ಅಂಚೆ ಮತ ಎಣಿಕೆ: ಸುನಿಲ್ ಗೆ ಆರಂಭಿಕ ಮುನ್ನಡೆ

ಉಡುಪಿ, ಮಾ.21: ಬಹು ನಿರೀಕ್ಷಿತ ಉಡುಪಿ -ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದ ಉಪ ಚುನಾವಣೆ ಮತ ಎಣಿಕೆ ಪ್ರಕ್ರಿಯೆ ಬುಧವಾರ ಬೆಳಗ್ಗೆ 8 ಗಂಟೆಗೆ ಆರಂಭಗೊಂಡಿದೆ.

ಮೊದಲಿಗೆ ಅಂಚೆ ಮೂಲಕ ಬಂದ ಮತಗಳ ಎಣಿಕೆ ಕಾರ್ಯ ಆರಂಭಿಸಲಾಗಿದೆ. ಸುಮಾರು 1,000 ಮತಗಳನ್ನು ಎಣಿಸಲಾಗುತ್ತದೆ. ಮೊದಲ ಎರಡು ಅಂಚೆ ಮತಗಳು ಬಿಜೆಪಿ ಪಾಲಾದರೂ ನಂತರ ಕಾಂಗ್ರೆಸ್ ಪರ ಮತಗಳು ಹೆಚ್ಚಾಗಲಾರಂಭಿಸಿದೆ.

ಬಿಜೆಪಿಯ ಸುನಿಲ್ ಕುಮಾರ್ ಅವರು ಕಾಂಗ್ರೆಸ್ ನ ಜಯಪ್ರಕಾಶ್ ಹೆಗ್ಡೆ ಅವರಿಗಿಂತ 160 ಮತಗಳಿಂದ ಮುಂದಿದ್ದಾರೆ.

ಮಾ.21ರಂದು ಕುಂಜಿಬೆಟ್ಟಿನಲ್ಲಿರುವ ಟಿ.ಎ.ಪೈ ಆಂಗ್ಲ ಮಾಧ್ಯಮ ಪ್ರೌಢಶಾಲೆಯಲ್ಲಿ ಮತಗಳ ಎಣಿಕೆ ನಡೆಯುತ್ತಿದ್ದು, ಸೂಕ್ತ ಭದ್ರತಾ ವ್ಯವಸ್ಥೆ ಕಲ್ಪಿಸಲಾಗಿದೆ ಎಂದು ಉಡುಪಿ ಜಿಲ್ಲಾಧಿಕಾರಿ ಹಾಗೂ ಚುನಾವಣಾಧಿ ಕಾರಿ ಡಾ.ಎಂಟಿ ರೇಜು ಹೇಳಿದ್ದಾರೆ.

127 ಅಧಿಕಾರಿಗಳು 14 ಟೇಬಲ್ ಗಳಲ್ಲಿ ಮತ ಎಣಿಕೆ ಕಾರ್ಯ ಶುರುಮಾಡಿದ್ದಾರೆ. ಒಟ್ಟು 16 ಸುತ್ತಿನ ಮತ ಎಣಿಕೆ ಕಾರ್ಯ ನಡೆಯಲಿದೆ. ಸುಮಾರು 11 ಗಂಟೆ ವೇಳೆಗೆ ಸ್ಪಷ್ಟ ಫಲಿತಾಂಶ ಸಿಗುವ ನಿರೀಕ್ಷೆಯಿದೆ.

English summary

Udupi Chikmagalur Lok Sabha By election 2012 Results - live on Oneindia. Follow leads, trends, party positions and raise and fall of political parties. Battle is mainly between BJP and Congress. Hegde leads in the second round against Sunil.