಗೆ ಕಣಕ್ಕಿಳಿಯಬಹುದು. ಗಾಯಗೊಂಡ ಪೊಸ್ಟಿಂಗ ಆಡುವುದು ಅನುಮಾನ. 3-3-4-1 ತಂತ್ರ..ನಾನಿ, ಸ್ಯಾಂಟೋಸ್ ಜೊತೆ ರೋನಾಲ್ಡೋ ದಾಳಿ ನಡೆಸಲಿದ್ದಾರೆ.
ಸ್ಪೇನ್ ತಂಡ ಮುಂಪಡೆಯಲ್ಲಿ ಫೆಬ್ರಿಗೆಸ್ ನಿಲ್ಲಿಸಿ ಟೊರೆಸ್ ನನ್ನು ನಂತರ ಬದಲಿ ಆಟಗಾರನಾಗಿ ಬಳಸಲಿದೆ. 1-2-3-4-1 ತಂತ್ರದೊಂದಿಗೆ ಗೋಲ್ ಕೀಪರ್ ಕ್ಯಾಸಿಲಾಸ್ ಮೇಲೆ ಹೆಚ್ಚಿನ ಒತ್ತಡ ಬೀಳಲಿದೆ. ಕ್ಸಾವಿ ಅಲೊನ್ಸೋ ಗೋಲು ಗಳಿಸಿ ಲಯಕ್ಕೆ ಮರಳಿರುವುದು ಸ್ಫೇನ್ ಗೆ ಶುಭದಾಯಕವಾಗಿದೆ. ಸ್ಪೇನ್ ಫೈನಲ್ ಪ್ರವೇಶ ತಡೆಯುವುದು ರೋನಾಲ್ಡೋ ಪಡೆಗೆ ಕಷ್ಟ ಕಷ್ಟ
-
Gold Rate: ಬೆಂಗಳೂರು ಸೇರಿದಂತೆ ವಿವಿಧ ನಗರಗಳಲ್ಲಿ ಎಷ್ಟಿದೆ 22 ಕ್ಯಾರಟ್ ಚಿನ್ನದ ದರ? -
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Bengaluru Viral: ಆಟೋ ಚಾಲಕನ ಕ್ರಿಯೇಟಿವಿಟಿಗೆ ಬೆಂಗಳೂರು ನಿಜಕ್ಕೂ ಸೃಜನಶೀಲ ನಗರ ಎಂದ ನೆಟ್ಟಿಗರು -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು -
Gold Price: ಇಳಿಕೆಯತ್ತ ಚಿನ್ನ, ಬೆಳ್ಳಿ ಬೆಲೆ: ಇಂದಿನ ದರವೆಷ್ಟು? ಇಲ್ಲಿದೆ ಮಾಹಿತಿ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
Bengaluru Property: ಬೆಂಗಳೂರಿನ ಆಸ್ತಿದಾರರೇ ನಿಮ್ಮ ಆಸ್ತಿ ಉಳಿಸಿಕೊಳ್ಳಲು ಕೊನೆಯ ಅವಕಾಶ: ಈ ಎಚ್ಚರಿಕೆ ಯಾರಿಗೆಲ್ಲ ಅನ್ವಯ -
SWR: ಶಿವಮೊಗ್ಗ, ಅರಸೀಕೆರೆ, ಮೈಸೂರು ರೈಲು ಪ್ರಯಾಣಿಕರೇ ಗಮನಿಸಿ: ರೈಲುಗಳ ಪುನರ್ ಸಂಚಾರ -
Love Mocktail 3: ಕ್ರಿಪ್ಟೋಮ್ನೇಶಿಯಾ ಯಾರದ್ದೋ ಕಥೆ ಯಾರದ್ದೋ ಹೆಸರು ರೂಪಾ ರಾವ್ ಬರಹ -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
KPSC- KEA: ಕೆಪಿಎಸ್ಸಿಗೆ ಬಿಗ್ ಶಾಕ್! ಕೃಷಿ ಇಲಾಖೆಯ 945 ಹುದ್ದೆಗಳ ನೇಮಕಾತಿ ಹೊಣೆ ಕೆಇಎಗೆ, ಮಹತ್ವದ ಆದೇಶ
Click it and Unblock the Notifications
Sign in with Google