ಕುವೈಟ್: ಚಾಕು ತೋರಿಸಿ ಮನೆಗೆಲಸದವಳ ಮೇಲೆ ಅತ್ಯಾಚಾರ

ಕುವೈಟ್ , ನ. 9: ಮೊನ್ನೆ ಬಕ್ರೀದ್ ರಜೆ ಸಂದರ್ಭದಲ್ಲಿ ಇಲ್ಲಿನ ಕುಟುಂಬವೊಂದಕ್ಕೆ ಗುನ್ನ ಇಟ್ಟಿದ್ದ ಖದೀಮನೊಬ್ಬ ಅವರು ವಿಹಾರಕ್ಕೆಂದು ಹೊರ ಹೋಗುವುದನ್ನೇ ಕಾಯುತ್ತಿದ್ದ. ಕುಟುಂಬದವರು ಹೊರಹೋಗುತ್ತಿದ್ದಂತೆ ಮೆಲ್ಲಗೆ ಮನೆಯೊಳಕ್ಕೆ ಹೆಜ್ಜೆ ಹಾಕಿದ ಆ ಖದೀಮ 5,000 ರು. ನಗದು ದೋಚಿದ್ದಾನೆ. ವಾಪಸು ಬರುವಾಗ ಕೊಠಡಿಯೊಂದರಲ್ಲಿ ಮನೆಗೆಲಸದವಳು ಇರುವುದನ್ನು ಗಮನಿಸಿ ಅವಳ ಕನ್ಯತ್ವವನ್ನೂ ದೋಚಿದ್ದಾನೆ.

ಚಾಕುವೊಂದನ್ನು ಬಗಲಲ್ಲಿಟ್ಟುಕೊಂಡೇ ಕಾರ್ಯಕ್ಕಿಳಿದ ಖದೀಮ, ಮೊದಲು ದುಡ್ಡು ದೋಚಿದ್ದಾನೆ. ಇದಕ್ಕೆ ಅಡ್ಡಿಪಡಿಲು ಮನೆಗೆಲೆಸದ ಯುವತಿ ಅಡ್ಡ ಬಂದಾಗ ಅವಳಿಗೆ ಚಾಕುವುನಿಂದ ಬೆದರಿಸಿ, ಅತ್ಯಾಚಾರ ಮಾಡಿದ್ದಾನೆ.

ಮನೆಯವರು ವಾಪಸಾದಾಗ ಯುವತಿಯ ದುಃಸ್ಥಿತಿಯನ್ನು ಕಂಡು ಹೌಹಾರಿದ್ದಾರೆ. ಆ ಯುವತಿ ಸಾದ್ಯಂತವಾಗಿ ನಡೆದ ಘಟನೆಯನ್ನು ಮನೆಯ ಮಾಲೀಕನಿಗೆ ವಿವರಿಸಿದ್ದು, ಮನೆಗೆ ನುಗ್ಗಿದ್ದ ಆಗಂತುಕ ತನ್ನ ಮೇಲೆ ರೇಪ್ ಮಾಡಿದ್ದೂ ಅಲ್ಲದೆ ದುಡ್ಡೂ ದೋಚಿದ್ದಾನೆ ಎಂದು ಅಲವತ್ತುಕೊಂಡಿದ್ದಾಳೆ.

English summary

A man waited for a Kuwait family to go out for Eid Al Adha holiday, went into their house and stole Rs. 5,000. On his way out, he raped the housemaid at knife-point.