ಇಮ್ರಾನ್ ಖಾನ್, ಭುಟ್ಟೋ ನಡುವೆ ಸಂಬಂಧವಿತ್ತೇ ?

ಲಂಡನ್, ಆ. 20 : ಮಾಜಿ ಕೇಂದ್ರ ಸಚಿವ ಜಸ್ವಂತ್ ಸಿಂಗ್ ಬರೆದಿರುವ ಪುಸ್ತಕ ಭಾರತದಲ್ಲಿ ಭಾರಿ ವಿವಾದ ಎಬ್ಬಿಸಿದೆ. ಪಾಕಿಸ್ತಾನದ ಮಾಜಿ ಪ್ರಧಾನಮಂತ್ರಿ ಬೆನೆಜೀರ್ ಭುಟ್ಟೋ ಮತ್ತು ಖ್ಯಾತ ಕ್ರಿಕೆಟಿಗ ಹಾಗೂ ತೆಹ್ರಿಕ್ ಇನ್ಸಾಫ್ ಪಕ್ಷದ ನಾಯಕ ಇಮ್ರಾನ್ ಖಾನ್ ಅವರಿಬ್ಬರಿಗೂ ಕಾಲೇಜು ದಿನಗಳಲ್ಲಿ ಉತ್ತಮ ಸ್ನೇಹವಿತ್ತು. ಆ ಸ್ನೇಹ ದೈಹಿಕ ಸಂಬಂಧದವರೆಗೂ ಬೆಳೆದಿತ್ತು ಎಂದು ಸ್ಟ್ಯಾನ್ ಫೋರ್ಡ್ ಬರೆದಿರುವ ಪುಸ್ತಕ ಪಾಕಿಸ್ತಾನದಲ್ಲಿ ಬಿರುಗಾಳಿಯನ್ನೇ ಎಬ್ಬಿಸಿದೆ.

ಕ್ರಿಕೆಟಿಗ ಇಮ್ರಾನ್ ಖಾನ್ ಹಾಗೂ ಪಾಕ್ ಮಾಜಿ ಪ್ರಧಾನಿ ಬೆನೆಜೀರ್ ಭುಟ್ಟೋ ಲಂಡನ್ ಆಕ್ಸ್ ಫರ್ಡ್ ಶಾಲೆಯಲ್ಲಿ ಒಟ್ಟಿಗೆ ವಿದ್ಯಾಭ್ಯಾಸ ಮಾಡಿದ್ದರು. ಕಾಲೇಜು ದಿನಗಳಲ್ಲಿ ಈ ಇಬ್ಬರು ಉತ್ತಮ ಸ್ನೇಹಿತರಾಗಿದ್ದರು. ಇಮ್ರಾನ್ ಖಾನ್ ಮೇಲೆ ಭುಟ್ಟೋಗೆ ವಿಶೇಷ ಅಕ್ಕರೆಯಿತ್ತು. ಈ ಇಬ್ಬರ ಗೆಳೆತನ ಇಮ್ರಾನ್ ಖಾನ್ ತಾಯಿಗೆ ತಿಳಿದಿತ್ತು. ಇಮ್ರಾನ್ ಮನೆಯಲ್ಲಿ ಇವರಿಬ್ಬರಿಗೂ ಮದುವೆ ಮಾಡಲು ಸಮ್ಮತಿಯೂ ಸಿಕ್ಕಿತ್ತು. ಆದರೆ, ಕಾರಣಾಂತರಗಳಿಂದ ಮದುವೆ ಸಾಧ್ಯವಾಗಲಿಲ್ಲ. ಆದರೆ, ಇವರಿಬ್ಬರು ಸ್ನೇಹ ಬರೀ ಸ್ನೇಹವಾಗಿ ಉಳಿಯದೇ ದೈಹಿಕ ಸಂಬಂಧದವರೆಗೂ ಮುಂದುವರೆದಿತ್ತು ಎಂದು ಇಮ್ರಾನ್ ಖಾನ್ ಅವರ ಆತ್ಮಕಥೆ ಬರೆದಿರುವ ಕ್ರಿಸ್ಚೋಫರ್ ಸ್ಟ್ಯಾನ್ ಫೋರ್ಡ್ ಭಾರಿ ವಿವಾದವನ್ನೇ ಸೃಷ್ಟಿಸಿದ್ದಾರೆ.

ಭುಟ್ಟೋ ಕೊನೆಯವರಗೂ ಕೂಡಾ ಇಮ್ರಾನ್ ಖಾನ್ ಬಗ್ಗೆ ವಿಶೇಷ ಮುತುರ್ಜಿಯನ್ನೇ ವಹಿಸುತ್ತಿದ್ದರು. 1975ರಲ್ಲಿಯೇ ಇವರಿಬ್ಬರಿಗೆ ಪರಿಚಯವಾಯಿತು. ಖಾನ್ ಕ್ರಿಕೆಟ್ ಕ್ಷೇತ್ರದಲ್ಲಿ ವಿಶಿಷ್ಟ ಸಾಧನೆ ಮಾಡಿದಾಗ ಲಯನ್ ಆಫ್ ಲಾಹೋರ್ ಎಂದು ಕರೆದಿದ್ದರು ಎಂದು ಕೂಡಾ ಸ್ಟ್ಯಾನ್ ಫೋರ್ಡ್ ಡೈಲಿ ಮೇಲ್ ಪತ್ರಿಕೆಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ. ಮಾಜಿ ಪ್ರಧಾನಮಂತ್ರಿ ಬೆನೆಜೀರ್ ಭುಟ್ಟೋ ಅವರೊಂದಿಗೆ ದೈಹಿಕ ಸಂಬಂಧವಿತ್ತು ಎನ್ನುವ ವಿಷಯವನ್ನು ಇಮ್ರಾನ್ ಖಾನ್ ಸ್ಪಷ್ಟವಾಗಿ ತಳ್ಳಿಹಾಕಿದ್ದಾರೆ.

(ಏಜನ್ಸೀಸ್)