ಮಾಯಾ ಆಪ್ತ ಚೆಡ್ಡಾ ಸದ್ಯಕ್ಕೆ 175 ಕೋಟಿ ತೂಗ್ತಾನೆ

ಲಖ್ನೋ, ಮೇ.15: ಉತ್ತರ ಪ್ರದೇಶದ ಮದ್ಯದ ದೊರೆ ಎಂದೇ ಖ್ಯಾತಿ ಗಳಿಸಿರುವ ಮಾಯಾವತಿ ಆಪ್ತ ಪಾಂಟಿ ಛಡ್ಡಾನ ಆದಾಯದ ಮೊತ್ತ ಬಹಿರಂಗಗೊಂಡಿದೆ. ಇತ್ತೀಚೆಗೆ ಆದಾಯ ತೆರಿಗೆ ಇಲಾಖೆ ದಾಳಿ ನಡೆಸಿ ಸಂಗ್ರಹಿಸಿದ ದಾಖಲೆಗಳ ವಿವರ ಬಹಿರಂಗಗೊಂಡಿದೆ. ಚೆಡ್ಡಾ 175 ಕೋಟಿ ರು ತೂಗುತ್ತಾನೆ ಎನ್ನಲಾಗಿದೆ.

ಸುಮಾರು 80ಕ್ಕೂ ಅಧಿಕ ಐಟಿ ಅಧಿಕಾರಿಗಳು ನೋಯ್ಡಾ, ದೆಹಲಿ, ಮುಂಬೈ ಹಾಗೂ ಪಂಜಾಬ್ ರಾಜ್ಯಗಳ ಸುಮಾರು 18ಕ್ಕೂ ಅಧಿಕ ಸ್ಥಳಗಳಲ್ಲಿ ಏಕಕಾಲಕ್ಕೆ ದಾಳಿ ನಡೆಸಿ ಅಪಾರ ಪ್ರಮಾಣದ ಹಣ ಹಾಗೂ ದಾಖಲೆಯನ್ನು ವಶಪಡಿಸಿಕೊಳ್ಳಕೊಂದಿದ್ದರು.

ಆದರೆ, ನೋಯ್ಡಾ ಮಾಲ್ ನ ನೆಲಮಾಳಿಗೆಯಲ್ಲಿ 200 ಕೋಟಿ ಬಚ್ಚಿಡಲಾಗಿದೆ ಎಂಬ ಮಾಹಿತಿಯೊಂದಿಗೆ ಮುಗಿಬಿದ್ದಿದ್ದ ಸಿಬಿಐ ಕೈಗೆ ಸಿಕ್ಕಿದ್ದು ಮಾತ್ರ 11 ಕೋಟಿ ರು ನಗದು.

ನಂತರ ಚೆಡ್ಡಾನ ಬ್ಯಾಂಕ್ ಶಾಶ್ವತ ಠೇವಣಿ, 13ಕ್ಕೂ ಅಧಿಕ ಬ್ಯಾಂಕ್ ಲಾಕರ್ ಗಳು, ಷೇರುಗಳತ್ತ ಗಮನ ಹರಿಸಿದ ಆದಾಯ ತೆರಿಗೆ ಇಲಾಖೆ ಸಂಗ್ರಹಿಸಿದ ಮೊತ್ತದ ಮೊದಲ ಕಂತನ್ನು ಬಹಿರಂಗಪಡಿಸಿದೆ.ಉಳಿದ ಮೊತ್ತದ ಎಣಿಕೆ ಇನ್ನೂ ನಡೆದಿದೆ. ಚೆಡ್ಡಾ ಮೇಲಿನ ತನಿಖೆ ಪೂರ್ಣಗೊಳ್ಳುವ ಹೊತ್ತಿಗೆ ಚೆಡ್ಡಾನಿಂದ ಲಾಭಪಡೆದ ಮಯಾವತಿ ಮುಂತಾದ ರಾಜಕಾರಣಿಗಳಿಗೂ ಬಿಸಿ ಮುಟ್ಟುವ ಸಾಧ್ಯತೆಗಳಿದೆ.

English summary

Three months after the Income Tax department conducted searches on his businesses, liquor baron Ponty Chadha is said to have reported Rs 175 crore of 'undisclosed' income to the department.