ಹೆತ್ತತಾಯಿಯಿಂದಲೇ ಮಗಳ ಮಾರಾಟ!

ಚಂಡೀಗಡ, ಆ. 10: ತಾನುಹೆತ್ತ ಮಗಳನ್ನೇ ಮಾರಾಟ ಮಾಡಿ ತಾಯಿ ಪರಾರಿಯಾಗಿರುವ ಘಟನೆ ಪಂಜಾಬ್ ರಾಜ್ಯದ ಸಂಗ್ರೂರ್ ನಲ್ಲಿ ವರದಿಯಾಗಿದೆ. ಈಗ ಗರ್ಭಿಣಿಯಾಗಿರುವ ಮಗಳನ್ನು ಪೊಲೀಸರು ತಮ್ಮ ವಶಕ್ಕೆ ತೆಗೆದುಕೊಂಡಿದ್ದು ಪರಾರಿಯಾಗಿರುವ ತಾಯಿಗಾಗಿ ಶೋಧ ಮುಂದುವರಿಸಿದ್ದಾರೆ.

ಸ್ಕೂಲ್ ಗೆ ಹೋಗಬೇಕಾದ ವಯಸ್ಸಿನಲ್ಲಿ ಗರ್ಭವತಿಯಾಗಿರುವ 14 ವರ್ಷದ ಈ ಹುಡುಗಿಯನ್ನು ಬಲವಂತವಾಗಿ ತಾಯಿ ಮದುವೆ ಮಾಡಿಸಿದ್ದಳು. ತನ್ನ ಗಂಡ ಮತ್ತು ಮಾವನಿಂದ ದಿನನಿತ್ಯ ಅತ್ಯಾಚಾರಕ್ಕೆ ಒಳಗಾಗುತ್ತಿದ್ದು ,ಗಂಡಿನ ಮನೆಯವರು ಥಳಿಸಿ ಕತ್ತಲು ಕೋಣೆಯಲ್ಲಿ ಕೂಡಿ ಹಾಕುತ್ತಿದ್ದರು ಎಂದು ಹುಡುಗಿ ಪೊಲೀಸರು ನಡೆಸಿದ ವಿಚಾರಣೆ ಸಮಯದಲ್ಲಿ ತಿಳಿಸಿದ್ದಾರೆ.

ಭಾನುವಾರದಂದು (ಆ. 9) ಆಕೆಯ ಗಂಡನ ಮನೆಯಿಂದ ತಮ್ಮ ವಶಕ್ಕೆ ತೆಗೆದುಕೊಂಡಿರುವ ಪೊಲೀಸರು ಬಾಲ್ಯವಿವಾಹ ಮತ್ತು ಅತ್ಯಾಚಾರದ ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ. ಈ ಘಟನೆಯಲ್ಲಿ ಯಾರ್ಯಾರು ಶಾಮೀಲಾಗಿದ್ದಾರೆಂದು ತಿಳಿಯಲು ವಿಚಾರಣೆ ಮುಂದುವರಿಯುತ್ತಿದೆ ಎಂದು ಸಂಗ್ರೂರ್ ಜಿಲ್ಲಾಧಿಕಾರಿ ರಾಮ್ ಸಿಂಗ್ ತಿಳಿಸಿದ್ದಾರೆ.

(ಏಜನ್ಸೀಸ್)