• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮಹಾತ್ಮ ಗಾಂಧೀಯೇ ನಿಜವಾದ ಹೀರೋ : ಒಬಾಮಾ

By Staff
|

"ಮಹಾತ್ಮ ಗಾಂಧೀನೇ ನಿಜವಾದ ಹೀರೋ. ಅವರೇ ನನಗೆ ಸ್ಪೂರ್ತಿಯ ಸೆಲೆ". ಹೀಗೆಂದವರು ಅಮೆರಿಕಾದ ಅಧ್ಯಕ್ಷ ಬರಾಕ್ ಒಬಾಮ. ಸೆಪ್ಟೆಂಬರ್ 8ರ ಮಂಗಳವಾರ ಅಮೆರಿಕಾದ ಶಾಲೆಯೊಂದರಲ್ಲಿ ಮಕ್ಕಳನ್ನು ಉದ್ದೇಶಿಸಿ ಮಾತನಾಡುತ್ತಿದ್ದ ಒಬಾಮ, ಗಾಂಧೀ ಅವರೇ ನನಗೆ ಮಾದರಿ, ಅವರೇ ನಿಜವಾದ ನಾಯಕ ಎಂದು ಬಣ್ಣಿಸಿದರು.

ಬೇಸಿಗೆ ರಜೆಯ ನಂತರ ಅಮೆರಿಕಾದಲ್ಲಿ ಶಾಲೆಗಳು ಪುನರಾರಂಭವಾಗುವ ಕಾಲವಿದು. ಈ ಸಂದರ್ಭದಲ್ಲಿ ಮಕ್ಕಳನ್ನು ಮತ್ತೆ ಶಾಲೆಗೆ ಸ್ವಾಗತಿಸುವ, ಬರಮಾಡಿಕೊಳ್ಳುವ ರಾಷ್ಟ್ರೀಯ ಸಂಪ್ರದಾಯ ಉಂಟು. ಸ್ವತಃ ಅಮೆರಿಕಾ ಅಧ್ಯಕ್ಷರೇ ತಮ್ಮ ಒಂದು ಭಾಷಣದ ಮೂಲಕ ದೇಶದ ಎಲ್ಲ ಮಕ್ಕಳಿಗೂ ಏಕಕಾಲದಲ್ಲಿ ಸ್ವಾಗತ ಕೋರುತ್ತಾರೆ.

ಈ ಬಾರಿ ಸ್ವಾಗತ ಕ್ರಾರ್ಯಕ್ರಮಕ್ಕೆ ವರ್ಜೀನಿಯಾ ಪ್ರಾಂತ್ಯದ ಅರ್ಲಿಂಗ್ ಟನ್ ನ ವೇಕ್ ಫೀಲ್ಡ್ ಪ್ರೌಢಶಾಲೆಯನ್ನು ಆಯ್ದುಕೊಳ್ಳಲಾಗಿತ್ತು. ಅಲ್ಲಿ ಒಬಾಮ 9ನೇ ತರಗತಿಯ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದರು. "ನಿಮ್ಮ ವಿಫಲತೆಯಿಂದ ಪಾಠ ಕಲಿಯಿರಿ, ಅಂತಿಮವಾಗಿ ಗೆಲವು ನಿಮ್ಮದಾಗುವುದು" ಎಂದು ಕಿವಿಮಾತು ಹೇಳಿದರು. ಆಗ ಒಂದು ಸ್ವಾರಸ್ಯಕರ ಪ್ರಸಂಗ ಎದುರಾಯಿತು. ಲಿಲ್ಲಿ ಎಂಬ ವಿದ್ಯಾರ್ಥಿನಿ ಎದ್ದು ನಿಂತು ಅಧ್ಯಕ್ಷರಿಗೆ ಒಂದು ಪ್ರಶ್ನೆ ಕೇಳಿದಳು. ಪ್ರಶ್ನೆ ಹೀಗಿತ್ತು:

