• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಅನಂತ ಸಂಪತ್ತು : ಇಂದು ಮಧ್ಯಂತರ ತೀರ್ಪು

By Srinath
|

ಹೊಸದಿಲ್ಲಿ, ಜುಲೈ 15: ಮಾಧ್ಯಮಗಳಲ್ಲಿ ಸಿಕ್ಕಿರುವ ಪ್ರಚಾರದಿಂದಾಗಿ ಅಪಾರ ಪ್ರಮಾಣದ ಸಂಪತ್ತಿಗೆ 'ಅಪಾಯ'ವಿದೆ ಎಂದು ನ್ಯಾ. ಆರ್‌. ವಿ. ರವೀಂದ್ರನ್‌ ಮತ್ತು ನ್ಯಾ. ಎ. ಕೆ. ಪಟ್ನಾಯಕ್‌ ಅವರ ನ್ಯಾಯಪೀಠ ಗುರುವಾರದ ವಿಚಾರಣೆ ವೇಳೆ ಅಭಿಪ್ರಾಯಪಟ್ಟಿದೆ. ನೆಲಮಾಳಿಗೆಯಲ್ಲಿರುವ ಆರು ರಹಸ್ಯ ಕೊಠಡಿಗಳ ಪೈಕಿ ಕೊನೆಯ ಬಿ ಉಗ್ರಾಣ ಬಾಗಿಲು ತೆರೆಯುವ ಕುರಿತು ಗುರುವಾರ ಸುಪ್ರೀಂ ಕೋರ್ಟಿನ ಆದೇಶವನ್ನು ನಿರೀಕ್ಷಿಸಲಾಗಿತ್ತು.

ಕೇರಳದ ಅನಂತಪದ್ಮನಾಭ ದೇಗುಲದಲ್ಲಿ ಸಿಕ್ಕಿರುವ ಅಪಾರ ಪ್ರಮಾಣದ ಆಸ್ತಿಯನ್ನು ಪಟ್ಟಿ ಮಾಡುವ, ಈ ಪ್ರಕ್ರಿಯೆಯನ್ನು ವಿಡಿಯೋ ಮಾಡುವ ಮತ್ತು ದೇಗುಲಕ್ಕೆ ಭಾರೀ ಭದ್ರತೆ ಒದಗಿಸುವ ಪ್ರಕರಣ ಕುರಿತ ತೀರ್ಪನ್ನು ಸುಪ್ರೀಂಕೋರ್ಟ್‌ ಶುಕ್ರವಾರಕ್ಕೆ ಕಾದಿರಿಸಿದೆ. ಇದೇ ವೇಳೆ ಬಿ ಕೋಣೆಯನ್ನು ತೆರೆಯುವ ಮೊದಲು ದೇವಪ್ರಶ್ನೆ ಕೇಳಬೇಕೆಂದು ರಾಜಮನೆತನದವರು ಸಲಹೆ ಮಾಡಿದ್ದಾರೆ.

ದೇವರ ಸಿಟ್ಟಿಗೆ ಗುರಿಯಾಗಬೇಕಾದೀತು: ಅನಂತ ಪದ್ಮನಾಭಸ್ವಾಮಿ ದೇವಸ್ಥಾನದ ಕೊನೆಯ ರಹಸ್ಯ ಉಗ್ರಾಣದ ಬಾಗಿಲು ತೆರೆದರೆ ದೇವರ ಸಿಟ್ಟಿಗೆ ಗುರಿಯಾಗಬೇಕಾದೀತು ಎಂದು ತಿರುವಾಂಕೂರು ರಾಜ ಮನೆತನದ ರಾಮ ವರ್ಮ ಸುಪ್ರೀಂಕೋರ್ಟಿಗೆ ತಿಳಿಸಿದ್ದಾರೆ. ಉಗ್ರಾಣವನ್ನು ತೆರೆಯುವ ಮೊದಲು ಶಾಂತಿ ನಡೆಸಿ ದೇವರನ್ನು ಸಂಪ್ರೀತಗೊಳಿಸುವುದು ಒಳಿತು ಎಂದೂ ಅವರು ಸಲಹೆ ಮಾಡಿದ್ದಾರೆ.

ಬಿ ಉಗ್ರಾಣದ ಬಾಗಿಲಿನಲ್ಲಿ ಅಪಾಯದ ಸಂಕೇತವಾಗಿರುವ ನಾಗಮುದ್ರಿಕೆಯಿದೆ. ಈ ಉಗ್ರಾಣವನ್ನು ತೆರೆಯುವುದರಿಂದ ಅಪಶಕುನಗಳು ಉಂಟಾಗಬಹುದು. ಆದ್ದರಿಂದ ಈ ನಿಟ್ಟಿನಲ್ಲಿ ಯಾವುದೇ ನಿರ್ದೇಶನಗಳನ್ನು ಕೊಡಬಾರದೆಂದು ಇಂದು ಸಲ್ಲಿಸಿರುವ ಅಫಿಡವಿಟ್ ನಲ್ಲಿ ಅವರು ಸುಪ್ರೀಂಕೋರ್ಟಿಗೆ ಸಲಹೆ ಮಾಡಿದ್ದಾರೆ.

ಅನಂತ ಪದ್ಮನಾಭ ದೇವರ ಸಿಟ್ಟಿಗೆ ಈಡಾಗದಿರಲು ದೇವ ಪ್ರಶ್ನೆಯಿಟ್ಟ ಬಳಿಕ ಈ ಕುರಿತು ತೀರ್ಮಾನ ಕೈಗೊಳ್ಳುವುದು ಒಳ್ಳೆಯದು. ಈ 'ಕಲ್ಲರ'ವನ್ನು ತೆರೆದರೆ ಅಪಾಯ ಕಟ್ಟಿಟ್ಟ ಬುತ್ತಿ ಎಂಬ ನಂಬಿಕೆ ಭಕ್ತರಲ್ಲಿದೆ. ಇದು ಶತಮಾನಗಳಿಂದ ಪಾಲಿಸಿಕೊಂಡು ಬಂದಿರುವ ದೇವಸ್ಥಾನದ ಸಂಪ್ರದಾಯ ಎಂದು ರಾಮ ವರ್ಮ ಪರವಾಗಿ ವಾದಿಸುತ್ತಿರುವ ಕೆ. ಕೆ. ವೇಣುಗೋಪಾಲ್‌ ಹೇಳಿದರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
The scion of the erstwhile Travancore Royal Family has advised the Supreme Court not to direct opening of the last cellar (vault B) of the famed Sree Padmanabhaswamy Temple in Kerala as it could invite the deity's wrath. In an affidavit before SC, Rama Varma said the vault had an insignia of a ‘serpent’ indicating that it would not be advisable to open the treasure trove.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more