ಈ ಭಾರತೀಯನಿಗೆ ವಿಶ್ವದಲ್ಲೇ ಅತ್ಯಧಿಕ ಸಂಬಳ

ನ್ಯೂಯಾರ್ಕ್, ಜೂ. 22 : ನಷ್ಟಕ್ಕೆ ಒಳಗಾಗಿರುವ ಸಿಟಿ ಗ್ರೂಪ್ ಏಷ್ಯಾ ಪೆಸಿಫಿಕ್ ಸಿಇಒಅಜಯ್ ಪಾಲ್ ಬಂಗಾ ವಾರ್ಷಿಕ 90 ಕೋಟಿ ರುಪಾಯಿ ಸಂಭಾವನೆಯ ಹೊಸ ಉದ್ಯೋಗ ಗಿಟ್ಟಿಸಿಕೊಂಡಿದ್ದಾರೆ. ಮಾಸ್ಟರ್ ಕಾರ್ಡ್ ಬಂಗಾ ಅವರನ್ನು ನೂತನ ಅಧ್ಯಕ್ಷ ಹಾಗೂ ಕಾರ್ಯನಿರ್ವಹಣಾ ಅಧಿಕಾರಿಯಾಗಿ ನೇಮಕ ಮಾಡಿಕೊಂಡಿದೆ.

ಪ್ರಸ್ತಕ ಆರ್ಥಿಕ ಹಿಂಜರಿತದ ಪರಿಸ್ಥಿತಿಯಲ್ಲಿ ಬಂಗಾ ಪಡೆಯಲಿರುವ ಸಂಬಳ ವಿಶ್ವದಲ್ಲೇ ಅತ್ಯಧಿಕ ಮೊತ್ತದ್ದಾಗಿದೆ. ಆಗಸ್ಟ್ 31 ರಂದು ಕಂಪನಿಗೆ ಸೇರ್ಪಡೆಯಾಗಲಿರುವ ಅವರು ಒಂದು ವರ್ಷದೊಳಗೆ ಸಿಇಒ ಆಗಿ ಬಡ್ತಿ ಪಡೆಯಲಿದ್ದಾರೆ. ಮಾಸ್ಟರ್ ಕಾರ್ಡ್ ನಲ್ಲಿ ವಾರ್ಷಿಕ 10 ಕೋಟಿ ಮತ್ತು ವೇತನ ರೂಪವಾಗಿ 80 ಕೋಟಿ ರುಪಾಯಿ ಪಡೆಯಲಿದ್ದಾರೆ. 2008 ರಲ್ಲಿ ಅಮೇರಿಕನ್ ಎಕ್ಸ್ ಪ್ರೆಸ್ ಸಿಇಓ ಕೆನ್ನತ್ ಚೆನಾಲ್ಟ್ ಹಾಗೂ ಸಿಟಿ ಬ್ಯಾಂಕ್ ಸಿಇಒ ವಿಕ್ರಂ ಪಂಡಿತ್ ಅವರ ವೇತನ ಹಾಗೂ ಭತ್ಯೆಗಳು ಅತ್ಯಧಿಕ ಮೊತ್ತದ್ದಾಗಿತ್ತು.

(ಏಜನ್ಸೀಸ್)