ಹಾಸನಾಂಬೆ ದರ್ಶನ ಪಡೆದ ಮಾಜಿ ಪ್ರಧಾನಿ: ದೇವೇಗೌಡರಿಗೆ ದೇವಿಯ ಅಭಯ

ಹಾಸನ, ಅ.27: ಇತ್ತ ರಾಜಧಾನಿಯಲ್ಲಿ ಕೃಷ್ಣಾ ಮೇಲ್ದಂಡೆ ಗುತ್ತಿಗೆ ಹಗರಣದ ಹುತ್ತಗಳು ಧುತ್ತನೆ ಕಾಣಿಸಿಕೊಳ್ಳುತ್ತಿರುವಾಗ ಅತ್ತ ಮಾಜಿ ಪ್ರಧಾನಿ ಹೆಚ್‌. ಡಿ. ದೇವೇಗೌಡ ಅವರು ತಮ್ಮ ತವರಿನಲ್ಲಿ ಬುಧವಾರ ಸಂಜೆ ಹಾಸನಾಂಬಾ ದೇವಾಲಯಕ್ಕೆ ಭೇಟಿ ನೀಡಿ, ದೇವಿಯ ದರ್ಶನ ಪಡೆದರು.

ವರ್ಷಕ್ಕೊಮ್ಮೆ 10 ದಿನ ಮಾತ್ರ ದರ್ಶನ ಭಾಗ್ಯ ನೀಡುವ ಹಾಸನಾಂಬೆ ದರ್ಶನವನ್ನು ದೇವೇಗೌಡರು ಪ್ರತಿ ವರ್ಷವೂ ತಪ್ಪದೆ ಪಡೆಯುತ್ತಾರೆ. ಕುಟುಂಬದ ಬಹುತೇಕ ಸದಸ್ಯರೂಡಗೂಡಿ ದೇವಿಯ ದರ್ಶನ ಪಡೆಯುವ ಸಂಪ್ರದಾಯವನ್ನು ದೊಡ್ಡಗೌಡರು ಅನುಸರಿಸಿಕೊಂಡು ಬಂದಿದ್ದಾರೆ.

ಇಂದು ದೇವೇಗೌಡರೊಂದಿಗೆ ಹೆಚ್‌. ಡಿ. ರೇವಣ್ಣ , ಶಾಸಕ ಹೆಚ್‌.ಎಸ್‌. ಪ್ರಕಾಶ್‌, ನಗರಸಭಾ ಅಧ್ಯಕ್ಷ ಸಿ.ಆರ್‌. ಶಂಕರ್, ರಾಜ್ಯ ಸಭಾ ಮಾಜಿ ಸದಸ್ಯ ಹೆಚ್‌.ಕೆ. ಜವರೇಗೌಡ, ಡಿಸಿಸಿ ಬ್ಯಾಂಕ್‌ ಅಧ್ಯಕ್ಷ ಸಿ.ಎನ್‌. ಬಾಲಕೃಷ್ಣ ಅವರು ಉಪಸ್ಥಿತರಿದ್ದರು.

English summary

Vidhana Soudha police drew up a FIR on Monday (Oct 24) against unnamed 'politicians' and 'officials' involved in a Rs 400-crore scam in the awarding of piece works contracts in the Upper Krishna Project (UKP) during 1995-98. As such Upper Krishna Project Scam haunts HD Deve Gowda. Deve Gowda takes blessings of Hassanamba.