ಕೆನೆಪದರದ ಆದಾಯ ಮಿತಿ ರು.4.5 ಲಕ್ಷಕ್ಕೆ ಏರಿಕೆ
ನವದೆಹಲಿ,
ಅ.4:ಕೆನೆಪದರಕ್ಕೆ
ಸೇರಿರುವ
ಇತರೆ
ಹಿಂದುಳಿದ
ವರ್ಗಗಳ
ವಾರ್ಷಿಕ
ಆದಾಯ
ಮಿತಿಯನ್ನು
ರು.2.5
ಲಕ್ಷಗಳಿಂದ
ರು.4.5
ಲಕ್ಷಕ್ಕೆ
ಏರಿಸಲಾಗಿದೆ.
ಕೇಂದ್ರ
ಸರ್ಕಾರದ
ಈ
ನಿರ್ಧಾರದಿಂದ
ಒಬಿಸಿ
ಮೀಸಲಾತಿ
ವ್ಯಾಪ್ತಿಗೆ
ಮತ್ತಷ್ಟು
ಜನರು
ಸೇರ್ಪಡೆಯಾಗಲಿದ್ದಾರೆ.
ಶುಕ್ರವಾರ
ನಡೆದ
ಕೇಂದ್ರ
ಸಚಿವ
ಸಂಪುಟ
ಸಭೆಯಲ್ಲಿ
ಈ
ನಿರ್ಧಾರ
ಕೈಗೊಳ್ಳಲಾಯಿತು.
ಶೀಘ್ರವೇ
ಈ
ಕುರಿತ
ಸರ್ಕಾರಿ
ಆದೇಶ
ಹೊರಬೀಳಲಿದೆ
ಎಂದು
ಸಭೆಯಲ್ಲಿ
ಭಗವಹಿಸಿದ್ದ
ವಾರ್ತಾ
ಸಚಿವ
ಪ್ರಿಯರಂಜನ್
ದಾಸ್
ಮುನ್ಷಿ
ಸುದ್ದಿಗಾರರಿಗೆ
ತಿಳಿಸಿದರು.
ರಾಷ್ಟ್ರೀಯ ಹಿಂದುಳಿದ ವರ್ಗಗಳ ಆಯೋಗದ ಶಿಫಾರಸಿನ ಆಧಾರದ ಮೇಲೆ ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಸಚಿವಾಲಯ ಮೀಸಲಾಗಿ ಆದಾಯ ಮಿತಿ ಏರಿಕೆಯ ಪ್ರಸ್ತಾವನೆಯನ್ನು ಮುಂದಿಟ್ಟಿತ್ತು. ಬುಡಕಟ್ಟು ವ್ಯವಹಾರ, ಗೃಹ, ಕಾನೂನು, ಮಾನವ ಸಂಪನ್ಮೂಲ, ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣ ಸಚಿವಾಲಯಗಳು ಹಾಗೂ ಸಿಬ್ಬಂದಿ ಮತ್ತು ತರಬೇತಿ ಇಲಾಖೆಗಳು ಆಂತರಿಕ ಮಟ್ಟದಲ್ಲಿ ಚರ್ಚೆ ನಡೆಸಿದರು. ಶಿಫಾರಸಿನ ಬಗ್ಗೆ ಯಾವುದೇ ಸಚಿವಾಲಯ ನಕಾರಾತ್ಮಕ ಪ್ರತಿಕ್ರಿಯೆ ನೀಡಿಲ್ಲ.
ಲೋಕಸಭೆ ಮತ್ತು ಹಲವು ರಾಜ್ಯಗಳಿಗೆ ಚುನಾವಣೆ ಸಮೀಪಿಸುತ್ತಿರುವ ಹಿನ್ನೆಲೆಯಲ್ಲಿ ಯುಪಿಎ ನೇತೃತ್ವದ ಕೇಂದ್ರ ಸರ್ಕಾರ ಈ ನಿರ್ಧಾರ ಕೈಗೊಂಡಿರುವುದು ಗಮನಾರ್ಹ ಸಂಗತಿ. 1993ರಲ್ಲಿ ಒಬಿಸಿ ಮೀಸಲಾತಿ ಆದಾಯ ಮಿತಿ ರು.1 ಲಕ್ಷಕ್ಕೆ ನಿಗದಿಪಡಿಸಲಾಗಿತ್ತು.
(ಏಜೆನ್ಸೀಸ್)