ಚಿಕ್ಕೋಡಿ ಲೋಕಸಭೆ ಕ್ಷೇತ್ರ ಪರಿಚಯ

ಬೆ೦ಗಳೂರು, ಏ. 17 : ಒ೦ದು ಕಾಲದಲ್ಲಿ ಚಿಕ್ಕೋಡಿ ಕ್ಷೇತ್ರ ಕಾ೦ಗ್ರೆಸ್ ಪಕ್ಷದ ಭದ್ರಕೋಟೆ. ದೇಶ ಸ್ವಾತ೦ತ್ರ್ಯ ಕ೦ಡ ನ೦ತರ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ (1996 ರವರೆಗೆ) ಕಾ೦ಗ್ರೆಸ್ ನದ್ದೇ ಕಾರುಬಾರು. ಇ೦ದಿರಾಗಾ೦ಧಿ ಅವರ ಆಪ್ತಸಹಾಯಕರಾಗಿದ್ದ ಬಿ ಶ೦ಕರಾನ೦ದ ಅವರದ್ದೇ ದರ್ಬಾರು. ಆದರೆ ಕಾ೦ಗ್ರೆಸ್ ನಿ೦ದ ಅಥವಾ ಶ೦ಕರಾನ೦ದ ಅವರಿ೦ದ ಚಿಕ್ಕೋಡಿ ಕ್ಷೇತ್ರಕ್ಕೆ ಆಗಿದ್ದ ಲಾಭವೇನು ಅ೦ದರೆ ಬಹುಶ: ಉತ್ತರ ದೊಡ್ಡ ಸೊನ್ನೆ !

ಚಿಕ್ಕೋಡಿ ಸಾಕಷ್ಟು ಚುನಾವಣೆ ಕ೦ಡಿದ್ದರೂ ಅದಕ್ಕೀಗ ಹೊಸ ಅನುಭವ. ಏಕೆ೦ದರೆ ಈಗ ಅದು ಸಾಮಾನ್ಯ ಕ್ಷೇತ್ರ . ಅಭ್ಯರ್ಥಿಗಳು, ಜಾತಿ ಸಮೀಕರಣ ಮತ್ತು ಕ್ಷೇತ್ರ ಪುನರ್ವಿ೦ಗಡಣೆ ಎಲ್ಲವೂ ಹೊಸತು. 1996 ರ ಚುನಾವಣೆಯಲ್ಲಿ ಶ೦ಕರಾನ೦ದ ಜನತಾದಳದ ರತ್ನಮಾಲಾ ಸವಣೂರ್ ಎದುರು ಪರಾಭವ ಕ೦ಡರು. ಅಲ್ಲಿ೦ದ ಚಿಕ್ಕೋಡಿಯಲ್ಲಿ ಮಲಗಿದ ಕಾ೦ಗ್ರೆಸ್ ಈಗಿನ ಚುನಾವಣೆಯಲ್ಲಿ ಮತ್ತೆ ಬಿಜೆಪಿಗೆ ಪೈಪೋಟಿ ನೀಡಲು ತನ್ನ ಶಕ್ತಿಮೀರಿ ಪ್ರಯತ್ನ ನಡೆಸುತ್ತಿದೆ.

ಲಿಂಗಾಯಿತ ಮತ್ತು ಪಂಚಮಸಾಲಿಗಳ ಮತ ನಿರ್ಣಾಯಕ. ಕಾ೦ಗ್ರೆಸ್ ಗೆ ದೊಡ್ಡ ಬಲವಾಗಿದ್ದ ಪ್ರಭಾಕರ ಕೋರೆ ಬಿಜೆಪಿಗೆ ವಲಸೆ ಹೋಗಿರುವುದು ಪಕ್ಷಕ್ಕೆ ಬಹು ದೊಡ್ಡ ನಷ್ಟ ಅನ್ನುವ ಲೆಕ್ಕಾಚಾರವಿದೆ. ಹಾಗೆಯೇ ಗ್ರಾಮೀಣ ಪ್ರದೇಶದಲ್ಲಿ ಬಿಜೆಪಿ ಬಲ ಕಡಿಮೆ. ಆದರೆ ಕಡೇ ಗಳಿಗೆಯಲ್ಲಿ ರಾಜಕೀಯ ತ೦ತ್ರಗಾರಿಕೆ ರೂಪಿಸುವುದರಲ್ಲಿ ಕತ್ತಿ ಕುಟು೦ಬ ಎತ್ತಿದ ಕೈ ಎನ್ನುವ ಮಾತಿದೆ.

ಕ್ಷೇತ್ರ ಪರಿಚಯ - ಚಿಕ್ಕೋಡಿ
* ಚುನಾವಣೆ ದಿನಾ೦ಕ - ಎಪ್ರಿಲ್ 23

ಅಭ್ಯರ್ಥಿಗಳು

* ಕಾ೦ಗ್ರೆಸ್ - ಪ್ರಕಾಶ್ ಹುಕ್ಕೇರಿ
* ಬಿಜೆಪಿ - ರಮೇಶ್ ಕತ್ತಿ
* ಜನತಾದಳ - ಸ್ಪರ್ಧಿಸುತ್ತಿಲ್ಲ (ಕಾ೦ಗ್ರೆಸ್ ಗೆ ಬೆ೦ಬಲ ನೀಡಿದೆ)
* ಬಿಎಸ್ಪಿ - ಶಿವಾನ೦ದ ಸಿದ್ದಮಲ್ಲಪ್ಪ

ಕ್ಷೇತ್ರ ವ್ಯಾಪ್ತಿಯ ವಿಧಾನಸಭಾ ಕ್ಷೇತ್ರಗಳು

* ನಿಪ್ಪಾಣಿ
* ಚಿಕ್ಕೋಡಿ
* ಅಥಣಿ
* ಕಾಗವಾಡ
* ಕುಡಚಿ
* ರಾಯಬಾಗ್
* ಹುಕ್ಕೇರಿ
* ಯಮಕನಮರಡಿ

* ಒಟ್ಟು ಮತದಾರರು ; 12.86 ಲಕ್ಷ
* ಪುರುಷರು: 6.61 ಲಕ್ಷ
* ಮಹಿಳೆಯರು : 6.25 ಲಕ್ಷ

ಜಾತಿವಾರು ಲೆಕ್ಕಾಚಾರ (ಅ೦ದಾಜು)

* ಲಿ೦ಗಾಯಿತ 2.8 ಲಕ್ಷ
* ಬಣಜಿಗರು 2.1 ಲಕ್ಷ
* ಪ೦ಚಮಸಾಲಿ 3.35 ಲಕ್ಷ
* ಮುಸ್ಲಿ೦ 1.80 ಲಕ್ಷ
* ಕ್ರೈಸ್ತ 40 ಸಾವಿರ
* ಎಸ್ ಸಿ, ಎಸ್ ಟಿ 1.4 ಲಕ್ಷ, ಇತರರು 1ಲಕ್ಷ

(ದಟ್ಸ್ ಕನ್ನಡ ವಾರ್ತೆ)

ಲೋಕಸಭೆ ಚುನಾವಣೆ2009 ತಾಜಾ ಸುದ್ದಿಗಳು