55 ಸೆಕೆಂಡ್ ನಲ್ಲಿ ಪಾಕಿಸ್ತಾನದ ಬ್ಯಾಂಕ್ ಲೂಟಿ

Published: Thursday, May 12, 2011, 15:19 [IST]

ಕರಾಚಿ, ಮೇ 12: ಗಿನ್ನಿಸ್ ದಾಖಲೆಗೆ ಸೇರುವಂತಹ ಸಾಧನೆ(?)ಯೊಂದನ್ನು ದರೋಡೆಕೋರರು ಮಾಡಿದ್ದಾರೆ. ಪಾಕಿಸ್ತಾನದ ಬ್ಯಾಂಕೊಂದಕ್ಕೆ ನುಗ್ಗಿದ ಮುಸುಕುದಾರಿಗಳು ಕೇವಲ 55 ಸೆಕೆಂಡ್ ನಲ್ಲಿ ಸುಮಾರು 37 ಲಕ್ಷ ರು. ಕೊಳ್ಳೆ ಹೊಡೆದಿರುವುದಾಗಿ ಕರಾಚಿ ಪೋಲಿಸರು ತಿಳಿಸಿದ್ದಾರೆ. ಛಾರ್ಮ ಛೊವೊರಂಗಿ ಎಂಬಲ್ಲಿದ್ದ ಬ್ಯಾಂಕ್ ಗೆ ನುಗ್ಗಿದ ದರೋಡೆಕೋರರು ಈ ಕೃತ್ಯವೆಸಗಿರುವುದಾಗಿ ಡೈಲಿ ಟೈಮ್ಸ್ ವರದಿ ಮಾಡಿದೆ.

ಮುಸುಕು ಧರಿಸಿದ ಐದು ಬಂದೂಕುದಾರಿ ವ್ಯಕ್ತಿಗಳು ಬ್ಯಾಂಕ್ ಪ್ರವೇಶಿಸಿ ಭದ್ರತಾ ಸಿಬ್ಬಂದಿಗಳಿಗೆ ಹೊಡೆದು ದರೋಡೆ ಮಾಡಿದ್ದಾರೆ. ಇವರು ಕ್ಯಾಷ್ ಕೌಂಟರಿನಲ್ಲಿದ್ದ 37 ಲಕ್ಷ ರೂಪಾಯಿಯನ್ನು ಕೇವಲ 55 ಸೆಕೆಂಡಿನಲ್ಲಿ ಅಪಹರಿಸಿದ್ದಾರೆ. ಭದ್ರತಾ ಕ್ಯಾಮರಾದಲ್ಲಿ ದರೋಡೆ ರೆಕಾರ್ಡ್ ಆಗಿದ್ದು ಶೀಘ್ರದಲ್ಲಿ ದರೋಡೆಕೋರರನ್ನು ಬಂಧಿಸುವುದಾಗಿ ಪೋಲಿಸರು ತಿಳಿಸಿದ್ದಾರೆ.

Published On May 12, 2011