ಪ್ರಧಾನಿಯೇ ಹೀಗೆ ನಡೆದುಕೊಂಡರೆ ಹೇಗೆ?
ಪ್ರಧಾನಿ ಗಿಲಾನಿ ವಿರುದ್ಧದ ಪ್ರಕರಣ ಆಲಿಸಿದ ಸುಪ್ರೀಂಕೋರ್ಟ್, ಗಿಲಾನಿ ಪ್ರಜ್ಞಾಪೂರ್ವಕವಾಗಿ ಪದೇಪದೆ ಸರ್ವೋಚ್ಚ ನ್ಯಾಯಾಲಯದ ಆದೇಶಗಳನ್ನು ಉಲ್ಲಂಘಿಸಿ ನ್ಯಾಯಾಂಗವನ್ನು ಲೇವಡಿ ಮಾಡಿದ್ದಾರೆಂದು ಹೇಳಿದೆ. ಇದರಿಂದ, ಖುದ್ದು ಪ್ರಧಾನಿಯೇ ಹೀಗೆ ನಡೆದುಕೊಂಡರೆ ಹೇಗೆ? ಎಂದು ಜನ ಕೇಳುತ್ತಿದ್ದಾರೆ.
ಅಧ್ಯಕ್ಷ ಆಸಿಫ್ ಅಲಿ ಜರ್ದಾರಿ ವಿರುದ್ಧ ಸ್ವಿಟ್ಸರ್ಲೆಂಡಿನಲ್ಲಿ ದಾಖಲಾಗಿರುವ money laundering ಪ್ರಕರಣಗಳ ತನಿಖೆ ನಡೆಸಲು ನೀಡಿದ ಆದೇಶಗಳನ್ನು ಉಲ್ಲಂಘಿಸಿ ನ್ಯಾಯಾಲಯ ನಿಂದನೆ ಎಸಗಿದ ಕೇಸಿನ ತೀರ್ಪನ್ನು ನ್ಯಾ. ನಾಸಿರ್-ಉಲ್-ಮುಲ್ಕ್ ನೇತೃತ್ವದ ಏಳು ಸದಸ್ಯರ ನ್ಯಾಯಪೀಠ ಮಂಗಳವಾರ ಪ್ರಕಟಿಸಿದೆ. 77 ಪುಟಗಳ ವಿವರವಾದ ಈ ತೀರ್ಪಿನಲ್ಲಿ ಗಿಲಾನಿಯನ್ನು ಅನರ್ಹಗೊಳ್ಳುವ ಸಾಧ್ಯತೆ ಗೋಚರಿಸಿದೆ.
ಕೋರ್ಟ್ ತೀರ್ಪಿನ ಪ್ರಕಾರ ಗಿಲಾನಿ ಸಂಸತ್ ಸದಸ್ಯತ್ವಕ್ಕೆ ಕನಿಷ್ಠ ಐದು ವರ್ಷ ಬ್ರೇಕ್ ಬೀಳಲಿದೆ. ಇದರಿಂದ ಗಿಲಾನಿಯನ್ನು ಪ್ರಧಾನಿ ಸ್ಥಾನದಿಂದ ಅನರ್ಹಗೊಳಿಸಲು ಅವಕಾಶವಿದೆ.
ನ್ಯಾಯಪೀಠ ಗಿಲಾನಿಯನ್ನು ದೋಷಿ ಎಂದು ತೀರ್ಮಾನಿಸಿರುವ ಕಾರಣಗಳನ್ನು ಪಟ್ಟಿ ಮಾಡಿದ್ದು, ವಿಚಾರಣೆ ಸಂದರ್ಭದಲ್ಲಿ ಹಾಜರುಪಡಿಸಿದ ಪುರಾವೆಗಳನ್ನು ವಿಶ್ಲೇಷಿಸಿದೆ. ಅಧಿಕಾರದ ಉನ್ನತ ಸ್ಥಾನದಲ್ಲಿರುವ ವ್ಯಕ್ತಿಯಿಂದ ಹೀಗೆ ಕಾನೂನು ಉಲ್ಲಂಘನೆಯಾಗಿರುವುದರಿಂದ ದೇಶದ ನ್ಯಾಯಾಂಗ ವ್ಯವಸ್ಥೆ ಹಾಸ್ಯಾಸ್ಪದವಾಗಿದೆ ಎನ್ನಲಾಗಿದೆ.
ಗಿಲಾನಿ ಕೇಸು ಇನ್ನೂ ನ್ಯಾಶನಲ್ ಅಸೆಂಬ್ಲಿ ಅಥವಾ ಸಂಸತ್ತಿನ ಕೆಳಮನೆಯ ಸ್ಪೀಕರ್ ಬಳಿಗೆ ಹೋಗಲಿದೆ ಎಂದು ಇದೇ ವೇಳೆ ಮಾಜಿ ಕಾನೂನು ಸಚಿವ ವಾಸಿಂ ಜಾಫರ್ ಹೇಳಿದ್ದಾರೆ. ಸ್ಪೀಕರ್ ಕೇಸನ್ನು ಮುಖ್ಯ ಚುನಾವಣಾ ಆಯುಕ್ತರಿಗೆ ಕಳುಹಿಸಲು ತೀರ್ಮಾನಿಸಿದರೆ ಅಂತಿಮವಾಗಿ ಗಿಲಾನಿ ಭವಿಷ್ಯ ಆಯುಕ್ತರ ಕೈಯಲ್ಲಿರುತ್ತದೆ.
Click it and Unblock the Notifications
Sign in with Google