ವಿದ್ಯಾರ್ಥಿನಿ : ನನ್ನ ಹೆಸರು ಲಿಲ್ಲಿ, ಬದುಕಿರುವವರಾಗಿರಬಹುದು ಅಥವಾ ತೀರಿಕೊಂಡವರೇ ಇರಬಹುದು, ನಾನು ಯಾರ ಜತೆಯಾದರೂ ಒಂದು ಊಟ ಮಾಡಲು ಸಾಧ್ಯವಾಗುವುದಾದರೆ, ನಿಮ್ಮ ದೃಷ್ಟಿಯಲ್ಲಿ ಆ ವ್ಯಕ್ತಿ ಯಾರು?

ಒಬಾಮ :"Dinner with anyone dead or alive? Well, you know, dead or alive, that's a pretty big list," ಎಂದು ನಗುನಗುತ್ತಾ ಉತ್ತರಿಸಿದಾಗ ಸಭಾಂಗಣವೂ ನಗೆಗಡಲಲ್ಲಿ ತೇಲಿತು.

ತತ್ ಕ್ಷಣ ಗಂಬೀರವದನರಾದ ಒಬಾಮ, ಮಾತು ಮುಂದುವರೆಸಿ "You know, I think that it might be Gandhi, who is a real hero of mine," "Now, it would probably be a really small meal because he didn't eat a lot,"

ಕಳೆದ ಕೆಲವು ತಲೆಮಾರುಗಳಿಂದ ಇಡೀ ವಿಶ್ವಕ್ಕೆ ಸ್ಪೂರ್ತಿ ಕೊಟ್ಟ ವ್ಯಕ್ತಿ ಗಾಂಧೀ. ಮಹಾತ್ಮಾ ಗಾಂಧೀ ಅನೇಕರಿಗೆ ಸ್ಪೂರ್ತಿ ಕೊಟ್ಟಿದ್ದಾರೆ. ತಮಗೂ ಸಹ ಎಂದ ಒಬಾಮ ಮಾರ್ಟಿನ್ ಲೂಥರ್ ಕಿಂಗ್ ಗಾಂಧಿಯಿಂದ ಪ್ರೇರಣೆ ಪಡೆದದ್ದನ್ನು ನೆನಪಿಸಿದರು. ಭಾರತದಲ್ಲಿ ಅಂಹಿಸಾತ್ಮಕ ಚಳವಳಿಯನ್ನು ಗಾಂಧೀಜಿ ರೂಪಿಸದಿರುತ್ತಿದ್ದರೆ ಇಲ್ಲಿ (ಅಮೆರಿಕಾದಲ್ಲಿ) ನಾಗರಿಕ ಹಕ್ಕುಗಳಿಗಾಗಿ ಶಾಂತಿಯುತ ಚಳವಳಿ ನಡೆಸಲು ಸಾಧ್ಯವಾಗುತ್ತಿರಲಿಲ್ಲ ಎಂದರು.

ಹಿಂಸೆಯಿಲ್ಲದೆ, ಧನಬಲವಿಲ್ಲದೆ, ಕೇವಲ ತಮ್ಮ ವ್ಯಕ್ತಿತ್ವ ಬಲ ಮತ್ತು ನೈತಿಕ ನೆಲೆಗಳನ್ನೇ ಅಸ್ತ್ರವಾಗಿಟ್ಟುಕೊಂಡು ಯಾರು ಬದಲಾವಣೆ ತರುವುದಕ್ಕೆ ಪ್ರಯತ್ನಿಸುತ್ತಾರೋ ಅಂಥವರ ಬಗ್ಗೆ ತಮಗೆ ಗೌರವವಿದೆ. ಅಂಥವರೊಂದಿಗೆ ಕುಳಿತು ಮಾತನಾಡುವುದಕ್ಕೆ ತಮಗೆ ಇಷ್ಟ ಎಂದರು ಒಬಾಮ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more