ಡಿ.17 ರಿಂದ ರಾಷ್ಟ್ರ ವ್ಯಾಪಿ ಅಂಚೆ ಮುಷ್ಕರ

ಬೆಂಗಳೂರು, ಡಿ. 12 : ವಿವಿಧ ಬೇಡಿಕೆಗಳನ್ನು ಈಡೇರಿಸುವಂತೆ ಆಗ್ರಹಿಸಿ ಅಂಚೆ ನೌಕರರ ಒಕ್ಕೊಟ ಡಿ. 17 ರಂದು ರಾಷ್ಟ್ರಾದ್ಯಂತ ಮುಷ್ಕರ ಹಮ್ಮಿಕೊಂಡಿದ್ದಾರೆ.

ನೂತನ ಪಿಂಚಣಿ ಯೋಜನೆಯನ್ನು ಅನುಷ್ಠಾನಕ್ಕೆ ತರುವುದು, ಹೆಚ್ಚುವರಿ ಪ್ರಧಾನ ಕಚೇರಿಗಳ ಎಲ್ಲಾ ನೌಕರರ ಕೆಲಸವನ್ನು ಖಾಯಂ ಗೊಳಿಸುವುದು ಹಾಗೂ ಇನ್ನಿತರ ಬೇಡಿಕೆಗಳನ್ನು ಆಗ್ರಹಿಸಿ ಡಿಸೆಂಬರ್ 17 ರಿಂದ ಅನಿರ್ಧಿಷ್ಟಾವಧಿ ಮುಷ್ಕರ ನಡೆಸಲಿದ್ದೇವೆ ಎಂದು ರಾಷ್ಟ್ರೀಯ ಅಂಚೆ ನೌಕರರ ಒಕ್ಕೂಟದ ಪ್ರಧಾನ ಕಾರ್ಯದರ್ಶಿ ಮಹಾದೇವಚಾರ್ಯ ತಿಳಿಸಿದರು. ಡಿಸೆಂಬರ್ 16 ರಂದು ಅಂಚೆ ನೌಕರರು ಎಲ್ಲಾ ಅಂಚೆ ಕಚೇರಿಗಳ ಮುಂದೆ ಪಂಜಿನ ಮೆರವಣಿಗೆ ನಡೆಸಿ ಪ್ರತಿಭಟನೆ ನಡೆಸುತ್ತೇವೆ ಎಂದು ಅವರು ತಿಳಿಸಿದರು.

(ದಟ್ಸ್ ಕನ್ನಡ ವಾರ್ತೆ)