ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಹಾಲೆಂಡ್ ಗೆ ಉರುಗ್ವೆ ವಿರುದ್ಧ ಭರ್ಜರಿ ಜಯ

By Mahesh
|
Google Oneindia Kannada News

Wesley Sneijider
ಕೇಪ್ ಟೌನ್, ಜು.6: ಫೀಫಾ ವಿಶ್ವಕಪ್ 2010ನ ಮೊದಲ ಉಪಾಂತ್ಯ ಪಂದ್ಯ ರೋಚಕವಾಗಿದ್ದು, ಪ್ರೇಕ್ಷಕರ ಮೆಚ್ಚುಗೆ ಗಳಿಸಿತು. ಬುಕ್ಕಿಗಳ, ಫುಟ್ಬಾಲ್ ಪಂಡಿತರ ನಿರೀಕ್ಷೆಯಂತೆ ಹಾಲೆಂಡ್ ತಂಡ, ದಕ್ಷಿಣ ಅಮೆರಿಕಾದ ಏಕೈಕ ತಂಡವನ್ನು 3-2ರಿಂದ ಮಣಿಸಿ, ಯುರೋಪಿಯನ್ ಪ್ರಾಬಲ್ಯ ಮೆರೆದರು.

12 ವರ್ಷದ ಬಳಿಕ ಸೆಮೀಸ್ ತಲುಪಿದ್ದ ಡಚ್ಚರು ಪ್ರಪ್ರಥಮ ಬಾರಿಗೆ ವಿಶ್ವಕಪ್ ಎತ್ತುವ ತವಕದಲ್ಲಿದ್ದಾರೆ. ಇಂದು ಮಧ್ಯರಾತ್ರಿ ನಡೆಯುವ ಎರಡನೇ ಸೆಮಿಸ್ ನಲ್ಲಿ ಜರ್ಮನಿ ಹಾಗೂ ಸ್ಪೇನ್ ಸೆಣಸಲಿದ್ದು, ಗೆದ್ದ ತಂಡ ಹಾಲೆಂಡ್ ಜೊತೆಗೆ ಅಂತಿಮ ಹಣಾಹಣಿಯಲ್ಲಿ ಸೆಣಸಲಿದೆ.

ಡಿಫೆಂಡರ್ ಫುಸಿಲ್ ಹಾಗೂ 'ಹ್ಯಾಂಡ್ ಆಫ್ ಗಾಡ್' ಖ್ಯಾತಿಯ ಮುಂಪಡೆ ಆಟಗಾರ ಸವಾರೇಜ್ ಸೆಮಿಸ್ ಗೆ ಅಲಭ್ಯರಾಗಿದ್ದು, ಉರುಗ್ವೆಗೆ ಮುಳುವಾಯಿತು. ಆದರೂ, ಡಿಯಾಗೋ ಫೊರ್ಲಾನ್ ನಾಯಕತ್ವದಲ್ಲಿ ಸಮರ್ಥವಾಗಿ ಆಡಿ, ಮೆಚ್ಚುಗೆ ಗಳಿಸಿತು.

ಗೋಲುಗಳು: ಮೊದಲಾರ್ಧದಲ್ಲಿ ಎರಡೂ ತಂಡಗಳು ಸಮಬಲದ ಹೋರಾಟ ನೀಡಿದವು. ಆದರೆ, ದ್ವಿತೀಯಾರ್ಧದಲ್ಲಿ ರೊಬೆನ್, ಸ್ನೈಡರ್, ವಾನ್ ಪರ್ಸಿ ದಾಳಿಗೆ ಉರುಗ್ವೆ ತತ್ತರಿಸಿಬಿಟ್ಟಿತು. ಹಾಲೆಂಡ್ ಪರ ಮೊದಲ ಗೋಲನ್ನು ಸುಮಾರು 35 ಯಾರ್ಡ್ ದೂರದಿಂದ ನಾಯಕ ವಾನ್ ಬ್ರೊಖೊರ್ಸ್ಟ್ ಅದ್ಬುತವಾಗಿ ಹೊಡೆದರು.

ಉರುಗ್ವೆ ಪರ ನಾಯಕ ಡಿಯಾಗೋ ಫೊರ್ಲಾನ್ ಕೂಡಾ ಸುಮಾರು 30 ಯಾರ್ಡ್ ಮೂಲಕ ಅದ್ಭುತ ಕಿಕ್ ಮೂಲಕ ಗೋಲು ಹೊಡೆದದ್ದು ವಿಶೇಷ.

ಮಧ್ಯಂತರದ ನಂತರ ಚೆಂಡಿನ ಮೇಲೆ ನಿಯಂತ್ರಣ ಸಾಧಿಸಿದ ಡಚ್ಚರು, ಉರುಗ್ವೆ ರಕ್ಷಣಾ ವ್ಯೂಹವನ್ನು ಛೇಧಿಸಿ ಮುನ್ನುಗ್ಗಿದರು. 70ನೇ ನಿಮಿಷದ ನಂತರ ಮೂರು ನಿಮಿಷದಲ್ಲಿ ವೆಸ್ಲೆ ಸ್ನೈಡರ್ ,ರೊಬೆನ್ ತಲಾ ಒಂದೊಂದು ಗೋಲು ಗಳಿಸಿ, ಉರುಗ್ವೆ ಆಸೆಗೆ ತಣ್ಣೀರೆರಚಿದರು.

ಪಂದ್ಯ ಮುಕ್ತಾಯಕ್ಕೆ ಇನ್ನು 60 ಸೆಕೆಂಡುಗಳಿದ್ದಾಗ, ಉರುಗ್ವೆಯ ಪೆರೆರಾ ಗೋಲು ಗಳಿಸಿ, ಡಚ್ಚರಿಗೆ ಆತಂಕ ತಂದೊಡ್ಡಿದರು. ಆದರೆ, ಅಂತಿಮವಾಗಿ ಡಚ್ಚರ ಆಕ್ರಮಣಕಾರಿ ದಾಳಿಗೆ ಉರುಗ್ವೆಯ ರಕ್ಷಣಾ ವ್ಯೂಹ ಶರಣಾಗಿದ್ದ್ದು ಹಾಲೆಂಡ್ ಜಯಕ್ಕೆ ಕಾರಣವಾಯಿತು. ಕಿತ್ತಳೆ ಬಣ್ಣತೊಟ್ಟ ಡಚ್ ಅಭಿಮಾನಿಗಳು ವಿಶ್ವಕಪ್ ಪ್ರತಿಕೃತಿ ಹಿಡಿದು ಮುತ್ತಿಡಲಾರಂಭಿಸಿದರು.

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X