22ರ ತಥಾಗತ್ ಬಾಂಬೆ ಐಐಟಿ ಪ್ರೊಫೆಸರ್

ಮುಂಬೈ, ಜು. 14 : ಅತಿ ಚಿಕ್ಕ ವಯಸ್ಸಿನಲ್ಲೇ ಪದವಿ, ಸಂಶೋಧನೆ, ಡಾಕ್ಟರೇಟ್ ಎಲ್ಲವನ್ನೂ ಪಡೆದಿರುವ ಪಾಟ್ನಾದ 22 ಹರೆಯದ ತಥಾಗತ್ ಅವತಾರ್ ತುಳಿಸಿ ಮುಂಬೈನ ಐಐಟಿಯ ಕಾಲೇಜಿನ ಸಹಾಯಕ ಪ್ರೊಫಸರ್ ಆಗಿ ನೇಮಕಗೊಂಡಿದ್ದಾರೆ.

ಬೆಂಗಳೂರಿನ ಭಾರತೀಯ ವಿಜ್ಞಾನ ಮಂದಿರದ ಐಐಎಸ್ ಸಿಯಲ್ಲಿ ಕ್ವಾಂಟಮ್ ಕಂಪ್ಯೂಟರ್ ವಿಷಯದಲ್ಲಿ ಡಾಕ್ಟರೇಟ್ ಕೂಡ ಪಡೆದಿರುವ ಡಾ ತಥಾಗತ್ ತುಳಿಸಿ ಐಐಟಿ ಬಾಂಬೆಯಲ್ಲಿ ಭೌತಶಾಸ್ತ್ರ ವಿಭಾಗದಲ್ಲಿ ಸಹಾಯಕ ಪ್ರೊಫೆಸರ್ ಆಗಿ ಸೇರಿಕೊಳ್ಳಲಿದ್ದಾರೆ. ಈ ಸಂಬಂಧ ಜೂನ್ 30 ರಂದು ಅವರಿಗೆ ಪ್ರಮಾಣ ಪತ್ರ ನೀಡಲಾಗಿದೆ.

ತಥಾಗತ್ 9ನೇ ವಯಸ್ಸಿನಲ್ಲಿ ಎಸ್ಎಸ್ಎಲ್ ಸಿ, 10 ವಯಸ್ಸಿಗೆ ಬಿಎಸ್ಸಿ, 12 ರಲ್ಲಿ ಎಂಎಸ್ಸಿ ಹಾಗೂ 21 ವಯಸ್ಸಿಗೆ ಡಾಕ್ಟರೇಟ್ ಪದವಿಯನ್ನು ಸಂಪಾದಿಸಿದ್ದಾರೆ. ಈ ಪ್ರತಿಭಾವಂತನನ್ನು ಸೆಳೆಯಲು ವಿದೇಶಿ ವಿಶ್ವವಿದ್ಯಾಲಯಗಳು ಬಲೆ ಬೀಸಿದ್ದವು. ಆದರೆ ಇದನ್ನು ನಯವಾಗಿ ತಿರಸ್ಕಿರಿಸಿದ ತಥಾಗತ್ ವಿದೇಶಕ್ಕೆ ಹೋಗುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದರು.