ಕೇಂದ್ರ ಸರಕಾರಿ ನೌಕರರಿಗೆ 7 % DA ಹೆಚ್ಚಳ

ನವದೆಹಲಿ,ಫೆ.1: ಕೇಂದ್ರ ಸರಕಾರಿ ನೌಕರರಿಗೆ ಇಲ್ಲೊಂದು ಸಿಹಿಸುದ್ದಿ. ಕೇಂದ್ರ ನೌಕರರಿಗೆ 2012ರ ಜನವರಿ 1 ರಿಂದ ಅನ್ವಯವಾಗುವಂತೆ ಶೇ. 7ರಷ್ಟು ಅಧಿಕ ತುಟ್ಟಿ ಭತ್ಯೆ (DA) ಪ್ರಾಪ್ತಿಯಾಗಲಿದೆ. ಕಳೆದ ಸೆಪ್ಟೆಂಬರಿನಲ್ಲಿ ಇದೇ ಪ್ರಮಾಣದಲ್ಲಿ ತುಟ್ಟಿ ಭತ್ಯೆ ಹೆಚ್ಚಿಸಲಾಗಿತ್ತು.

ಈವರೆಗೆ ನೌಕರರು ಮೂಲ ವೇತನದ ಶೇ. 58ರಷ್ಟು ತುಟ್ಟಿ ಭತ್ಯೆ ಪಡೆಯುತ್ತಿದ್ದರು. ಈಗ ಅದು ಶೇ. 7ರಷ್ಟು ಹೆಚ್ಚಾಗಲಿದ್ದು, ಇನ್ನು ಮುಂದೆ ನೌಕರರು ಪಡೆಯುವ ತುಟ್ಟಿ ಭತ್ಯೆಯ ಪ್ರಮಾಣ ಶೇ. 65 ಆಗಲಿದೆ. ಸುಮಾರು 50 ಲಕ್ಷ ಹಾಲಿ ಉದ್ಯೋಗಿಗಳು ಮತ್ತು 40 ಲಕ್ಷ ಪಿಂಚಣಿದಾರರು ಇದರ ಪ್ರಯೋಜನ ಪಡೆಯಲಿದ್ದಾರೆ.

ಡಿಸೆಂಬರ್ 2011ರ ಅವಧಿಯವರೆಗೆ ಅಂದರೆ 12 ತಿಂಗಳಲ್ಲಿ ಕೈಗಾರಿಕಾ ಕಾರ್ಮಿಕರ ಗ್ರಾಹಕ ಬೆಲೆ ಸೂಚ್ಯಂಕದ ಸರಾಸರಿಯು ಏರಿಕೆಯಾಗಿರುವ ಹಿನ್ನೆಲೆಯಲ್ಲಿ ತನ್ನ ನೌಕರರಿಗೆ ಹೆಚ್ಚುವರಿ ತುಟ್ಟಿ ಭತ್ಯೆ ನೀಡಲು ನಿರ್ಧರಿಸಲಾಗಿದೆ ಎಂದು ಕಾರ್ಮಿಕ ಇಲಾಖೆ ಮೂಲಗಳು ತಿಳಿಸಿವೆ. ಈ ಸರಾಸರಿಯ ಆಧಾರದ ಮೇಲೆ ಪ್ರತಿ 6 ತಿಂಗಳಿಗೊಮ್ಮೆ DA ಪರಿಷ್ಕರಿಸಲಾಗುವುದು.

English summary

The Central Government on Tuesday (Jan 31) announced a 7 per cent hike in the dearness allowance of its employees which will give them some relief from near double digit inflation. Besides the five million central government employees, about four million pensioners will stand to benefit from the decision.