ನಾನು ತಪ್ಪು ಮಾಡಿಲ್ಲ : ಹಾಲಪ್ಪ

ಬೆಂಗಳೂರು, ಏ. 2 : ಇದೊಂದು ರಾಜಕೀಯ ಸಂಚು. ಪಕ್ಷದ ವಿರೋಧಿಗಳು ಹಾಗೂ ನನ್ನ ವಿರೋಧಿಗಳ ತಿಂಗಳುಗಟ್ಟಲೆ ಕುಳಿತುಕೊಂಡು ಹೆಣದಿರುವ ವ್ಯವಸ್ಥಿತ ಕುತಂತ್ರ. ಪಕ್ಷ ಮುಜುಗರಕ್ಕೆ ಒಳಗಾಗಬಾರದು ಎಂಬ ಕಾರಣದಿಂದ ನಾನು ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದೇನೆ ಎಂದು ಹರತಾಳು ಹಾಲಪ್ಪ ಸಮರ್ಥಿಸಿಕೊಂಡಿದ್ದಾರೆ.

ಪ್ರಕರಣ ಬೆಳಕಿಗೆ ಬಂದ ನಂತರ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಅವರು, ಗ್ರಾಮ ಪಂಚಾಯಿತಿ ಚುನಾವಣೆಗಳ ಹಿನ್ನೆಲೆಯಲ್ಲಿ ಈ ಕೃತ್ಯ ನಡೆಸಲಾಗಿದೆ. ನನ್ನ ಏಳ್ಗೆ ತಡೆದುಕೊಳ್ಳದ ಕೆಲವರು ಇದನ್ನು ನಡೆಸಿದ್ದಾರೆ. ಅಲ್ಲದೇ ಮುಖ್ಯಮಂತ್ರಿ ಯಡಿಯೂರಪ್ಪ ಜನಪರ ಕೆಲಸಗಳಿಗೆ ಅಡ್ಡಿಪಡಿಸುವುದು ಮತ್ತು ಸರಕಾರದ ಮುಖಕ್ಕೆ ಮಸಿ ಬಳೆಯುವ ಕೆಲಸ ನಡೆದಿದೆ ಎಂದು ಹಾಲಪ್ಪ ಹೇಳಿದರು.