Click it and Unblock the Notifications
Just In
-
-
-
Don't Miss
-
Shrirasthu Shubhamasthu:ದೀಪಿಕಾಗೆ ಉತ್ತರ ಕೊಡೋಕೆ ಆಗ್ತಿಲ್ಲ; ಇತ್ತ ಹೆಂಡತಿಗೆ ಸಮಾಧಾನ ಮಾಡೋಕೆ ಆಗ್ತಿಲ್ಲ! -
ಬಹುಕೋಟಿ ಬೆಲೆಯ ಕಾರುಗಳಿದ್ದರೂ ಸಾಮಾನ್ಯ ಮಾರುತಿ ಕಾರಿನಲ್ಲಿ ಓಡಾಡಿದ ರೋಹಿತ್ ಶರ್ಮಾ: ಕಾರಣವೇನು? -
ಅಂತರಾಷ್ಟ್ರೀಯ ಕ್ರಿಕೆಟ್ ವೃತ್ತಿ ಜೀವನಕ್ಕೆ ವಿದಾಯ ಹೇಳಿದ ಪಾಕ್ ತಂಡದ ಮಾಜಿ ನಾಯಕಿ -
ಎಲೆಕೋಸಿಗೆ ಕೆಮಿಕಲ್ ಮಿಶ್ರಣ ಮಾಡ್ತಾರೆ ಹುಷಾರ್..! ವಿಡಿಯೋ ವೈರಲ್..! -
Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ -
ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತಿರುಪತಿಗೆ ಮಂಗಳೂರಿನಿಂದ ನೇರ ರೈಲು
ಪ್ರತಿ ಶನಿವಾರ ರಾತ್ರಿ 10.45ಕ್ಕೆ ಮಂಗಳೂರು ಜಂಕ್ಷನ್‌ನಿಂದ ಸಾತ್ರಾಗಾಚ್‌ ವಿವೇಕ್ ರೈಲು ಹೊರಡಲಿದೆ. ಕಾಸರಗೋಡು, ಕಾಂಞಂಗಾಡ್‌, ಕಣ್ಣೂರು, ಕಲ್ಲಿಕೋಟೆ ಶೋರ್ನೂರು ಜಂಕ್ಷನ್‌, ಪಾಲಕ್ಕಾಡ್‌, ಕೊಯಮತ್ತೂರು ಜಂಕ್ಷನ್‌, ತಿರುಪುರ, ಈರೋಡ್‌, ಸೇಲಮ್‌, ಕಾಟ್ಪಾಡಿ ಜಂಕ್ಷನ್‌, ಚಿತ್ತೂರು ಮಾರ್ಗವಾಗಿ ಭಾನುವಾರ ಮಧ್ಯಾಹ್ನ 2.35ಕ್ಕೆ ತಿರುಪತಿ ತಲುಪಲಿದೆ.
ತಿರುಪತಿಯ ಅನಂತರ ಈ ರೈಲು ಗುಡೂರ್‌ ಜಂಕ್ಷನ್‌, ನೆಲ್ಲೂರು, ಓಂಗೋಲ್‌, ವಿಜಯವಾಡ, ರಾಜಮಂಡ್ರಿ, ವಿಶಾಖಪಟ್ಟಣ, ಶ್ರೀಕಾಕುಳಂ, ಬ್ರಹ್ಮಪುರ, ಭುವನೇಶ್ವರ, ಕಟಕ್‌, ಬಿಲಾಸ್ಪುರ ಸಮೀಪದ ಸಾತ್ರಾಗಾಚ್‌ ಜಂಕ್ಷನ್‌ಗೆ ಸೋಮವಾರ ಸಂಜೆ ತಲುಪಲಿದೆ. ಮಂಗಳೂರಿನಿಂದ ಹೊರಟ ರೈಲು ಕೇರಳ, ತಮಿಳುನಾಡು ಗಡಿ, ಆಂಧ್ರಪ್ರದೇಶ, ಒರಿಸ್ಸಾ, ಮಧ್ಯಪ್ರದೇಶದವರೆಗೆ ಹೋಗಲಿದೆ.
ಸಾತ್ರಾಗಾಚ್‌ ಜಂಕ್ಷನ್‌ನಿಂದ ಗುರುವಾರ ಸಂಜೆ 4.05ಕ್ಕೆ ಹೊರಡುವ ರೈಲು ಇದೇ ಮಾರ್ಗವಾಗಿ ತಿರುಪತಿಗೆ ಬರುವಾಗ ಶುಕ್ರವಾರ ಸಂಜೆ 5.10 ಗಂಟೆ ಆಗುತ್ತದೆ. ಶನಿವಾರ ಬೆಳಗ್ಗೆ 9.45ಕ್ಕೆ ರೈಲು ಮಂಗಳೂರು ಸೆಂಟ್ರಲ್‌ಗೆ ತಲುಪುತ್ತದೆ.
'ಇದೇ ಮೊದಲ ಬಾರಿಗೆ ತಿರುಪತಿಗೆ ಮಂಗಳೂರಿನಿಂದ ರೈಲು ಪ್ರಯಾಣ ಆರಂಭಗೊಂಡಿದೆ. ತಿರುಪತಿಗೆ ಹೋದ ಬಳಿಕ ಆಸುಪಾಸಿನ ಕ್ಷೇತ್ರಗಳನ್ನು ಸಂದರ್ಶಿಸಿ ಅದೇ ರೈಲಿನಲ್ಲಿ ಹಿಂದಿರುಗಬಹುದು. ಉಡುಪಿ, ಉ.ಕ.ದ ಪ್ರಯಾಣಿಕರು ಗೋವಾ ರೈಲು ಮೂಲಕ ಮಂಗಳೂರಿಗೆ ತಲುಪಬಹುದು' ಎಂದು ರೈಲ್ವೆ ಯಾತ್ರೀ ಸಂಘದ ಅಧ್ಯಕ್ಷ ಆರ್‌.ಎಲ್‌. ಡಾಯಸ್‌ ತಿಳಿಸಿದ್ದಾರೆ.
