ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಹಾಕಿ ಇಂಡಿಯಾದಲ್ಲಿ ಕಾಮಕಾಂಡ

By Mrutyunjaya Kalmat
|
Google Oneindia Kannada News

Hockey India
ನವದೆಹಲಿ, ಜು. 21 : ಹಾಕಿ ಇಂಡಿಯಾದ ತರಬೇತಿದಾರ ಹಾಗೂ ಮಾಜಿ ಒಲಿಂಪಿಕ್ಸ್ ಕ್ರೀಡಾಪಟು ಆಗಿರುವ ಮಹಾರಾಜ್ ಕಿಶನ್ ಕೌಶಿಕ್ ಅವರು ಮಹಿಳಾ ಹಾಕಿ ಆಟಗಾರರೊಂದಿಗೆ ಅಸಭ್ಯವಾಗಿ ವರ್ತಿಸುವುದರೊಂದಿಗೆ ಲೈಂಗಿಕ ಕಿರುಕುಳ ನೀಡಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಅನಾಮೇಧೆಯ ಪತ್ರವೊಂದು ಕ್ರೀಡಾ ಸಚಿವಾಲಯಕ್ಕೆ ಬಂದಿದ್ದು, ಕೌಶಿಕ್ ಕಾಮಕಾಂಡದ ಸಮಗ್ರ ವಿವರ ಪತ್ರದಲ್ಲಿದೆ.

ಜೂನ್ 11 ಡೇಟ್ ಲೈನ್ ಹೊಂದಿರುವ ಅನಾಮೇಧೆಯ ಪತ್ರವೊಂದು ನವದೆಹಲಿ ಕ್ರೀಡಾ ಸಚಿವಾಲಯಕ್ಕೆ ಬಂದಿದ್ದು, ತರಬೇತಿದಾರರಲ್ಲಿ ಒಬ್ಬರಾದ ಮಹಾರಾಜ್ ಕಿಶನ್ ಕೌಶಿಕ್ ಅವರು ಮಹಿಳಾ ಹಾಕಿ ಆಟಗಾರರೊಂದಿಗೆ ಅಸಭ್ಯವಾಗಿ ವರ್ತಿಸುವುದರ ಜೊತೆಗೆ ಲೈಂಗಿಕ ಕಿರುಕುಳವನ್ನು ನೀಡಿದ್ದಾರೆ.

ಆಟಗಾರ್ತಿಯರು ಲೈಂಗಿಕತೆಗೆ ನಿರಾಕರಿಸಿದರೆ ಕೆಟ್ಟ ಭಾಷೆಯಲ್ಲಿ ಬೈಯ್ಯುತ್ತಾರೆ. ಬಡತನದಿಂದ ಬಂದಿರುವ ಆಟಗಾರ್ತಿಯರು ತರಬೇತಿದಾರನ ದೌರ್ಜನ್ಯ ನುಂಗಿಕೊಂಡು ಹೋಗುತ್ತಿದ್ದಾರೆ. ಇತ್ತೀಚೆಗೆ ಮುಕ್ತಾಯಗೊಂಡ ಚೀನಾ ಮತ್ತು ಕೆನಡಾ ಪ್ರವಾಸದಲ್ಲಿ ಈ ಪ್ರಕರಣ ನಡೆದಿದೆ ಎಂದು ಪತ್ರದಲ್ಲಿ ಬರೆಯಲಾಗಿದೆ.

ಲೈಂಗಿಕ ಕಿರುಕುಳದ ಆರೋಪವನ್ನು ಸ್ಪಷ್ಟವಾಗಿ ನಿರಾಕರಿಸಿರುವ ತರಬೇತಿದಾರ ಮಹಾರಾಜ್ ಕಿಶನ್ ಕೌಶಿಕ್ ಅವರು, ನನ್ನ ಹೆಸರು ಕೆಡಿಸಲು ರೂಪಿಸಿರುವ ಸಂಚು ಇದಾಗಿದೆ. ಹಾಕಿ ಆಟಗಾರ್ತಿರೊಂದಿಗೆ ನಾನು ಅಸಭ್ಯವಾಗಿ ವರ್ತಿಸಿಲ್ಲ. ಈ ಬಗ್ಗೆ ಕ್ರೀಡಾ ಇಲಾಖೆ ಪ್ರಕರಣವನ್ನು ತನಿಖೆ ನಡೆಸಬೇಕು. ಪತ್ರ ಬರೆದವರನ್ನು ಹುಡುಕಿ ಸತ್ಯಾಂಶವನ್ನು ಹೊರತರಬೇಕು ಎಂದು ಅವರು ಒತ್ತಾಯಿಸಿದ್ದಾರೆ.

ಪ್ರಕರಣ ಗಂಭೀರವಾಗಿದ್ದು, ನಾಲ್ಕು ಮಂದಿಯ ಸಮಿತಿ ರಚಿಸಿ ತನಿಖೆ ನಡೆಸಲಾಗುವುದು ಎಂದು ಹಾಕಿ ಇಂಡಿಯಾದ ಪ್ರಧಾನ ಕಾರ್ಯದರ್ಶಿ ನರೇಂದ್ರ ಬಾತ್ರಾ ಹೇಳಿದ್ದಾರೆ.

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X