ಪಾಕ್ ನಿಂದ 101 ಭಾರತೀಯರು ಬಿಡುಗಡೆ

ಇಸ್ಲಾಮಾಬಾದ್, ನ. 24 : ಶಿಕ್ಷೆಗೆ ಗುರಿಯಾಗಿದ್ದ ಭಾರತೀಯ ಪ್ರಜೆಗಳ ಅವಧಿ ಪೂರ್ಣಗೊಂಡ ಹಿನ್ನೆಲೆಯಲ್ಲಿ ಪಾಕಿಸ್ತಾನ ಸರ್ಕಾರ 101 ಭಾರತೀಯರನ್ನು ಬಿಡುಗಡೆ ಮಾಡಿದೆ. ಶಿಕ್ಷೆಯ ಅವಧಿಯನ್ನು ಪೂರ್ಣಗೊಳಿಸಿದ 99 ಮೀನುಗಾರರು ಹಾಗೂ ಇಬ್ಬರು ಸಾಮಾನ್ಯ ನಾಗರಿಕರು ಸೇರಿ ಒಟ್ಟು 101 ಭಾರತೀಯ ಖೈದಿಗಳನ್ನು ಬಿಡುಗಡೆ ಮಾಡಲು ನಿರ್ಧರಿಸಲಾಯಿತು ಎಂದು ಪಾಕ್ ಸರ್ಕಾರದ ಮುಖ್ಯಸ್ಥ ರೆಹಮಾನ ಮಲಿಕ್ ತಿಳಿಸಿದ್ದಾರೆ.

ಉಭಯ ದೇಶಗಳ ನಡುವೆ ಮಧುರ ಬಾಂಧವ್ಯ ಸೃಷ್ಟಿಸುವ ಸಲುವಾಗಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಪಾಕಿಸ್ತಾನ ತಿಳಿಸಿದೆ. ಇತ್ತೀಚೆಗೆ ಶಿಕ್ಷೆಗೆ ಗುರಿಯಾಗಿ ಅವಧಿ ಪೂರ್ಣಗೊಳಿಸಿದ 29 ಪಾಕಿಸ್ತಾನಿ ಪ್ರಜೆಗಳನ್ನು ಜೈಲಿನಿಂದ ಬಿಡುಗಡೆ ಮಾಡಿರುವುದನ್ನು ನೆನಪಿಸಿಕೊಳ್ಳಬಹುದು. ಉಭಯ ದೇಶಗಳು ಕೈಗೊಂಡಿರುವ ನಿರ್ಧಾರ ಶ್ಲಾಘನೀಯದರೂ ಗಡಿ ಪ್ರದೇಶದಲ್ಲಿ ಮಾರಣಹೋಮ ನಿರಂತರವಾಗಿದೆ. ಪಾಕಿಸ್ತಾನ ಭಾರತದ ಗಡಿ ಉಲ್ಲಂಘನೆ ಮಾಡುವುದು ನಿತ್ಯದ ಕಾಯಕವಾಗಿರಿಸಿಕೊಂಡಿದೆ.
(ದಟ್ಸ್ ಕನ್ನಡ ವಾರ್ತೆ)