ಗೋವಾ: ಅಪ್ರಾಪ್ತಳ ಜತೆ ಖೋಖೋ ಆಡಿದ ಕೋಚ್ ಬಂಧನ

ಪಣಜಿ, ಜುಲೈ 19: ಇಲ್ಲಿಂದ 40 ಕಿ.ಮೀ. ದೂರದಲ್ಲಿರುವ ಕೊಲ್ವಾ ಬೀಚ್ ಬಳಿಯಿರುವ ಹೋಟೆಲ್ ರೂಮಿನಲ್ಲಿ 16 ವರ್ಷದ ಆಟಗಾರ್ತಿಯ ಮೇಲೆ ಒಂದು ವಾರ ಕಾಲ ಸತತವಾಗಿ ಅತ್ಯಾಚಾರವೆಸಗಿದ ಆರೋಪದ ಮೇಲೆ ಉತ್ತರ ಪ್ರದೇಶದ ಖೋಖೋ ಕೋಚ್ ನನ್ನು ಪೊಲೀಸರು ಜುಲೈ 18ರಂದು ಬಂಧಿಸಿದ್ದಾರೆ.

ಗೋವಾದಲ್ಲಿ ನನ್ನದೊಂದು ಬೀಚ್ ರೆಸಾರ್ಟ್ ಇದೆ. ಅಲ್ಲಿ ರಾಷ್ಟ್ರೀಯ ಮಟ್ಟದ ಖೋ ಖೋ ಟೂರ್ನಮೆಂಟ್ ಆಯೋಜಿಸಿದ್ದೇನೆ ಎಂದು ಕೋಚ್ ಅಮಿತ್ ರಾಗಿ ಉತ್ತರಪ್ರದೇಶದ ಬಿಜ್ನೋರ್ ನಿಂದ ಈ ಆಟಗಾರ್ತಿಯನ್ನು ಪುಸಲಾಯಿಸಿ ಗೋವಾಗೆ ಕರೆತಂದಿದ್ದ.

ರೇಪ್ ನಿಂದ ಘಾಸಿಗೊಂಡ ಆಟಗಾರ್ತಿ, ಹೋಟೆಲ್ ಪರಿಚಾರಕನಿಗೆ ಸುಳಿವು ನೀಡಿದಳು. ಆತ ಪೊಲೀಸರಿಗೆ ಸುದ್ದಿ ಮುಟ್ಟಿಸಿದಾಗ ವಿಷಯ ಬಹಿರಂಗವಾಗಿದೆ. ಆಟಗಾರ್ತಿಯು ಉತ್ತರಪ್ರದೇಶದ ಸರಕಾರಿ ಕಾಲೇಜಿನಲ್ಲಿ ಪಿಯುಸಿ ಓದುತ್ತಿದ್ದಾಳೆ. ಆಟಗಾರ್ತಿಯನ್ನು ಪೋಷಕರಿಗೆ ಸುಪರ್ದಿಗೆ ಒಪ್ಪಿಸಲಾಗಿದೆ.

English summary

The Panaji police have arrested a kho kho coach from Uttar Pradesh after he raped a 16-year-old player in a hotel room near Colva beach, 40 km from Panaji on Monday (July18).