ಟಿ20 ವಿಶ್ವಕಪ್ ನಿಂದ ಕಾ೦ಗರೋ ಪಡೆ ಔಟ್
ಲೀಗ್ ಹಂತದ ಗೆಲ್ಲಲೇ ಬೇಕಾಗಿದ್ದ ತನ್ನ ಕೊನೆಯ ಪಂದ್ಯದಲ್ಲಿ ಪಂಟರ್ ಪಡೆ ಶ್ರೀಲಂಕಾ ತಂಡದ ವಿರುದ್ದ ಆರು ವಿಕೆಟ್ ಗಳ ಸೋಲು ಅನುಭವಿಸಿತು. ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಆಸ್ಟ್ರೇಲಿಯಾ ನಿಗದಿತ ಓವರ್ ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 159 ರನ್ ಗಳಿಸಿತು. ತಂಡದ ಪರವಾಗಿ ಡೇವಿಡ್ ಹಸ್ಸಿ ಮತ್ತು ಜಾನ್ಸನ್ ತಲಾ 28, ಪಾಂಟಿಂಗ್ 25 ಮತ್ತು ವಾಟ್ಸನ್ 22 ರನ್ ಗಳಿಸಿದರು.
ಇದಕ್ಕೆ ಉತ್ತರವಾಗಿ ಶ್ರೀಲಂಕಾ ಇನ್ನು ಒಂದು ಓವರ್ ಬಾಕಿ ಇರುತ್ತಲೇ ನಾಲ್ಕು ವಿಕೆಟ್ ಕಳೆದುಕೊಂಡು 160 ರನ್ ಗಳಿಸಿತು. ಜಯಸೂರ್ಯ ಅವರ ವಿಕೆಟ್ ಅನ್ನು ಬೇಗನೆ ಕಳೆದುಕೊಂಡರೂ ಆರಂಭಿಕ ಆಟಗಾರ ದಿಲ್ಶನ್ (53) ಮತ್ತು ನಾಯಕ ಸಂಗಕ್ಕರ (55) ಅವರ ಸಮಯೋಜಿತ ಜೊತೆಯಾಟದಿಂದ ಭರ್ಜರಿ ಜಯ ಸಾಧಿಸಿತು. ಸಂಗಕ್ಕರ ಪಂದ್ಯಶ್ರೇಷ್ಠ ಪ್ರಶಸ್ತಿ ಗಳಿಸಿದರು. ನಿನ್ನೆ ನಡೆದ ಇನ್ನೊಂದು ಪಂದ್ಯದಲ್ಲಿ ಐರ್ಲೆ೦ಡ್ ತಂಡ ಬಾಂಗ್ಲಾದೇಶವನ್ನು ಸೋಲಿಸಿತ್ತು. ಇದರಿಂದ ಬಾಂಗ್ಲಾದೇಶ ಕೂಟದಿಂದ ಹೊರಬಿದ್ದಿದ್ದು ಗ್ರೂಪ್ ಎ ನಿಂದ ಭಾರತ ಮತ್ತು ಐರ್ಲೆ೦ಡ್ ತಂಡ ಸೂಪರ್ 8 ಹಂತ ತಲುಪಿದೆ.
(ದಟ್ಸ್ ಕನ್ನಡ ಕ್ರೀಡಾವಾರ್ತೆ)
Click it and Unblock the Notifications
Sign in with Google