2ಜಿ ತೀರ್ಪಿತ್ತು ನಿವೃತ್ತರಾದ ಜಸ್ಟೀಸ್ ಗಂಗೂಲಿ
ಗುರುವಾರ ಮುಖ್ಯ ನ್ಯಾ. ಎಸ್.ಎಚ್. ಕಪಾಡಿಯಾ ಜತೆ ಆಸೀನರಾಗಿದ್ದ ನ್ಯಾ. ಗಂಗೂಲಿ ಅವರು ತಮ್ಮ ಬೀಳ್ಕೊಡುಗೆ ದಿನವಾದ ಕಾರಣ ತೀರ್ಪು ಓದಲಿಲ್ಲ. ಪೀಠದ ಇನ್ನೊಬ್ಬ ಸದಸ್ಯರಾದ ನ್ಯಾ. ಜಿ.ಎಸ್. ಸಿಂಘ್ವಿ ತೀರ್ಪು ಓದಿದರು.
"If Sita had not crossed the Lakshman Rekha, Ravan would not have been killed. Lakshman Rekha is not that sacrosanct. It has a limited purpose."
ಎಂದು ಹಿಂದೊಮ್ಮೆ ಹೇಳಿದ್ದ ಗಂಗೂಲಿ ಅವರಿಗೆ ಸರಳ ಸಮಾರಂಭದ ಮೂಲಕ ಮುಖ್ಯ ನ್ಯಾ. ಎಸ್.ಎಚ್. ಕಪಾಡಿಯಾ ಮತ್ತು ನ್ಯಾಯಾಂಗ ಸಮುದಾಯದವರು ಬೀಳ್ಕೊಡಿಗೆ ನೀಡಿದರು.
'ನಾನು ಸದಾ ನೇರವಾದ ಬ್ಯಾಟ್ನಿಂದಲೇ ಕ್ರಿಕೆಟ್ ಆಡಿದೆ. ಅಡ್ಡಬ್ಯಾಟ್ ಎಂದೂ ಬೀಸಲಿಲ್ಲ ಎಂದು ಮಾರ್ಮಿಕವಾಗಿ ನಗೆಗಡಲಿನ ಮಧ್ಯೆ ಹೇಳಿದರಲ್ಲದೆ, ಪ್ರತಿ ಕ್ರಿಕೆಟಿಗನೂ ಯುವಕರಿಗೆ ದಾರಿ ಮಾಡಲು ವಯಸ್ಸಾದ ಮೇಲೆ ನಿವೃತ್ತಿ ಪಡೆದಂತೆ ನಾನೂ ನಿವೃತ್ತನಾಗುತ್ತಿರುವೆ' ಎಂದು ಇಂಗ್ಲೆಂಡ್ ಕ್ರಿಕೆಟಿಗ ಡೆವಿಡ್ ಕ್ರಾಂಪ್ಟನ್ ಆತ್ಮಚರಿತ್ರೆಯ ಸಾಲುಗಳನ್ನು ಉದಾಹರಿಸಿ ಹೇಳಿದರು.
ಶಾಂತ ಸ್ವಭಾವದ ದಿಟ್ಟ ನ್ಯಾಯಾಧೀಶ: ಫೆ.3, 1947ರಲ್ಲಿ ಜನಿಸಿರುವ ಗಂಗೂಲಿ ಅವರು ಕೋಲ್ಕತ್ತಾ ವಿವಿಯಿಂದ ಇಂಗ್ಲೀಷ್ ನಲ್ಲಿ ಎಂಎ, ಎಲ್ಎಲ್ ಬಿ ಪಡೆದಿದ್ದಾರೆ. ಒರಿಸ್ಸಾ ಹೈಕೋರ್ಟ್ ನ್ಯಾಯಾಧೀಶರಾಗಿದ್ದವರು 1994ರ ನಂತರ ಮುಖ್ಯ ನ್ಯಾಯಮೂರ್ತಿಯಾಗಿ ಬೆಳೆದರು. ಸುಪ್ರೀಂಕೋರ್ಟ್ ಆವರಣ ಸೇರುವ ಮೊದಲು ಮದ್ರಾಸ್ ಹೈಕೋರ್ಟ್ ನಲ್ಲೂ ಸೇವೆ ಸಲ್ಲಿಸಿದ್ದಾರೆ.
ಮಹತ್ವದ ಪ್ರಕರಣಗಳ ವಿಚಾರಣೆಗಳನ್ನು ತಾಳ್ಮೆಯಿಂದ ಆಲಿಸುತ್ತಾ ಸೂಕ್ತ ನಿರ್ದೇಶನಗಳನ್ನು, ಹಳೆ ನ್ಯಾಯಮೂರ್ತಿಗಳ ಆದೇಶಗಳ ಉದಾಹರಣೆಗಳನ್ನು ಹೇಳುತ್ತಿದ್ದರು. ಈಗ ಯುಪಿಎ ಸರ್ಕಾರಕ್ಕೆ ಮುಳುವಾಗಬಲ್ಲ 2ಜಿ ಹಗರಣದ ಬಗ್ಗೆ ಮಹತ್ವದ ತೀರ್ಪು ನೀಡಿದ್ದಾರೆ.
Click it and Unblock the Notifications
Sign in with Google