ಕಲಾವಿದರಿಂದ ಮಾಹಿತಿ ಕೋರಿಕೆ

ಬೆಂಗಳೂರು, ಮಾ. 7: ಕರ್ನಾಟಕ ಲಲಿತಕಲಾ ಅಕಾಡೆಮಿ ವತಿಯಿಂದ ರಾಜ್ಯದ ಕಲಾವಿದರ ಪರಿಚಯಾತ್ಮಕ ಮಾಹಿತಿ ಪುಸ್ತಕವೊಂದನ್ನು ಪ್ರಕಟಿಸುವ ಯೋಜನೆ ರೂಪಿಸಿದ್ದು, ಈ ಕುರಿತು ಸ್ವವಿವರವುಳ್ಳ ಮಾಹಿತಿಯೊಂದಿಗೆ ಹಾಗೂ ಇತ್ತೀಚಿನ ಎರಡು ಭಾವಚಿತ್ರದೊಂದಿಗೆ ತಮ್ಮ ಎರಡು ಕಲಾಕೃತಿಗಳ ಛಾಯಾಚಿತ್ರಗಳನ್ನು ಕಲಾವಿದರು ಅಕಾಡೆಮಿಗೆ ಕಳಿಸಿಕೊಡಲು ಕೋರಿದೆ.

ವ್ಯಕ್ತಿ ಪರಿಚಯದೊಂದಿಗೆ ಕಲಾವಿದರು ತಮ್ಮ ಹೆಸರು, ಹುಟ್ಟಿದ ದಿನಾಂಕ, ಖಾಯಂ ವಿಳಾಸ, ಕನಿಷ್ಠ ವಿದ್ಯಾರ್ಹತೆ ಎಂ.ಎಂ.ಜಿ.ಡಿ.ಮೇಲ್ಪಟ್ಟು, ಕೆಲಸ ನಿರ್ವಹಿಸುತ್ತಿರುವ ಸ್ಥಳ/ವಿಳಾಸ ಹಾಗೂ ದೂರವಾಣಿ.ಮೊಬೈಲ್, ಇ-ಮೇಲ್ , ವಿಶೇಷ ಪರಿಣಿತಿ, ಪ್ರದರ್ಶನ/ಬಹುಮಾನ, ಕಲಾಶಿಬಿರ/ಕಾರ್ಯಗಾರ, ಹವ್ಯಾಸಿ/ಕಲಾವಿದರು (50 ವರ್ಷ) ನಮೂನೆಯಲ್ಲಿ ಭರ್ತಿಮಾಡಿ ಏಪ್ರಿಲ್ 25 ರೊಳಗೆ ಅಕಡೆಮಿಗೆ ತಲುಪುವಂತೆ ಕಳಿಸುವುದು. ತಾವು ಕಳುಹಿಸುವ ಪರಿಚಯಾತ್ಮಕ ಮಾಹಿತಿಯನ್ನು ಪ್ರಕಟಿಸುವ ಅಂತಿಮ ತೀರ್ಮಾನ ಸಂಪಾದಕ ಮಂಡಲಿಯಾದಾಗಿರುತ್ತದೆ.

ಹೆಚ್ಚಿನ ವಿವರಗಳಿಗೆ ಈ ಸಂಪುಟದ ಸಂಪಾದಕರಾದ ಎಸ್. ಎಂ. ಜಂಬುಕೇಶ್ವರ, (ದೂರವಾಣಿ 9886623496) ಸದಸ್ಯರು ಕರ್ನಾಟಕ ಲಲಿತಕಲಾ ಅಕಾಡೆಮಿ ಇವರನ್ನು ಸಂರ್ಪಕಿಸಬಹುದಾಗಿದೆ.

ಪ್ರಶಸ್ತಿ ಪ್ರದಾನ ಸಮಾರಂಭ ಮುಂದೂಡಿಕೆ
ಚಿಕ್ಕಮಗಳೂರು: ಚುನಾವಣಾ ನೀತಿ ಸಂಹಿತಿ ಜಾರಿಯಲ್ಲಿರುವ ಕಾರಣ ಕರ್ನಾಟಕ ಲಲಿತಕಲಾ ಅಕಾಡೆಮಿಯು ಮಾರ್ಚ್ 15 ರಂದು ಇಲ್ಲಿ ನಡೆಸಬೇಕಾಗಿದ್ದ 2008 ರ ಗೌರವ ಪ್ರಶಸ್ತಿ ಪ್ರದಾನ ಸಮಾರಂಭ ಹಾಗೂ ಮಾರ್ಚ್ 22 ರಂದು ನಡೆಸಬೇಕಾಗಿದ್ದ ವಾರ್ಷಿಕ ಕಲಾಪ್ರದರ್ಶನ, ಕಲಾಕೃತಿ ಬಹುಮಾನ ಸಮಾರಂಭಗಳನ್ನು ಅನಿರ್ಧಿಷ್ಟ ಕಾಲದವರೆಗೆ ಮುಂದೂಡಲಾಗಿದೆ ಎಂದು ಕರ್ನಾಟಕ ಲಲಿತಕಲಾ ಅಕಾಡೆಮಿಯ ಪ್ರಕಟಣೆ ತಿಳಿಸಿದೆ.

(ದಟ್ಸ್ ಕನ್ನಡ ವಾರ್ತೆ)