ಮಂಗಳೂರಿನಲ್ಲಿ ಗೃಹಿಣಿ ಮೇಲೆ ಪಕ್ಕದ್ಮನೆ ಯುವಕನಿಂದ ಅತ್ಯಾಚಾರ

By Srinath

Published: Friday, July 15, 2011, 14:27 [IST]

ಮಂಗಳೂರು, ಜುಲೈ 15: ನಗರರದ ಗಂಜಿಮಠ ಸಮೀಪದ ಕುಕ್ಕಟ್ಟೆ ಎಂಬಲ್ಲಿ ಬುಧವಾರ ಬೆಳಿಗ್ಗೆ ನೆರೆಮನೆಯ ಯುವಕನೊಬ್ಬ ಗೃಹಿಣಿಯೊಬ್ಬರ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿ ಆಕೆ ಕೂಗಿಕೊಂಡಾಗ ಓಡಿ ಪರಾರಿಯಾಗಿರುವ ಘಟನೆ ನಡೆದಿದೆ. ಗಂಜಿಮಠ ಕುಕ್ಕಟ್ಟೆ ನಿವಾಸಿ ಅಜರುದ್ದೀನ್ ಎಂಬಾತನೇ ಅತ್ಯಾಚಾರಕ್ಕೆ ಯತ್ನಿಸಿದ ದುಷ್ಕರ್ಮಿಯಾಗಿದ್ದು ಆತನ ವಿರುದ್ಧ ಪೋಲಿಸ್ ಕೇಸ್ ದಾಖಲಾಗಿದೆ.

ಮನೆಯಲ್ಲಿ ಮಹಿಳೆ ತನ್ನ ಐದು ತಿಂಗಳ ಮಗುವಿನೊಂದಿಗೆ ಒಬ್ಬಳೇ ಇದ್ದಾಗ ಈರುಳ್ಳಿ ಮತ್ತು ಟೊಮೇಟೊ ಕೇಳುವ ನೆಪದಲ್ಲಿ ಮನೆಗೆ ಬಂದ ಅಜರುದ್ದೀನ್, ಆಕೆಯ ಮನೆಯೊಳಗೆ ಪ್ರವೇಶಿಸಿ ಆಕೆಯೊಂದಿಗೆ ಅಸಭ್ಯವಾಗಿ ವರ್ತಿಸಲು ಯತ್ನಿಸಿದಾಗ ಆಕೆ ಕೂಗಿಕೊಂಡಿದ್ದಾಳೆ. ಇದರಿಂದಾಗಿ ಪಕ್ಕದ ಮನೆಯವರು ಬರುವ ಸಂದರ್ಭದಲ್ಲಿ ದುಷ್ಕರ್ಮಿ ಓಡಿ ತಪ್ಪಿಸಿಕೊಂಡಿದ್ದಾನೆ. ಮಹಿಳೆಯನ್ನು ನಗರದ ಎಸ್.ಸಿ.ಎಸ್. ಆಸ್ಪತ್ರೆಗೆ ದಾಖಲಿಸಲಾಗಿದೆ.

Published On July 15, 2011