ದೊಡ್ಡ ಗೌಡ್ರ ಮೇಲೆ ಗೋಮಾಳ ನುಂಗಿದ ಕೇಸ್

ಬೆಂಗಳೂರು, ಸೆ.27: ಮಾಜಿ ಪ್ರಧಾನಿ ಎಚ್ ಡಿ ದೇವೇಗೌಡ ಹಾಗೂ ಅವರ ಕುಟುಂಬದವರು ಸರ್ಕಾರಿ ಜಮೀನು ನುಂಗಿ ನೀರು ಕುಡಿದಿದ್ದಾರೆ. ಅವರ ಮೇಲೆ ಯಾಕೆ ಇನ್ನೂ ಲೋಕಾಯುಕ್ತಕ್ ಕೋರ್ಟ್ ಸಮನ್ಸ್ ಜಾರಿ ಮಾಡಿಲ್ಲ ಎಂದು ವಕೀಲ ವಿನೋದ್ ಕುಮಾರ್ ಹೈಕೋರ್ಟ್ ನಲ್ಲಿ ಪ್ರಶ್ನಿಸಿದ್ದಾರೆ.

ಈ ಪ್ರಕರಣದ ವಿಚಾರಣೆಯನ್ನು ಅ.17ರಂದು ಕೈಗೆತ್ತಿಕೊಳ್ಳುವುದಾಗಿ ಹೇಳಿ ಹೈಕೋರ್ಟ್ ನ್ಯಾಯಾಧೀಶ ವಿ ಜಗನ್ನಾಥನ್ ಅವರು ಪ್ರಕರಣವನ್ನು ಮುಂದೂಡಿದ್ದಾರೆ.

ದೇವೇಗೌಡರ ಮೇಲಿರುವ ಆರೋಪ: ಸರ್ಕಾರಕ್ಕೆ ಸೇರಿರುವ 82 ಎಕರೆ ಹಾಗೂ 4 ಗುಂಟೆ ಜಮೀನನ್ನು ಒತ್ತುವರಿ ಮಾಡಿಕೊಂಡು ಬಳಸಿಕೊಳ್ಳಲಾಗಿದೆ. ಈ ಜಮೀನಿನಲ್ಲಿ ಗೋಮಾಳ, ಕೆರೆ ಏರಿ, ಇನಾಂ ಜಮೀನು ಎಲ್ಲವೂ ಸೇರಿದೆ.

ದೇವೇಗೌಡರ ಕುಟುಂಬದ ಸದಸ್ಯರಾದ ಮಗ ಬಾಲಕೃಷ್ಣ ಅವರ ಪತ್ನಿ ಕವಿತಾ, ರೇವಣ್ಣ ಹಾಗೂ ಅವರ ಪತ್ನಿ ಭವಾನಿ ಕೂಡಾ ಇದರಿಂದ ಲಾಭ ಪಡೆದಿದ್ದಾರೆ.

ಅ.8ರಂದು ಮಾಜಿ ಸಿಎಂ ಎಚ್ ಡಿ ಕುಮಾರಸ್ವಾಮಿ ಹಾಗೂ ಶಾಸಕಿ ಅನಿತಾ ಕುಮಾರಸ್ವಾಮಿ ಅವರಿಗೆ ಕೋರ್ಟ್ ಗೆ ಹಾಜರಾಗುವಂತೆ ಟ್ರಯಲ್ ಕೋರ್ಟ್ ನ್ಯಾಯಾಧೀಶರು ಸಮನ್ಸ್ ಜಾರಿ ಮಾಡಿದ್ದಾರೆ.

ಅದರೆ, ದೇವೇಗೌಡರು ಸೇರಿದಂತೆ ಇತರೆ ಕುಟುಂಬ ಸದಸ್ಯರಿಗೆ ಈ ವರೆಗೂ ಸಮನ್ಸ್ ಜಾರಿ ಮಾಡಿಲ್ಲ ಏಕೆ ಎಂದು ವಿನೋದ್ ಕುಮಾರ್ ಪ್ರಶ್ನಿಸಿದ್ದಾರೆ.

ಯಾರ ಬಳಿ ಎಷ್ಟು ಅಕ್ರಮ ಭೂಮಿ ಇದೆ ನೋಡೋಣ...

English summary

Vinod Kumar has filed a private complaint and alleged that HD Deve Gowda and his family members usurped 82 acres 4 guntas of government land, which included gomala land, tank bed and inam land in Hassan district. HC has adjourned the case to Oct.17